JEREMIAH 4:17 - Edisana ñwed Abasi Ibom

¹⁷ Kpa nte mme ekpeme-iŋwaŋ, kpa ntre ke mmɔ edikan enye ekuk: koro enye ama ɔsɔŋ ibuot ye ami; Jehovah ɔdɔhɔ.

JEREMIAH 4:17 Referans Kwoze

JEREMIAH 5:23

Ndien mbio emi enyene esit emiom ye eke nsɔŋibuot, mmɔ emekabare enyuŋ edaŋa.

ŊWED ESEME 1:18

Jehovah emenen: koro ami nnenide uyo esie: mbɔk mbufo kpukpru mme idut ekop, enyuŋ ese ndutuhɔ mi: nditɔ iban mi ye mkparawa mi emeka ke otu mbuot-ekɔŋ.

ŊWED ESEME 1:8

Jerusalem amanam idiɔk eti-eti; mmɔdo enye akabarede edi edidehe: kpukpru mmɔ eke ekekponode enye ese enye ke ndek, koro mmɔ ekutde enye iferi: enye onyuŋ eseme, onyuŋ akabare afiak edem.

ISAIAH 30:9

Koro mmɔ edide mbon nsɔŋibuot, nditɔ nsu, nditɔ eke minyimeke ndikop mbet Jehovah.

ISAIAH 1:8

Ndien adiaha Zion osuk nte efe ke iŋwaŋ-vine, nte ataya ke iŋwaŋ-ikpan, nte obio eke ekukde.

NEHEMIAH 9:30

Edi afo eme ime ye mmɔ ediwak isua, onyuŋ ada spirit fo asua ɔnɔ mmɔ ke ubɔk mme prophet fo: edi mmɔ ikpaŋke utɔŋ. Ndien afo emen mmɔ esin mbio mme idut ke ubɔk.

NEHEMIAH 9:26

Ekem mmɔ emiom, emiom, enyuŋ esɔŋ ibuot ye afo, enyuŋ emen ewuhɔ fo eduɔk ke edem mmɔ, enyuŋ ewot mme prophet fo oro ekesuade enɔ mmɔ, ete ida mmɔ ifiak isɔk fi, mmɔ enyuŋ enam ikpɔ ŋkpɔ but.

DEUTERONOMY 9:24

Mbufo esuk esɔsɔŋ ibuot ye Jehovah, toto ke usen emi ŋkɔfiɔkde mbufo.

JEREMIAH 52:4

Edikem ke ɔyɔhɔ isua usukkiet nte enye akada ubɔŋ, ke ɔyɔhɔ ɔfiɔŋ duop, ke ɔyɔhɔ usen ɔfiɔŋ duop, Nebuchadrezzar edidem Babylon, ye ofuri mbon-ekɔŋ esie esim Jerusalem, enyuŋ ekan enye ekuk, ndien ebɔp ŋkokoŋo ufɔk-ekɔŋ ekan enye ekuk.