JEREMIAH 34:16 - Edisana ñwed Abasi Ibom

¹⁶ ndien mbufo etɔŋɔ ntak esabare enyiŋ mi, enyuŋ enam ifin iren mbufo ye ifin iban mbufo, emi mbufo ekeyakde ewɔrɔ ufin, nte mmɔ emade, efiak, enyuŋ ekan mmɔ ubɔk, ete edi ifin iren mbufo ye ifin iban mbufo.

JEREMIAH 34:16 Referans Kwoze

LEVITICUS 19:12

Mbufo ekunyuŋ etomo enyiŋ mi esin ke nsu; kunyuŋ ubiat enyiŋ Abasi fo: ami ndi Jehovah.

EZEKIEL 18:24

Ndien ke adaŋemi edinen owo ɔkpɔŋde edinen ido esie afiak edem, onyuŋ anam mme ukwaŋ-ŋkpɔ, onyuŋ anam nte asaŋade ye kpukpru mbubiam ido emi idiɔk owo anamde, nte enye eyedu uwem? Iditihi edinen ido esie eke enye anamde baba kiet: enye eyekpa ke ndudue esie eke enye eduede, ye ke idiɔk ido eke enye anamde.

EZEKIEL 3:20

Ndien ke adaŋemi eti owo akabarede ɔkpɔŋ eti ido esie, onyuŋ anamde ukwaŋ-ŋkpɔ, ndien ami nda ŋkpɔ iduɔ nnim enye ke iso, enye eyekpa: koro afo munɔŋɔ enye item, enye eyekpa ke idiɔk ido esie, ndien iditihi edinen ido eke enye akanamde; ndien nyekpak iyip esie ke ubɔk fo.

JEREMIAH 34:11

Ndien ke ini oro ebede, mmɔ etɔŋɔ ntak enam ifin iren mmɔ ye ifin iban mmɔ oro mmɔ ekeyakde ewɔrɔ ke ufin, efiak, enyuŋ enim mmɔ ke ifin iren ye ke ifin iban ke ŋkan-ubɔk.

EXODUS 20:7

Kumen enyiŋ Jehovah Abasi fo utomo ke se midige akpanikɔ: koro Jehovah midiyakke otomo enyiŋ esie ke se midige akpanikɔ, ɔbɔhɔ.

1 SAMUEL 15:11

Mmatua mkpɔfiɔk koro ŋkonimde Saul ke edidem: koro enye ama akabare ɔkpɔŋ mi, inyuŋ inamke uyo mi. Ndien Samuel ayat esit, onyuŋ eseme ɔnɔ Jehovah ke ofuri okoneyo.

MALACHI 1:12

Edi mbufo ke ebiat enye: koro edɔhɔde ete, Okpokoro Jehovah emedehe, ndien mfri esie, kpa udia esie, edi obukpo.

MALACHI 1:7

Mbufo ke ediɔk edidehe uyo ke itie-uwa mi; ndien mbufo edɔhɔ ete, Nnyin ida nso isabare fi? Koro mbufo edɔhɔde, ete, Okpokoro Jehovah edi obukpo.

EZEKIEL 39:7

Ndien nyenam mmɔ efiɔk edisana enyiŋ mi ke otu ikɔt mi Israel; ndinyuŋ nyakke aba (mmɔ) esabare edisana enyiŋ mi: ndien mme idut eyefiɔk ete ke ami Jehovah ndi edisana Abasi ke Israel.

EZEKIEL 20:39

Ndien ama edi mbufo, ufɔk Israel, ntem ke Ɔbɔŋ Jehovah ɔdɔhɔ, ete, Mbufo kpukpru eka ekenam ŋkpɔ mme ibɔk mbufo ye ke ini iso, ke baba owo mbufo kiet mikopke uyo mi: mbufo ekunyuŋ esabare aba edisana enyiŋ mi ke enɔ mbufo, ye ibɔk mbufo.

EZEKIEL 13:22

Koro mbufo edade nsu eyat edinen owo esit, emi ami mmenyatke; enyuŋ esɔŋde mme idiɔk owo ubɔk, man enye okukpɔŋ idiɔk ido esie afiak, man enim enye uwem: