JEREMIAH 36:8 - Edisana ñwed Abasi Ibom

⁸ Ndien Baruch eyen Neriah anam kpukpru, kpa nte Jeremiah prophet eketemede enye, onyuŋ etiŋ ikɔ Jehovah ke ŋwed ke ufɔk Jehovah.

JEREMIAH 36:8 Referans Kwoze

JEREMIAH 1:17

Afo, ndien, bɔbɔ mbɔbɔ ke isin fo, nyuŋ daha da, nyuŋ nam kpukpru se ami nditemede fi tiŋ nɔ mmɔ: kuyak esit ɔduɔ fi ubaŋa mmɔ, mbak ami ndinam esit ɔduɔ fi ke iso mmɔ.

1 ŊWED CORINTH 16:10

Edi edieke Timothy edide ke ɔtɔ mbufo, etiŋ enyin enam enye etie ye mbufo anana ndik; koro enye ke anam utom Ɔbɔŋ, kpa nte ami nnyuŋ nnamde.

MATTHEW 16:24

Ekem Jesus ɔdɔhɔ mbet Esie ete, Edieke owo ekededi oyomde nditiene Mi, yak enye otuk idem esie, onyuŋ emen cross esie, etiene Mi.

JEREMIAH 36:4

Niden Jeremiah okot Baruch eyen Neriah: ndien Baruch ɔbɔ Jeremiah kpukpru ikɔ Jehovah emi enye ɔkɔdɔhɔde enye ke inua, ewet ke ikpa ŋwed.

NEHEMIAH 8:3

Ndien enye okot ke esit ke iso aŋwa emi odude ke iso inua-otop mmɔŋ, ɔtɔŋɔde ke usiere tutu osim ufɔt uwemeyo, ke iso iren-owo ye iban, ye mmɔ eke enyenede ibuot: ndien kpukpru owo ekpaŋ utɔŋ enɔ ŋwed mbet.

JEREMIAH 32:12

ndien mmen ŋwed udep oro nnɔ Baruch, eyen Neriah, eyen Mahseiah, ke iso Hanamel eyen eyen-ete ete mi, ye ke iso ntiense oro ekewetde ke ŋwed udep oro, ye ke iso kpukpru mme Jew eke etiede ke okure ufɔk ukwak.

JEREMIAH 36:6

Afo ka ndien kada ikpa emi afo ɔbɔde mi ke inua ewet, tiŋ ikɔ Jehovah ke utɔŋ kpukpru owo ke ufɔk Jehovah ke usen utre-udia: nyuŋ tiŋ mmɔ ŋko ke utɔŋ ofuri Judah emi etode ke mme obio mmɔ edi.