JEREMIAH 44:21 - Edisana ñwed Abasi Ibom

²¹ Nte idige ufɔp ŋkpɔ oro mbufo ekefɔpde ke mme obio Judah ye ke mme efak Jerusalem, mbufo, ye mme ete mbufo, ye ndidem mbufo, ye mbɔŋ mbufo, ye mbio-obio, ke Jehovah eketi mmɔ, onyuŋ onim ke esit esie?

JEREMIAH 44:21 Referans Kwoze

JEREMIAH 44:17

koro nnyin miditreke ndinam kpukpru ikɔ eke etode nnyin ke inua, nnyuŋ mfɔp ŋkpɔ nnɔ ɔbɔŋ-aŋwan ikpa-enyɔŋ, nnyuŋ ntɔhɔ uwa ediŋwɔŋ ŋkpɔ nnɔ enye, kpa nte nnyin, ye mme ete nnyin, ye ndidem nnyin, ye mbɔŋ nnyin ikenamde ke mme obio Judah, ye ke mme efak Jerusalem, ndien idia udia iyuhɔ, inyuŋ ikut ufɔn, inyuŋ ikwe baba idiɔk-ŋkpɔ kiet.

JEREMIAH 44:9

Nte mbufo emefre mme idiɔk ido mme ete mbufo, ye mme idiɔk ido ndidem Judah, ye mme idiɔk ido iban mmɔ, ye mme idiɔk ido idem mbufo, ye mme idiɔk ido iban mbufo, emi mmɔ ekenamde ke isɔŋ Judah ye ke mme efak Jerusalem?

JEREMIAH 14:10

Ntem ke Jehovah ɔdɔhɔ ye mbio emi, ete, Ntre ke mmɔ ema ndiyɔrɔ imumke ukot mmɔ ikama, ndien mmɔ inemke Jehovah esit; kemi ke enye editi mme idiɔk ido mmɔ, onyuŋ ɔnɔ mmɔ ufen abaŋa oburubut ido mmɔ.

JEREMIAH 11:13

Koro mme abasi fo ekemde ke ibat mme obio fo, O Judah; mbufo emenyuŋ enim itie-uwa ekem ke ibat mme efak Jerusalem, enɔ oburobut ŋkpɔ oro, kpa itie-uwa eke efɔpde ŋkpɔ enɔ Baal.

ISAIAH 64:9

Kuyat esit ukaha, O Jehovah, kunyuŋ uti idiɔk ido ke nsinsi: sese, mbɔk, se, nnyin kpukpru idi ikɔt fo.

ŊWED MME PSALM 79:8

Oh kuti mme idiɔk ido mbon eset unɔ nnyin: wara nam ŋkpɔ ufɔn fo osim nnyin: koro nnyin imakabare ikpri eti-eti.

AMOS 8:7

Jehovah otomo iseri Jacob, ete, Ndifreke baba ŋkpɔ kiet eke mmɔ enamde tutu amama.

HOSEA 7:2

Ndien mmɔ ikereke ke esit mmɔ ite ke ami nteti kpukpru mme idiɔk ido mmɔ: ke emi ido mmɔ emekan mmɔ ekuk; mmɔ ena mi ke iso.

ERIYARARE 18:5

koro mme idiɔk-ŋkpɔ esie ema eboho ekoŋ esim enyɔŋ, Abasi omonyuŋ eti mme ukwaŋkpɔ esie.

ERIYARARE 16:19

Unyek-isɔŋ oro okpon, onyuŋ ɔsɔŋ eti-eti. Akwa obio onyuŋ abahare ke mbak ita, mme obio eke mme idut enyuŋ ewure. Ndien Abasi eti akwa obio Babylon, ete inɔ enye cup wine ikaŋ-ikaŋ iyaresit Imɔ.

EZEKIEL 16:24

afo okonyuŋ ɔbɔp ufɔk use ɔnɔ idem fo, onyuŋ anam edikoŋ ebiet ke idem fo ke kpukpru aŋwa.

1 NDIDEM 17:18

Ndien eka ɔdɔhɔ Elijah, ete, Ami nsaŋa nso ye afo, O owo Abasi? Nte afo emedi ke ufɔk mi, nditi mi idiɔk ido mi, nnyuŋ ŋwot eyen mi?

1 SAMUEL 15:3

Ka, ndien kasuan Amalek, mbufo enyuŋ esobo kpukpru se mmɔ enyenede, kufen mmɔ: edi wot eren, ye ŋwan, ye eyen-ɔwɔŋ, ye nsek-eyen, ye enaŋ, ye ŋkpri ufene, ye camel, ye ass.

DEUTERONOMY 32:19

Ndien Jehovah okut, onyuŋ asua, abaŋa eriyat emi nditɔ-iren esie ye nditɔ-iban esie eyatde enye esit.

DEUTERONOMY 32:34

Nte inimke emi ye ami, ikɔbike ke ubet unim ŋkpɔ mi?

JEREMIAH 32:32

mbaŋa ofuri idiɔk ido nditɔ Israel, ye eke nditɔ Judah, emi mmɔ enamde ndiyat mi esit, mmɔ ye ndidem mmɔ, ye ikpɔ owo mmɔ, ye mme oku mmɔ, ye mme prophet mmɔ, ye mbio Judah, ye mme andiduŋ Jerusalem.

JEREMIAH 44:20

Ndien Jeremiah ɔdɔhɔ kpukpru owo, iren owo, ye iban, ye kpukpru owo eke ebɔrɔde enye ikɔ ntre, ete,