JEREMIAH 40:7 - Edisana ñwed Abasi Ibom

⁷ Ekem kpukpru mme etubom mbon-ekɔŋ emi edude ke iŋwaŋ mmɔ ye ikɔt mmɔ edikop, ete ke edidem Babylon okonim Gedaliah eyen Ahikam ke etubom ke isɔŋ, okonyuŋ ada iren-owo, ye iban ye nditɔwɔŋ, ye ndusuk mbon ubuene, ubak mmɔ emi miketaŋke ifep ika Babylon, onim ye enye;

JEREMIAH 40:7 Referans Kwoze

JEREMIAH 39:10

Ndien Nebuzaradan etubom mme andikpeme edidem ayak ndusuk mbon ubuene eke minyeneke baba ŋkpɔ kiet ɔkpɔŋ ke isɔŋ Judah, onyuŋ ɔnɔ mmɔ iŋwaŋ vine ye iŋwaŋ ke ini oro.

EZEKIEL 45:16

Yak ofuri mbio-obio esaŋa ke utomo emi enɔde ɔbɔŋ ke Israel.

JEREMIAH 39:4

Edikem adaŋemi Zedekiah edidem Judah, ye kpukpru mbon-ekɔŋ ekutde mmɔ, mmɔ efeŋe, enyuŋ ewɔŋɔ ke obio ke okoneyo, eka usuŋ iŋwaŋ esa edidem, ke inua otop ke ufɔt ibibene iba: ndien enye ɔwɔrɔ aka usuŋ Arabah.

2 NDIDEM 25:4

Ekem ebuŋ obio, kpukpru mbon-ekɔŋ enyuŋ efeŋe ke okoneyo ke usuŋ inua-otop ke ufɔt ibibene mbiba emi ekperede iŋwaŋ-esa edidem: (koro mme Chaldean enyuŋ ekan obio ekuk:) ndien (edidem) efehe aka usuŋ una-isɔŋ.

2 NDIDEM 25:12

Edi etubom mbon-ukpeme ɔkpɔŋ mbon-ubuene isɔŋ, onim ke mme ɔdiɔŋ vine ye mme ofuŋ-isɔŋ.

JEREMIAH 41:11

Ekem Johanan eyen Kareah ye kpukpru mme etubom mbon-ekɔŋ oro edude ye enye, edikop ofuri idiɔk-ŋkpɔ oro Ishmael eyen Nethaniah akanamde.

JEREMIAH 43:6

kpa iren owo, ye iban, ye nditɔwɔŋ, ye nditɔ edidem iban, ye kpukpru owo oro Nebuzaradan etubom mbon ukpeme edidem ɔkɔkpɔŋde onim ye Gedaliah eyen Ahikam eyen Shaphan, ye Jeremiah prophet ŋko, ye Baruch eyen Neriah.

JEREMIAH 52:16

Nebuzaradan etubom mbon ukpeme edidem onyuŋ osuhɔ ndusuk mme ubuene nditɔ obio, ete edi mbon iŋwaŋ-vine ye mme ofuŋ-isɔŋ.

JEREMIAH 39:9

Ndien Nebuzaradan etubom mme andikpeme edidem ataŋ mbio-obio efen eke esuhɔde ke obio, ye mmɔ eke ekediande idem ye enye, ye owo efen eke esuhɔde, ɔnyɔŋ ke Babylon.

JEREMIAH 39:14

edɔŋ ekesio Jeremiah ke okure ufɔk ukwak, ndien eda enye enɔ Gedaliah eyen Ahikam, eyen Shaphan, ete osio enye aka ufɔk esiemɔ. Ndien enye ɔduŋ ke otu mbio-obio.

JEREMIAH 41:1

EDIKEM ke ɔyɔhɔ ɔfiɔŋ itiaba, Ishmael eyen Nethaniah, eyen Elishama, emi otode oruk edidem, ye ikpɔ owo edidem, ye owo duop ŋko, edi edisim Gedaliah, eyen Ahikam, ke Mizpah; ndien mmɔ edia ŋkpɔ do ɔtɔ kiet ke Mizpah.

JEREMIAH 41:10

Ndien Ishmael ataŋ kpukpru owo oro esuhɔde ke Mizpah, nditɔ edidem iban, ye kpukpru owo oro esuhɔde ke Mizpha, mmɔ oro Nebuzaradan etubom mbon ukpeme edidem ekesinde Gedaliah eyen Ahikam ke ubɔk: ndien Ishmael eyen Nethaniah ataŋ mmɔ ɔnyɔŋ, ndien aka, ete ibe inyɔŋ ke ɔtɔ mme Ammonite.