JEREMIAH 4:10 - Edisana ñwed Abasi Ibom

¹⁰ Ndien ami ndɔhɔ, nte, Ah, Ɔbɔŋ Jehovah! ŋkɔm afo ama abiaŋa mbio-obio emi ye Jerusalem eti-eti, ete, Mbufo eyenyene emem: ndien ofut omosim ukpɔŋ (nnyin).

JEREMIAH 4:10 Referans Kwoze

JEREMIAH 5:12

Mmɔ emekaŋ Jehovah, enyuŋ edɔhɔ, ete; “Enye iduhe du; idiɔk-ŋkpɔ idinyuŋ isimke nnyin; nnyin idinyuŋ ikwe ofut ye akaŋ.

ISAIAH 37:35

Emi edi uyo Jehovah. Ndien ami nyekpeme obio emi nnyuŋ nnyaŋa enye, mbaŋa idem mi, nnyuŋ mbaŋa David owo mi.

ŊWED MBON ROME 1:28

Ndien sia mmɔ esinde ndinyene Abasi ke ifiɔk mmɔ, Abasi ada mmɔ ayak ɔnɔ obukpo esit ndinam mme ido eke midotke;

ŊWED MBON ROME 1:26

Ke ntak emi Abasi ada mmɔ ayak ɔnɔ ndek-ndek udɔŋ; koro iban mmɔ ekpɔŋ se ekebotde mmɔ enɔ ekabare enam se mikobotke mmɔ inɔ;

ŊWED MBON ROME 1:24

Oto do Abasi akada mmɔ ke ndiɔi udɔŋ esit mmɔ ayak ɔnɔ mbubiam ido, ete esuene ikpɔhidem mmɔ ke otu idem mmɔ;

EZEKIEL 11:13

Edikem adaŋemi nsuk ntetiŋ prophecy, Pelatiah eyen Benaiah akpa. Ndien nduɔ ke isɔŋ ŋkubi iso mi, nnyuŋ mfiori ke ɔkpɔsɔŋ uyo, nnyuŋ ndɔhɔ nte. Ah, Ɔbɔŋ Jehovah, nte afo ɔmɔŋ anam ubak Israel emi esuhɔde ama?

ŊWED ESEME 2:21

Nditɔwɔŋ ye mbiowo ena ke isɔŋ ke efak: nditɔ-iban mi ye mkparawa mi eduɔŋɔ ke ofut; afo okowot mmɔ ke usen iyaresit fo; owot, ndien utuaha mmɔ mbɔm.

JEREMIAH 32:17

Ah, Ɔbɔŋ Jehovah, sese, afo akanam enyɔŋ ye isɔŋ ke akwa odudu fo, ye ke edimenere ubɔk fo, baba ŋkpɔ kiet inyuŋ isɔŋke ikan fi:

JEREMIAH 23:17

Mmɔ esuk edɔhɔ ye mmɔ eke esinde mi ke ndek, ete, Jehovah ɔdɔhɔ, ete, Mbufo eyenyene emem; enyuŋ edɔhɔ kpukpru owo eke esaŋade ke itun esit mmɔ, ete, “Baba idiɔk-ŋkpɔ kiet idisimke mbufo.”

JEREMIAH 8:11

Ndien mmɔ ekɔk unan adiaha ikɔt mi enyɔŋ-enyɔŋ, ete, Emem, emem; ndien baba emem iduhe.

JEREMIAH 6:14

Mmɔ enyuŋ ekɔk unam adiaha ikɔt mi enyɔŋ-enyɔŋ, ete, “Emem, emem;” ndien baba emem iduhe.

JEREMIAH 4:18

Usuŋ fo ye ido fo enam ŋkpɔ emi enɔ fi; emi oto ke idiɔk ido fo, koro enye ododoro, koro osimde fi ke esit.

JEREMIAH 1:6

Ndien ami ndɔhɔ, nte, Aha, Ɔbɔŋ Jehovah! sese, mfiɔkke nditiŋ ikɔ: koro ami ndide eyen-ɔwɔŋ.

ISAIAH 63:17

O Jehovah, nsinam afo ayakde nnyin idiyo ikpɔŋ usuŋ fo, ayak esit nnyin ɔsɔŋ, ete ikubak fi? Fiak di baŋa ikɔt fo, mme esien udeme fo.

ISAIAH 30:10

Emi edɔhɔde mbon ŋkukut, ete, mbufo ekukut; edɔhɔ mmɔ eke esede, ete, Mbufo ekuse edinen ŋkukut enɔ nnyin; etiŋ inem ikɔ enɔ nnyin: ekut ŋkpɔ nsu:

EXODUS 9:14

Koro isaŋ emi, ami nyenam kpukpru mme idiɔk-ŋkpɔ mi eduk fi ke esit, ye ikɔt fo, ye mbio-obio fo: man afo ɔfiɔk nte baba kiet mibietke mi ke ofuri ererimbot.

EXODUS 5:22

Ndien Moses afiak etiene Jehovah, ete, Ɔbɔŋ, nsinam afo ɔdiɔkde ye mbon emi?