JEREMIAH 26:13 - Edisana ñwed Abasi Ibom

¹³ Mbufo ekabare ndien usuŋ mbufo, ye ido mbufo enam ɔfɔn, enyuŋ ekop uyo Jehovah Abasi mbufo; ndien Jehovah eyedahado ke idiɔk-ŋkpɔ oro enye ɔdɔhɔde abaŋa mbufo.

JEREMIAH 26:13 Referans Kwoze

JONAH 4:2

O Jehovah, mbɔk, nte emi idige uyo mi ke ŋkodude ke edem nnyin? Oro ekesin mi mfehe ŋka ke Tarshish ke akpa: koro mfiɔkde nte afo edi Abasi mbɔm ye mfɔn, usɔpke iyaresit, edi okpon ima, onyuŋ akabare esit ke idiɔk-ŋkpɔ.

JONAH 3:9

Anie owo ɔfiɔk mme Abasi eyewɔŋɔre onyuŋ akabare esit, onyuŋ adahado ke ikaŋ iyaresit esie, man nnyin ikutak.

ISAIAH 1:19

Mbufo ema enyime, enyuŋ ekop, eyedia ufɔn isɔŋ;

MME HEBREW 5:9

ndien ke ema ekenam Enye ɔfɔn ama, Enye akabare edi ntak nsinsi erinyaŋa ɔnɔ kpukpru owo emi ekopde uyo Esie;

JOEL 2:14

Anie ɔfiɔk mme enye eyekabare onyuŋ atua mkpɔfiɔk, onyuŋ ɔkpɔŋ eti ŋkpɔ ke edem esie, kpa inuak-udia ye uwa ediŋwɔŋ-ŋkpɔ, ɔnɔ Jehovah Abasi mbufo?

JEREMIAH 38:20

Ndien Jeremiah ɔdɔhɔ ete, Mmɔ idisinke. Mbɔk, kop uyo Jehovah ke se ami ndɔhɔde fi; ndien eyefɔn fi, ukpɔŋ fo eyenyuŋ odu uwem.

JEREMIAH 36:3

Mme ufɔk Judah eyekop ofuri idiɔk emi ami ŋkerede ndinam mmɔ, man kpukpru mmɔ ekabare ekpɔŋ mme idiɔk usuŋ mmɔ; man ami ndahado ke idiɔk ido mmɔ ye ukwaŋ-ŋkpɔ mmɔ.

JEREMIAH 35:15

Ami ŋko nnyuŋ ndɔŋ kpukpru ikɔt mi mme prophet utom ke ɔtɔ mbufo, mbabak ndɔŋ, nte, Mbɔk, mbufo kpukpru ekabare ekpɔŋ idiɔk usuŋ mbufo, enyuŋ ekabare ido mbufo enam ɔfɔn, ekunyuŋ ebine mme abasi efen ndinam ŋkpɔ nnɔ mmɔ, ndien mbufo eyeduŋ ke isɔŋ emi ŋkɔnɔde mbufo ye mme ete mbufo: ndien mbufo ikpaŋke utɔŋ mbufo, inyuŋ ikopke inɔ mi.

JEREMIAH 26:19

Nte Hezekiah edidem Judah, ye ofuri Judah ema eyom ndiwot enye? Nte enye ikabakke Jehovah, inyuŋ ikpe Jehovah ubɔk, ndien Jehovah adahado ke idiɔk-ŋkpɔ oro enye ɔkɔdɔhɔde abaŋa mmɔ? Ke ntre ke nnyin ikpanam akamba idiɔk ŋkpɔ otuk ukpɔŋ nnyin.

JEREMIAH 26:3

mme mmɔ kiet kiet eyekop enyuŋ efiak ekpɔŋ idiɔk usuŋ mmɔ, man ŋkabare ŋkpɔŋ idiɔk-ŋkpɔ emi ami ŋkekerede ndinam mmɔ mbaŋa mme idiɔk ido mmɔ.

JEREMIAH 18:8

ndien edieke obio oro ŋkɔdɔhɔde mbaŋa, akabarede ɔkpɔŋ idiɔk ido mmɔ, nyefen idiɔk-ŋkpɔ oro ŋkaduakde ndinam mmɔ.

ISAIAH 55:7

yak idiɔk owo ɔkpɔŋ usuŋ esie, yak oburobut owo ɔkpɔŋ ekikere esie: onyuŋ afiak etiene Jehovah: ndien enye eyetua enye mbɔm; etiene Abasi nnyin, koro Enye eyewak ndidahado.

EZEKIEL 33:11

Dɔhɔ mmɔ, ete, Ɔbɔŋ Jehovah ɔdɔhɔ, ete, Ma uwem mi, mkpa idiɔk owo inemke mi esit, edi idiɔk owo akam akabare ɔkpɔŋ usuŋ esie, ndien odu uwem: mbufo, O ufɔk Israel, ekabare, ekabare; koro nsinam mbufo ekpekpaŋa?

JEREMIAH 42:10

Edieke mbufo ediduŋde ke isɔŋ emi, ndien nyediɔŋ mbufo, ndiwurike, nyetɔ mbufo, ndidibekede: koro mbɔm idiɔk-ŋkpɔ oro nnamde mbufo anamde mi.

JUDGES 2:18

Ndien adaŋemi Jehovah anamde mme ebierikpe edaha eda ɔnɔ mmɔ, Jehovah odu ye ebierikpe oro, onyuŋ anyaŋa mmɔ osio ke ubɔk mme asua mmɔ, ke ofuri eyo ebierikpe oro: koro mbɔm anamde Jehovah, ke ini mmɔ esemede ebaŋa mmɔ eke etukde mmɔ enyuŋ efikde mmɔ.

DEUTERONOMY 32:36

Koro Jehovah eyekpe ikpe ikɔt esie, eyenyuŋ ɔkpuhɔre ido ye ifin esie, ke ini enye okutde nte odudu ɔbɔhɔde mmɔ, ye nte ofin ye eyen isɔŋ miduhe aba.

EXODUS 32:14

Ntem ke Jehovah adahado ke idiɔk-ŋkpɔ emi enye ekekerede ndinam ikɔt esiemɔ.

JEREMIAH 11:4

Kpa se ŋkowukde mme ete mbufo ke usen oro ŋkosiode mmɔ ke isɔŋ Egypt, ke akwa ikaŋ ukwak, nte, Mbufo ekop uyo mi, enyuŋ enam mmɔ, kpa nte asaŋade ye kpukpru se ŋkowukde mbufo: ndien mbufo eyedi ikɔt mi, ndien ami nyedi Abasi mbufo:

JEREMIAH 18:11

Kam dɔhɔ ndien ye mbio Judah ye mme andiduŋ Jerusalem, ete, Ntem ke Jehovah ɔdɔhɔ ete, Sese, ami mmɔŋ mbot idiɔk-ŋkpɔ mbaŋa mbufo, nnyuŋ nduak uduak mbaŋa mbufo: yak kpukpru mbufo ndien kiet kiet ekabare ekpɔŋ idiɔk usuŋ mbufo, mbufo enyuŋ eneŋere usuŋ mbufo ye ido mbufo.