JEREMIAH 30:6 - Edisana ñwed Abasi Ibom

⁶ Mbufo ebup ndien, enyuŋ ese, mme eren owo aman eyen? Nnam didie ŋkut kpukpru mbon uko nte etɔde ubɔk ke isin, ebiet aŋwan uman, kpukpru iso enyuŋ ekabare akpai?

JEREMIAH 30:6 Referans Kwoze

NAHUM 2:10

Enye etie ukpɔk ye ikpikpu, ye ubɔk-ubɔk: ndien esit atara; edɔŋ enyuŋ enyek: ɔkpɔsɔŋ ubiak onyuŋ odu ke kpukpru isin; iso kpukpru mmɔ enyuŋ ekabare kpai.

JOEL 2:6

Iso mmɔ esin mme idut enyek idem kpukpru iso enyuŋ ekabare kpai.

JEREMIAH 4:31

Koro ŋkopde uyo ebiet aŋwan uman, ubiak ebiet eke ŋwan eke amande akpan eyen, uyo adiaha zion, enye eŋwek, anyan ekaubɔk esie; ete, “Mbɔm mi ndien: koro mme owot-owo esinde ukpɔŋ akpa mi.”

ISAIAH 21:3

Oro esin ata ndik ɔyɔhɔ mi ke isin: ubiak omum mi, nte ubiak aŋwan uman: se ŋkopde anam idem esiŋede mi; se ŋkutde esin mi ndutime.

1 ŊWED THESSALONICA 5:3

Ini mme owo edɔhɔde ete, idu ke emem ye ifure, kpa adaŋoro ke nsobo abuat mmɔ, nte emi uman abuatde ŋwan idibi; ndien mmɔ idikwe usuŋ ubɔhɔ.

HOSEA 13:13

Ubiak aŋwan uman omotuk enye: enye edi eyen eke ananade ibuot; koro ekemde ke ini, idibigike: nditɔ ke eyom ndiwɔrɔ.

JEREMIAH 22:23

O andiduŋ Lebanon, emi enamde efɔk fo ke mme cedar, editua fi mbɔm didie ke ini ndutuhɔ ye ubiak, nte eke aŋwan uman, edisimde fi?

JEREMIAH 6:24

Nnyin imokop etop esie: ubɔk nnyin emekabare emem: nnanenyin omomum nnyin, ubiak ebiet eke aŋwan uman.

ŊWED MME PSALM 48:6

Unyek-idem omum mmɔ do, nte ubiak omumde ŋwan uman.

DANIEL 5:6

Ndien iso edidem akabare kpai, ekikere esie enyuŋ etimere enye, ŋkek isin esie enyuŋ emem: edɔŋ esie kiet onyuŋ atuak eken.

JEREMIAH 50:43

O adiaha Babylon. Edidem Babylon okokop etop mmɔ, ndien ubɔk emem enye, nnanenyin omum enye, ye ubiak kpa nte eke aŋwan uman.

JEREMIAH 49:24

Idem emem Damascus, enye akabare ete ifehe, ndik onyuŋ omum enye; ukut ye ubiak nte eke aŋwan uman etuk enye.

ISAIAH 29:22

Mmɔdo ntem ke Jehovah, emi akafakde Abraham, ɔdɔhɔ ye ufɔk Jacob, ete, But idinamke aba Jacob, iso esie idinyuŋ ikabakede aba idi afai.

JEREMIAH 13:21

Afo edidɔhɔ didie ke ini eke enye edinɔde fi ufen? (Ŋkɔm afo amayak mmɔ emehe ndida ata ubɔŋ fo:) nte ubiak idimumke fi nte omumde ŋwan uman?

JEREMIAH 48:41

Eda mme obio, emum mkpɔsɔŋ ebiet, ndien esit mbon uko Moab ke usen oro eyebiet esit aŋwan uman.

JEREMIAH 49:22

Sese, enye eyedɔk, onyuŋ efe nte ntrukpom, onyuŋ atat mba esie ofuk Bozrah: ndien esit mbon uko Edom ke usen oro eyebiet esit aŋwan uman