JEREMIAH 23:10 - Edisana ñwed Abasi Ibom

¹⁰ Koro mme esin-efibe eyɔhɔde ke isɔŋ; koro isɔŋ atuade abaŋa isuŋi; mbiet wilderness emesat, ndien ido mmɔ ɔdiɔk, odudu mmɔ inyuŋ inenke.

JEREMIAH 23:10 Referans Kwoze

ŊWED MME PSALM 107:34

onyuŋ anam eti isɔŋ akabare edi inuŋ-inuŋ, ke abaŋa mme idiɔk ido mmɔ emi eduŋde ke esit.

JEREMIAH 9:10

Nyemen eyet ye ntuaŋa mbaŋa ikpɔ obot, nyemen eseme mbaŋa mbiet wilderness koro esobode mmɔ, owo minyuŋ isaŋake ke esit ibe: ndien mmɔ ikopke uyo ufene; mme inuen enyɔŋ ye mme unam isɔŋ emefeŋe; emedaŋa!

JEREMIAH 9:2

Ŋkpakam nnyene ataya mbon-isaŋ ke desert; ndien ŋkpɔkpɔŋ ikɔt mi, nnyuŋ ndaha ke ebiet mmɔ: koro kpukpru mmɔ edide mme esin efibe, ye esop mbon abiaŋa.

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

ISAIAH 24:6

Oro esin isuŋi adiade isɔŋ, enyuŋ enɔ mme andiduŋ ke esit ufen: oro esin mme andiduŋ isɔŋ efɔbɔde, mbio emi esuhɔde enyuŋ edi esisit.

JAMES 4:4

Mbufo iban ŋka-owo, nte mbufo ifiɔkke ite, eridi ufan ye ererimbot edi eridi usua ye Abasi? mmɔdo owo ekededi eke oyomde ndidi ufan ye ererimbot anam idem usua ye Abasi.

MME HEBREW 13:4

Yak kpukpru owo ebat ndɔ ke ŋkpɔ eke ekponode ekunyuŋ esabare bed ndɔ; koro Abasi eyekpe ikpe ye mbon use ye mme esin-efibe.

1ŊWED TIMOTHY 1:10

ye mme oburobut owo ye mme owot-ete ye mme owot-eka, ye mme owot-owo, ye mbon use, ye mme anam obukpo ido, ye mme eyip-owo, ye mme osu-nsu, ye mme ada uŋwɔŋɔ ke abiaŋa, ye mme anam ido eŋwen ekededi eke ɔbiɔŋɔde eti erikpep,

JOEL 1:10

Iŋwaŋ omosobo, isɔŋ eseme; koro ibokpot osobode: obufa wine amasat, aran etie meŋe-meŋe.

JEREMIAH 14:2

Judah ke atua, mme inua-otop esie enyuŋ ekpa idem; mmɔ etie ikpo ke isɔŋ; eseme Jerusalem omonyuŋ ɔdɔk.

JEREMIAH 7:9

Nte mbufo eyip inɔ, ewot owo, enyuŋ esin efibe, enyuŋ etomo Abasi ke nsu, enyuŋ efɔp ŋkpɔ enɔ Baal, enyuŋ etiene abasi efen eke mbufo mikefiɔkke,

LEVITICUS 5:1

NDIEN adaŋemi owo eduede ke ama okokop uyo eke owukde, onyuŋ edide ntiense, mme enye okokut, mme ɔfɔfiɔk; edieke enye mitiŋke, idiɔk ido esie eyebiomo enye.

ISAIAH 5:18

Ifɔnke fɔn inɔ mmɔ eke edade uruk nsu edudi idiɔk ido, eda idut ukpat-ŋkpɔ edudi ukwaŋ-ŋkpɔ: mmɔ emi edɔhɔde ete,

JEREMIAH 9:12

Anie owo enyene ibuot, ndien enye eyetim okut ŋkpɔ emi? Ndien anie edi owo emi inua Jehovah ɔdɔhɔde ye enye, ndien enye eyebuk enye? Isɔŋ anam didie atak, abiara nte wilderness eke baba owo keit misaŋake ibe?

JEREMIAH 12:11

Emenim enye ke ŋkpɔ nditaha, enye omosobo, atua ɔnɔ mi; ofuri isɔŋ amabiara, koro baba owo kiet eke ekerede ke esit miduhe.

HOSEA 7:4

Kpukpru mmɔ edi mbon efibe, ebiet usaŋ-uyo eke anam-uyo abarade. Enye etre ndidemere ikaŋ, toto ke ini emi enye obuende ebok, tutu ebok ofut.

EZRA 10:18

Ndien mmɔ ekut ete ke ndusuk nditɔ mme oku ema edɔ isen iban: ke otu nditɔ Jeshua eyen Jozadak, ye nditɔ-ete esie; Maa-seiah, ye Eliezer, ye Jarib, ye Gedaliah.

JEREMIAH 6:13

Koro kpukpru mmɔ, ɔtɔŋɔde ke ŋkpri, tutu osim ikpɔ, esin enyin; kpukpru mmɔ, ɔtɔŋɔde ke prophet, tutu osim oku,

ZEPHANIAH 3:4

Mme prophet esie edi mbon ŋkimidem ye mbon mbubik; mme oku eise esabare edisana ŋkpɔ: mmɔ ebiat ibet.