JEREMIAH 28:11 - Edisana ñwed Abasi Ibom

¹¹ Hananiah onyuŋ ɔdɔhɔ ke iso kpukpru owo, ete, Ntem ke Jehovah ɔdɔhɔ ete, Ntem ke ndibuŋ kpukpru mme idut ɔkpɔnɔ Nebuchadnezzar edidem Babylon ke itɔŋ mfep, ke isua iba ete ikɔyɔhɔ. Ndien Jeremiah prophet ɔnyɔŋ esiemɔ.

JEREMIAH 28:11 Referans Kwoze

JEREMIAH 14:14

Ndien Jehovah ɔdɔhɔ mi, ete, Mme prophet etiŋ nsunsu a-prophecy ke enyiŋ mi: ŋkɔdɔŋke mmɔ utom, nnyuŋ ntemeke mmɔ, nnyuŋ ndɔhɔke ye mmɔ; mmɔ emen ŋkukut nsu, ye idiɔŋ, ye ikpikpu ŋkpɔ, ye abiaŋa esit mmɔ etiŋ enɔ mbufo.

MME ŊKE 14:7

Daha kpɔŋ iso ndisime owo, ke afo mukwe ifiɔk ke inua esie.

JEREMIAH 29:9

Koro mmɔ etiŋde nsu-nsu o-prophecy enɔ mbufo ke enyiŋ mi: ndɔŋke mmɔ; Jehovah ɔdɔhɔ.

JEREMIAH 23:17

Mmɔ esuk edɔhɔ ye mmɔ eke esinde mi ke ndek, ete, Jehovah ɔdɔhɔ, ete, Mbufo eyenyene emem; enyuŋ edɔhɔ kpukpru owo eke esaŋade ke itun esit mmɔ, ete, “Baba idiɔk-ŋkpɔ kiet idisimke mbufo.”

2 CHRONICLES 18:10

Ndien Zedekiah eyen Chenaanah akanam nduk ukwak ke idem esie, onyuŋ ɔdɔhɔ ete, Ntem ke Jehovah ɔdɔhɔ ete, Afo eyeda mme mmɔ emi onuk Syria tutu osobo mmɔ ama.

1 NDIDEM 22:6

Ndien edidem Israel obon mme prophet, owo ikie inaŋ, ɔtɔ kiet, ndien obup mmɔ, ete, Nte ŋka ekɔŋ ke Ramoth-gilead, mme ŋkuka? Ndien mmɔ ebɔrɔ ete, Dɔk: ndien Ɔbɔŋ eyeda enye esin edidem ke ubɔk.

1 NDIDEM 13:18

Ndien enye eken ete, Ami nde-nde ndi prophet kpa nte afo, ndien angel kiet ɔkɔdɔhɔ mi ke uyo Jehovah, ete, Da enye fiak ye afo ke ufɔk fo, man enye adia ŋkpɔ, onyuŋ ɔŋwɔŋ mmɔŋ; edi enye osusu ɔnɔ enye.

EZEKIEL 13:7

Nte mbufo ikekwe nsunsu ŋkukut, ikonyuŋ idɔhɔke mfa abiaŋa? Ndien mbufo edɔhɔ ete, “Uyo Jehovah:” ndien idige ami ŋkɔdɔhɔ.

JEREMIAH 28:15

Jeremiah prophet onyuŋ ɔdɔhɔ Hananiah prophet, ete, Hananiah, kop ndien: Jehovah ikɔdɔŋke fi; edi afo anam mbio-obio emi ebuɔt idem ke nsu.