JEREMIAH 42:6 - Edisana ñwed Abasi Ibom

⁶ Edide eti onyuŋ edide idiɔk, nnyin iyekop uyo Jehovah Abasi nnyin, emi nnyin idɔŋde fi utom ke ɔtɔ esie; man ɔfɔn ye nnyin ke ini nnyin idikopde uyo Jehovah Abasi nnyin.

JEREMIAH 42:6 Referans Kwoze

JEREMIAH 7:23

ibɔhɔke ikɔ emi ke ŋkowuk mmɔ, nte, Mbufo ekop uyo mi, ndien nyedi Abasi mbufo, mbufo eyenyuŋ edi ikɔt mi: ndien mbufo eyesaŋa ke ofuri usuŋ oro ŋkowukde mbufo, man ɔfɔn ye mbufo.

DEUTERONOMY 5:29

Oh, mmɔ ekpekam enyene oruk esit emi ke idem mmɔ, eke ebakde mi, enyuŋ enimde ofuri mbet mi kpukpru ini, kpaŋ ŋkpɔfɔn ye mmɔ, ye nditɔ mmɔ ke nsinsi!

ŊWED MBON ROME 8:7

koro erikere ŋkpɔ obukidem edi eriŋwana ye Abasi; koro utɔ esit oro misukke ibuot inɔ ibet Abasi, minyuŋ ikemeke ndisuk ibuot.

DEUTERONOMY 5:33

Mbufo esaŋa ke kpukpru usuŋ emi Jehovah Abasi mbufo okowukde mbufo, man edu uwem, man onyuŋ ɔfɔn mbufo, man mme usen mbufo enyuŋ ebigi ke isɔŋ emi mbufo edidade enyene.

ŊWED MBON ROME 7:13

Nte se ifɔnde amakabare edi mkpa ndien ɔnɔ mi? Idige ntre. Edi idiɔk-ŋkpɔ akabare edi mkpa, man idiɔk-ŋkpɔ owut ete imɔdiɔk ke erida se ifɔnde nnam mkpa nnɔ mi; man idiɔk-ŋkpɔ akpada item akabare ɔdiɔk ebe adaŋa.

ŊWED MBON ROME 7:7

Nso ndien ke ididɔhɔ? Nte ibet edi idiɔk-ŋkpɔ? Idige ntre. Edi mkpɔfiɔkke idiɔk-ŋkpɔ ke mitoho ke ibet; koro mkpɔdiɔŋɔke erisin esit ke ŋkpɔ owo, ke ibet miketiŋke ite, Kusin esit ke ŋkpɔ owo.

ISAIAH 3:10

Mbufo edɔhɔ edinen owo, ete, Ke ɔfɔn: koro mmɔ eyedia mfri ido mmɔ.

ŊWED MME PSALM 128:2

Koro afo edidiade utom ubɔk fo: ɔfɔn ɔnɔ fi, afo onyuŋ okut eti ŋkpɔ.

JOSHUA 24:24

Ndien kpukpru owo edɔhɔ Joshua, ete, Nnyin iyenam ŋkpɔ Jehovah Abasi nnyin, inyuŋ ikop uyo esie.

EXODUS 24:7

Ndien enye emen ŋwed ediomi eketiŋ ke utɔŋ kpukpru owo: ndien mmɔ edɔhɔ ete, Nnyin iyenam, inyuŋ ikop kpukpru se Jehovah ɔdɔhɔde.

DEUTERONOMY 5:27

Afo saŋa kpere, kokop kpukpru se Jehovah Abasi nnyin edidɔhɔde: ndien afo men kpukpru se Jehovah Abasi nnyin edidɔhɔde fi, tiŋ nɔ nnyin; ndien nnyin iyekop, inyuŋ inam.

JEREMIAH 22:15

Nte afo edida itie edidem, koro cedar ɔdɔŋde fi? Nte usɔ ikadiaha ŋkpɔ inyuŋ iŋwɔŋ, inyuŋ inam edinen ikpe, ndien ɔfɔn ye enye?

JEREMIAH 43:4

Ndien Johanan, eyen Kareah ye kpukpru mme etubom mbon-ekɔŋ, ye kpukpru owo eŋwen ikopke uyo Jehovah, ete etie ke isɔŋ Judah.

ŊWED MME PSALM 78:36

Ndien mmɔ ebiaŋa enye ke inua mmɔ, enyuŋ esu nsu enɔ enye ke edeme mmɔ.