JEREMIAH 44:12 - Edisana ñwed Abasi Ibom

¹² nyenyuŋ nda Judah emi esuhɔde, emi ewukde iso mmɔ, ete ika isɔŋ Egypt ikoduŋ do, ndien kpukpru mmɔ eyesobo; ke isɔŋ Egypt ke mmɔ ediduɔŋɔ; eyesobo mmɔ ke ofut ye ke biɔŋ; ŋkpri ye ikpɔ eyekpaŋa ke ofut ye ke biɔŋ; enyuŋ ekabare edi ŋkpɔ isuŋi ye nsobo ye itɔk ye esuene.

JEREMIAH 44:12 Referans Kwoze

JEREMIAH 42:22

Mbufo efiɔk, ndien, ete ke mbufo eyekpa ke ofut, ye ke biɔŋ, ye ke udɔŋɔ, ke ebiet emi mbufo eyomde ndika ŋkoduŋ do.

ISAIAH 65:15

Ndien mbufo eyekpɔŋ enyiŋ mbufo enim ke ŋkpɔ isuŋi enɔ edimek ikɔt mi: ndien Ɔbɔŋ Jehovah eyewot fi, onyuŋ osio ikɔt esiemɔ enyiŋ efen:

HOSEA 4:6

Unana ifiɔk (Abasi) omosobo ikɔt mi: koro afo ɔduɔkde ifiɔk, ami ŋko nyeduɔk fi, nte okudi oku ɔnɔ mi: koro afo onyuŋ efrede mbet Abasi fo, ami ŋko nyefre nditɔ fo.

JEREMIAH 29:22

Ndien kpukpru nditɔ Judah oro eketaŋde efep emi edude ke Babylon, eyeda mmɔ ikɔ isuŋi ke idem, ete, “Yak Jehovah osuk onim fi nte Zedekiah, ye nte Ahab emi edidem Babylon ɔkɔfɔpde ke ikaŋ.”

JEREMIAH 29:18

Nyenyuŋ nda ofut, ye biɔŋ, ye idiɔk udɔŋɔ mbine mmɔ, nnyuŋ nnim mmɔ ke ŋkpɔ ndutime nnɔ kpukpru mme idut ke ererimbot, ye ke isuŋi, ye ke nsobo, ye ke nsi, ye ke esuene ke otu kpukpru mme idut eke mbinde mmɔ nsin do:

JEREMIAH 18:16

Ndien mmɔ enam isɔŋ mmɔ akabare edi se ibiarade, ye nsinsi ŋkpɔ nsi: kpukpru mmɔ eke esaŋade ebe eyekpa idem, enyuŋ eyibi ibuot mmɔ.

ISAIAH 1:28

Edi eyesobo mme oburobut owo ye mme anam idiɔk ini kiet, ndien mmɔ eke ekpɔŋde Jehovah eyetak.

NUMBERS 5:27

Ndien ke enye ama ɔkɔnɔ ŋwan mmɔŋ oro ɔŋwɔŋ, ama ekem, edieke enye akasabarede idem esie, onyuŋ ɔdiɔk ye ebe esie, mmɔŋ isuŋi eyebe oduk enye ke idibi, odoro, ndien idibi eyefut enye, ifuhi eyenyuŋ eyemere enye: ndien ŋwan oro eyekabare edi ata idiɔk isuŋi ke otu mbio-obio mmɔ.

JEREMIAH 16:4

mmɔ eyekpaŋa udɔŋɔ mkpa; idituaha mmɔ, idinyuŋ ibukke mmɔ; mmɔ eyekabare edi ifum ke iso isɔŋ: eyetak ke ofut, ye ke biɔŋ; mme okpo mmɔ eyenyuŋ edi udia inuen enyɔŋ, ye eke mme unam ikɔt.

JEREMIAH 24:9

nyeda mmɔ nnɔ ndutuhɔ ye idiɔk-ŋkpɔ ke kpukpru mme idut ererimbot, ke kpukpru ebiet eke ndibinde mmɔ nsin do.

JEREMIAH 26:6

ndien nyenam ufɔk emi ebiet Shiloh, nyenyuŋ nnim obio emi ke ŋkpɔ isuŋi nnɔ kpukpru mme idut ererimbot.

JEREMIAH 42:1

NDIEN kpukpru mbɔŋ udim-ekɔŋ, ye Johanan eyen Kareah, ye Jezaniah eyen Hoshaiah, ye kpukpru owo, nkpri ye ikpɔ, esaŋa ekpere,

JEREMIAH 44:22

Ndien Jehovah ikemeke aba ndiyɔ idiɔk ido mbufo, ye ŋkpɔ mbubiam emi mbufo enamde; ndien isɔŋ mbufo amakabare edi nsobo, ye ndobo, ye isuŋi, ndien owo eke oduŋde iduhe du, kpa nte edide mfin emi.

ZECHARIAH 8:13

Ndien ama ekem, kpa nte mbufo ekedide ŋkpɔ isuŋi ke otu mme idut, O ufɔk Judah, ye ufɔk Israel: kpa ntre ke ndiŋyaŋa mbufo, ndien mbufo eyekabare edi ŋkpɔ eridiɔŋ.

JEREMIAH 43:11

Ndien enye eyedi edisuan isɔŋ Egypt, ada eke mkpa ɔnɔ mkpa; ataŋ eke ntaŋ-mfep efep, ada eke ofut ɔnɔ ofut.

HOSEA 9:6

Koro, sese, mmɔ eyedaŋa ebak nsobo: Egypt eyetaŋ mmɔ obon, Memphis eyebuk mmɔ ke isɔŋ: ama edi ŋkpɔ silver emi mmɔ emade, nettle eyeda mmɔ, ŋkukim eyedu ke mme tent mmɔ.