JEREMIAH 23:19 - Edisana ñwed Abasi Ibom

¹⁹ Sese, oyobio Jehovah ɔwɔrɔ ke iyaresit, kpa ibumere-ibumere oyobio: eyebumere ɔtɔ mme idiɔk owo ke ibuot.

JEREMIAH 23:19 Referans Kwoze

JEREMIAH 30:23

Sese, oyobio Jehovah ɔwɔrɔ ke ifuresit, oyobio eke ɔkpɔride ŋkpɔ efep: eyebumere ɔtɔ mme idiɔk owo ke ibuot.

JEREMIAH 25:32

Ntem ke Jehovah mme udim ɔdɔhɔ ete, Sese, idiɔk-ŋkpɔ oto ke idut kiet osim idut eken, akwa oyobio eyenyuŋ edemere ke ŋkaŋ ererimbot.

AMOS 1:14

Ndien ami nyebara ikaŋ ke ibibene Rabbah, eke editade ikpɔ ufɔk mmɔ ke mkpo ke usen ekɔŋ, ye ke idio ke usen oyobio:

ISAIAH 21:1

UYO Abasi emi abaŋa wilderness inyaŋ. Kpa nte oyobio otode ke usuk, kpa ntre ke enye oto ke wilderness, ke isɔŋ ndik, edi.

MME ŊKE 10:25

Nte oyobio ebede, kpa ntre idiɔk owo ididuhe aba: edi ama edi eti owo, nsinsi itie odu.

ZECHARIAH 9:14

Ndien eyekut Jehovah ke enyɔŋ mmɔ, ndien idaŋ esie eyewɔrɔ nte obuma: ndien ɔbɔŋ Jehovah eyefuri ukorowo, onyuŋ asaŋa ke oyobio Teman.

JEREMIAH 4:11

Ke ini oro eyedɔhɔ mbio-obio emi ye Jerusalem, ete, Edifiop ofum ŋkokoŋo ebiet ke wilderness ke edi ke usuŋ adiaha oruk mi, idige ndisak, inyuŋ idige ndinam asana;

ISAIAH 40:24

Itimke itɔ mmɔ ke isɔŋ ima: ndien enye ofuri mmɔ, ndien mmɔ ekpaŋa, idio eyenyuŋ ɔkpɔri mmɔ efep nte mbio.

MME ŊKE 1:27

Ke ini ndik mbufo edidide nte oyobio, nsobo mbufo edinyuŋ edide nte idio; ke ini ukut ye ndutuhɔ edisimde mbufo.

ŊWED MME PSALM 58:9

Ke ini mme eso mbufo mika-ikopke ifia, edide ndisi, onyuŋ edide ɔsɔbɔ, enye eyefime enye efep.

JEREMIAH 51:1

NTEM ke Jehovah ɔdɔhɔ, ete, Sese, ami mmɔŋ ndemere ofum nsobo nnam Babylon ye mme andiduŋ ke otu mmɔ emi enamde ikɔ ye ami;

EZEKIEL 1:4

Ndien ŋkut, ndien, sese, ofum idio oto ke edem edere edi, akamba obubit enyɔŋ ye ikaŋ eke emineŋde, uyama onyuŋ akan enye okuk, ufɔt-ufɔt esie onyuŋ ebiet enyin edisem okpoho, ke ufɔt ikaŋ oro.

ZECHARIAH 7:14

ndien ami nsuan mmɔ nnyeŋe ke otu kpukpru mme idut emi mmɔ mifiɔkke: ndien isɔŋ emi ana ikpikpu ke edem mmɔ: owo isaŋake ibe, inyuŋ ifiakke edem: mmɔ enyuŋ enam edifɔn isɔŋ emi akabare edi ikpikpu.

JEREMIAH 25:31

Uyom eyewɔrɔ okosim ke utit ererimbot: koro Jehovah enyenede utɔk ye mme idut, eyekpe ikpe ye ofuri obukidem; eyeda mme idiɔk owo ɔnɔ ofut. Jehovah ɔdɔhɔ.

JEREMIAH 30:24

Ikaŋ iyaresit Jehovah idikabakede, tutu enye anam, tutu enye onyuŋ ama uduak esit esie; mbufo eyekere enye ke utit usen.

EZEKIEL 13:13

Mmɔdo ntem ke Ɔbɔŋ Jehovah ɔdɔhɔ ete, Nyeda ofum oyobio nsiak enye ke ifuresit mi; ata ɔkpɔsɔŋ edim eyenyuŋ edi ke iyaresit mi, ye ikpɔ itiat edim ke ikpahesit mi, ndibiat enye.