JEREMIAH 30:11 - Edisana ñwed Abasi Ibom

¹¹ Koro ami ndude ye afo, nte nnyaŋa fi. Jehovah ɔdɔhɔ: koro nyenam kpukpru mme idut eke ŋkasuande fi do etak, edi ndinamke fi atak: edi nyetunɔ fi nte enende, ndien ndiyakke fi ɔbɔhɔ ikpikpu.

JEREMIAH 30:11 Referans Kwoze

JEREMIAH 10:24

O Jehovah, tunɔ mi, edi nam ke ufat; mbak afo edinam mi ndi ekpri ke iyaresit fo.

JEREMIAH 1:19

Ndien mmɔ eyeŋwana ekɔŋ ye afo; edi idikemeke ubɔk ye afo; koro ami ndude ye afo, man nnyaŋa fi: uyo Jehovah edi emi.

JEREMIAH 4:27

Koro ntem ke Jehovah ɔdɔhɔ ete, Ofuri isɔŋ eyebiara; edi ndinamke mma.

JEREMIAH 1:8

Kufehe iso mmɔ; koro ami ndude ye afo ndinyaŋa fi; Jehovah ɔdɔhɔ.

ISAIAH 8:10

Mbufo eduak uduak, ndien eyekpu: edɔhɔ ikɔ, ndien ididaha: koro Abasi odude ye nnyin.

2 ŊWED TIMOTHY 4:22

Ɔbɔŋ akpakam odu ye spirit fo. Mfɔn akpakam odu ye mbufo.

UTOM MME APOSTLE 18:10

koro ami do ye afo, ndomo owo kiet idinyuŋ ibuatke fi ndinam fi idiɔk: koro mmenyene ediwak owo ke obio emi.

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

JEREMIAH 15:20

Ndien nyenim fi ke ɔkpɔsɔŋ ibibene okpoho nnɔ mbio-obio emi; ndien mmɔ eyeŋwana ekɔŋ ye afo, edi idikemeke ubɔk ye afo: koro ami ndude ye afo, nnyuŋ nnyaŋa fi, nnyuŋ nsio fi.

JEREMIAH 5:18

Jehovah onyuŋ ɔdɔhɔ ete, Ke idem mme usen oro ndinamke mbufo mma.

JEREMIAH 5:10

Mbufo edɔk ke ibibene esie ekewuri; edi ekunam ema: ekibi enye nnyɔninyɔ efep: koro mmɔ minyeneke Jehovah.

ŊWED MME PSALM 6:1

O JEHOVAH, kusua unɔ mi ke iyaresit fo, kunyuŋ utɔnɔ mi ke ifiopesit fo.

MATTHEW 1:23

Sese, eyenɔwɔŋ aŋwan eyeyomo, onyuŋ aman eyeneren; Enyeyuŋ esio enye enyiŋ Immanuel, oro ɔwɔrɔ ete, Abasi ke ododu ye nnyin.

EZEKIEL 11:13

Edikem adaŋemi nsuk ntetiŋ prophecy, Pelatiah eyen Benaiah akpa. Ndien nduɔ ke isɔŋ ŋkubi iso mi, nnyuŋ mfiori ke ɔkpɔsɔŋ uyo, nnyuŋ ndɔhɔ nte. Ah, Ɔbɔŋ Jehovah, nte afo ɔmɔŋ anam ubak Israel emi esuhɔde ama?

ISAIAH 43:25

Ami, ami ndi andisɔhi mme idiɔk ido fo mfep mbaŋa idem mi, ndinyuŋ ntihi mme ukwaŋ-ŋkpɔ fo.

LEVITICUS 26:44

Edi okposuk edidi ntre, ke ini mmɔ edidude ke isɔŋ mme asua mmɔ, ndiduɔkke mmɔ, ndinyuŋ nsuaha mmɔ, nte nsobode mmɔ fap-fap, nte nnyuŋ mbiatde ediomi emi ŋkodiomide ye mmɔ: koro ami ndide Jehovah Abasi mmɔ.

DEUTERONOMY 4:31

koro Jehovah Abasi fo edide Abasi mbɔm; enye idikpɔŋke fi, idinyuŋ isoboke fi, idinyuŋ ifreke ediomi mme usɔ emi enye ɔkɔŋwɔŋɔde ɔnɔ mmɔ.

ŊWED ESEME 3:22

Ima Jehovah esin nnyin ikutak, koro mbom esie mikureke.

EZEKIEL 6:8

Ndien nyesuhɔ ndusuk; koro ndusuk eke ebɔhɔde ofut eyenyene mbufo ke otu mme idut, ke ini mbufo esuanade ke otu mme obio.

HOSEA 11:9

Ndinamke ke ifiopesit mi, nditɔŋɔke ntak mbiat Ephraim: koro ami ndide Abasi, ndige owo; ndi Edisana (Abasi) ke otu mbufo: ndien ndidukke ke obio.

EXODUS 34:7

awak ima ye akpanikɔ, onim ima ɔnɔ ediwak tɔsin, efen mme ukwaŋ-ŋkpɔ, ye ndudue, ye idiɔk ido, edi iyakke mbon-isop ebɔhɔ; ada usiene mme ukwaŋkpɔ mme ete, osio ye nditɔ, ye nditɔ nditɔ, tutu osim ɔyɔhɔ emana ita ye inaŋ.

2 SAMUEL 24:12

Ka kɔdɔhɔ David, ete, Ntem ke Jehovah ɔdɔhɔ ete, Mmanyan ŋkpɔ ita nnɔ fi: mek kiet ke otu mmɔ ke idem fo, man nnam fi.