JEREMIAH 44:16 - Edisana ñwed Abasi Ibom

¹⁶ Nnyin idikopke uyo fo emi abaŋade ikɔ emi afo ɔdɔhɔde nnyin ke enyiŋ Jehovah:

JEREMIAH 44:16 Referans Kwoze

LUKE 19:27

Edi ama edi mme asua mi emi mikoyomke ami ŋkara mmɔ, eda mmɔ edi mi, enyuŋ ewot mmɔ ke iso mi.

LUKE 19:14

Edi mbio-obio esie esua enye, enyuŋ edɔŋ mme isuŋutom etiene enye ke edem, ete, Nnyin iyomke owo emi akara nnyin.

DANIEL 3:15

Edi edieke mbufo enyimede ndien ndiduɔŋɔ ke isɔŋ nnyuŋ ntuak ibuot nnɔ owo o-gold emi ŋkowukde, ke adaŋemi mbufo edikopde uyo obukpoŋ, ye ifiom, ye harp, ye sacbut, ye psaltery, ye dulcimer, ye kpukpru oruk ndido, ɔfɔn: edi mbufo mituakke ibuot, ke ndo-ndo emi eyemen mbufo eduɔk ke akwa ikaŋ eke asakde; ndien ewe abasi odu eke edikemede ndinyaŋa mbufo nsio mi ke ubɔk?

JEREMIAH 38:4

Ndien mbɔŋ oro edɔhɔ edidem, ete, Mbɔk, yak ewot owo emi: koro ntem ke enye anam ubɔk emem mbon-ekɔŋ emi esuhɔde ke obio emi, onyuŋ anam ubɔk emem kpukpru mbio-obio, ke eritiŋ oruk ikɔ emi nnɔ mmɔ: koro owo emi miyomke ifure mbio-obio emi, edi oyom idiɔk.

JEREMIAH 18:18

Ndien mmɔ edɔhɔ, ete, Mbufo edi, nnyin iduak uduak ibaŋa Jeremiah; koro mme ewuhɔ midikureke oku ke ubɔk, item midinyuŋ ikureke owo eti ibuot, idinyuŋ idige ikɔ edikure mme prophet; mbufo edi, nnyin imia enye ke edeme, ikunyuŋ ikpaŋ utɔŋ ke ikɔ esie baba kiet.

JEREMIAH 11:10

Mmɔ efiak edem ke mme idiɔk ido akpa mme ete mmɔ oro mikenyimeke ndikop ikɔ mi; ndien mmɔ ebine abasi efen enyuŋ enam ŋkpɔ mmɔ: ufɔk Israel ye ufɔk Judah emebiat ediomi mi oro ŋkanamde ye mme ete mmɔ.

JEREMIAH 11:8

Mbufo ekop uyo mi. Edi mmɔ ikopke, inyuŋ ikpaŋke utɔŋ mmɔ, edi kpukpru owo kiet kiet esaŋa ke itun idiɔk esit mmɔ. Ndien nyeda kpukpru ikɔ ediomi oro ŋkowukde nte enam, ndien mmɔ minamke, nda ntiene mmɔ.

JEREMIAH 8:12

But akpanam mmɔ koro mmɔ enamde ŋkpɔ mbubiam: edi but inamke mmɔ baba ŋko, mmɔ inyuŋ ifiɔkke but iso: mmɔdo mmɔ eyeduɔŋɔ ke otu mmɔ eke ediduɔŋɔde; ke ini eke edade ufen mmɔ eyeduɔŋɔ.

JEREMIAH 8:6

Ŋkakpaŋ utɔŋ ŋkop, mmɔ idɔhɔke se inende: baba owo kiet ituaha mkpɔfiɔk ke idiɔk ido esie, ete, Ŋkanam nso? Kpukpru mmɔ ekabare eduk ke mbuba mmɔ, kpa nte horse obumerede oduk ke ekɔŋ.

ISAIAH 3:9

Ŋwud-iso mmɔ ɔbɔrɔ abaŋa mmɔ; mmɔ enyuŋ eyarare idiɔk ido mmɔ nte eke Sodom, idipke. Ifɔnke fɔn inɔ ukpɔŋ mmɔ! koro mmɔ enamde idem mmɔ idiɔk.

ŊWED MME PSALM 2:3

“Eyak nnyin ibuŋ ŋkpɔkɔbi mmɔ, inyuŋ ikibi uruk mmɔ ke idem nnyin iduɔk.”

EXODUS 5:2

Ndien Pharaoh ɔdɔhɔ ete, Jehovah edi anie, eke ŋkopde uyo esie, nnyuŋ nyak Israel eka?

1 SAMUEL 8:19

Edi mbon oro inyimeke ndikop uyo Samuel; ndien mmɔ edɔhɔ ete, Ih ih: kam yak edidem akara nnyin;

MME ŊKE 1:24

Koro ami ŋkokotde, ndien mbufo esin; ŋkanyan ubɔk mi, ndien baba owo kiet eke esede iduhe;

JEREMIAH 13:10

Mme idiɔk mbio-obio emi minyimeke ndikop ikɔ mi, emi esaŋade ke itun esit mmɔ, enyuŋ ebinede abasi efen, enyuŋ enam ŋkpɔ mmɔ, enyuŋ etuak ibuot enɔ mmɔ, kpa mmɔ eyebiet ubɔp-isin emi mifɔnke ke baba nkpɔ kiet.

JEREMIAH 42:13

Edi edieke mbufo edidɔhɔde, ete, “Nnyin ididuŋke ke isɔŋ emi,” ndien mikopke uyo Jehovah Abasi mbufo;

JEREMIAH 43:2

ndien Azariah eyen Hoshaiah, ye Johanan eyen Kareah, ye kpukpru mbon iseri, edɔhɔ Jeremiah ete, Afo osusu: idige Jehovah Abasi nnyin ɔdɔŋ fi edidɔhɔ ete, Mbufo ekuka Egypt ekeduŋ do.

JEREMIAH 44:24

Jeremiah onyuŋ ɔdɔhɔ kpukpru owo ye kpukpru iban, ete, Mbufo ofuri Judah emi edude ke isɔŋ Egypt, ekop uyo Jehovah:

JEREMIAH 6:16

Ntem ke Jehovah ɔdɔhɔ ete, Mbufo eda ke mme usuŋ, enyuŋ ese, enyuŋ ebup ebaŋa mme ɔkpɔ-usuŋ eset, ete, Eti usuŋ, enye? ndien mbufo esaŋa ke esit, enyuŋ ekut nduɔk-odudu ukpɔŋ mbufo. Edi mmɔ edɔhɔ ete, “Nnyin idisaŋake.”

JEREMIAH 44:25

ntem ke Jehovah mme udim, Abasi Israel, ɔdɔhɔ, ete, Mbufo ye iban mbufo edɔhɔ ke inua mbufo, enyuŋ eda ubɔk mbufo ŋko ema, ete, Nnyin iditreke ndinam mme akaŋa nnyin eke nnyin ikakaŋade, ndifɔp ŋkpɔ nnɔ ɔbɔŋ-aŋwan ikpa-enyɔŋ, nnyun ŋwaŋa uwa ediŋwɔŋ-ŋkpɔ nnɔ enye; mbufo iban iditreke ndisɔŋɔ nnim mme akaŋa mbufo.