JEREMIAH 30:13 - Edisana ñwed Abasi Ibom

¹³ Baba owo kiet eke ebierede ikɔ fo iduhe, man efuk fi unan: ama edi ibɔk, idianke fi baba.

JEREMIAH 30:13 Referans Kwoze

JEREMIAH 46:11

O adiaha Egypt eyenɔwɔŋ, dɔk ke Gilead ka da balsam: afo eyenam ibɔk awak ke ikpikpu; idige nte ekɔkde fi.

JEREMIAH 8:22

Nte baba balsam iduhe ke Gilead? Nte baba abia-ibɔk iduhe do? Nsinam ndien mibɔpke unan adiaha ikɔt mi?

JEREMIAH 33:6

Sese, ami nyeda ibɔk ukure unan ndian enye, nyenyuŋ ŋkɔk mmɔ, nnyuŋ nyarare uwak emem ye akpanikɔ nnɔ mmɔ.

JEREMIAH 30:17

Koro nyenɔ fi ŋkopidem nyenyuŋ ŋkɔk fi unan, Jehovah ɔdɔhɔ: koro ekotde fi, ete, Eyen mbin-mfep, ete, Enye edi Zion, baba owo kiet isaŋake iyom enye.

1 JOHN 2:1

ŊKPRI nditɔ mi, mmewet ŋkpɔ emi nnɔ mbufo, man mbufo ekunam idiɔk-ŋkpɔ. Ndien edieke owo anamde idiɔk-ŋkpɔ, nnyin imenyene Ekpe-emem ke ufɔt nnyin ye Ete, kpa Jesus Christ, emi edide edinen;

1 PETER 2:24

Enye ke Idem Esie obiom mme idiɔk-ŋkpɔ nnyin ke ikpɔhidem Esie ke eto, man nnyin ikpakpa ikpɔŋ idiɔk-ŋkpɔ, inyuŋ idu uwem inɔ edinen ido.

NAHUM 3:19

Nditaha fo inyeneke erikɔbɔ: unan fo omodoro ufiɔn: kpukpru mmɔ eke ekopde etop fo eyekwak ubɔk ebaŋa fi: koro anie owo odu eke idiɔk ido fo mikesimke enye kpukpru ini?

HOSEA 14:4

Nyenam mfiak-edem mmɔ okure; nyeda ima-esit mma mmɔ; koro iyaresit mi amakabare ɔkpɔŋ mmɔ.

HOSEA 6:1

MBUFO edi, nnyin inyɔŋ itiene Jehovah: koro edi enye akawai, ndien enye eyekɔk nnyin: edi enye okoyibi, ndien enye eyebɔp nnyin.

EZEKIEL 22:30

Ndien ami nyom owo eke edinamde ɔkɔ, onyuŋ adade ke ebiet emi owurede ke iso mi, ke abaŋa isɔŋ, man enye okubiara: edi ŋkwe.

ISAIAH 59:16

Ndien enye okut ete ke owo baba kiet iduhe, onyuŋ eyik koro baba esine-ufɔt miduhe: ndien ubɔk esie anyaŋa ɔnɔ enye: edinen ido esiemɔ onyuŋ omum enye akama.

ISAIAH 1:6

Ɔtɔŋɔde ke ikpat ukot tutu osim ke ibuot, baba nsɔŋidem iduhe ke esit; ke edi unan ye ŋkukip, ye obufa ufen: ifikke mmɔ, inyuŋ ibɔpke, inyuŋ iyetke mmɔ aran inam emem.

ŊWED MME PSALM 142:4

Kabare ke nnasia, nyuŋ se, ndien baba owo kiet eke ɔdiɔŋɔde mi iduhe; ubɔhɔ mi amatak; baba owo kiet eke ekerede ukpɔŋ mi iduhe.

ŊWED MME PSALM 106:23

Ndien enye ɔdɔhɔ, ete ke imɔ ikposobo mmɔ, ke mikpedige Moses edimek owo esie akada enye ke iso ke ɔtɔ ŋwure, onyuŋ akabare iyaresit esie efep, mbak edisobo mmɔ.

ŊWED JOB 34:29

Ke ini enye ɔnɔde owo ifure, anie ekeme ndinam ikpe otip owo? Ndien adaŋemi enye ofukde iso, anie ekeme ndise enye? Anam ubɔk kiet ye ofuri idut ye owo kiet:

ŊWED JOB 5:18

Koro Enye ɔnɔde unan ndien ɔbɔp: anuak, ndien ubɔk esie anam unan akpa.

DEUTERONOMY 32:39

Mbufo ese, ndien, ete ke ami, ami, ndi enye, abasi inyuŋ iduhe idian ye ami: ami ŋwot, nnyuŋ nnim owo uwem; ami nnɔ unan, nnyuŋ nsiri: baba owo kiet eke osiode ke ubɔk mi, inyuŋ iduhe.

EXODUS 15:26

onyuŋ ɔdɔhɔ ete, edieke afo editimde okop uyo Jehovah Abasi fo, onyuŋ anamde se inende enye ke enyin, onyuŋ akpaŋde utɔŋ ɔnɔ mbet esie, onyuŋ onimde kpukpru ewuhɔ esie, ndidaha baba udɔŋɔ kiet emi ŋkanamde etiene Egypt, ntiene fi: koro edi ami Jehovah nnam udɔŋɔ okure fi.

JEREMIAH 17:14

Nam udɔŋɔ okure mi, O Jehovah, ndien udɔŋɔ eyekure mi; nyaŋa mi, ndien nyedu ke ifure: koro afo edide itoro mi.

JEREMIAH 14:19

Nte afo ɔmɔduɔk Judah fap? Nte Zion etek fi esit? Nsinam afo amiade nnyin, ndien nnyin inyeneke owo eke ɔkɔkde nnyin?

JEREMIAH 6:7

Kpa nte iso idim otopde mmɔŋ esiemɔ, kpa ntre ke enye otop idiɔk ido esie: mmɔ ekop enye ŋkanubɔk ye mbume ke esit; ubiak ye unan esuk edudu ke iso mi kpukpru ini.

EZEKIEL 30:21

Eyen owo, mmobuŋ Pharaoh edidem Egypt ubɔk; ndien, sese, ibɔpke enye, isinke ibɔk, inyuŋ idianke ɔfɔŋ, man ebɔp enye enyuŋ esɔŋ enye man omum ofut.

ŊWED ESEME 2:13

Ndidɔhɔ fi didie nte ntiense? Ndɔhɔ nte afo ebiet nso? Adiaha Jerusalem, ndida nso ndomo fi, man ndɔŋ fi esit, O adiaha Zion, eyenɔwɔŋ? koro ŋwure fo okponde nte inyaŋ; anie ekeme ndidiɔŋ fi?