JEREMIAH 22:9 - Edisana ñwed Abasi Ibom

⁹ Ndien mmɔ eyebɔrɔ, ete, Koro mmɔ ekekpɔŋde ediomi jehovah Abasi mmɔ, ekenyuŋ etuakde ibuot enɔ abasi efen, enyuŋ enam ŋkpɔ enɔ mmɔ.

JEREMIAH 22:9 Referans Kwoze

2 CHRONICLES 34:25

koro mmɔ emekpɔŋ mi, enyuŋ efɔp uwa enɔ mme abasi efen, man mmɔ eyat mi esit ke kpukpru se ubɔk mmɔ enamde mmɔdo ndiŋwaŋade iyaresit mi ke ebiet emi, ndien enye idinimeke.

2 NDIDEM 22:17

ke usiene emi mmɔ ekekpɔŋde mi, enyuŋ efɔpde incense enɔ abasi efen, man eyat mi esit ke kpukpru utom ubɔk mmɔ; oro esin iyaresit mi asak ye ebiet emi, idinyuŋ inimeke.

JEREMIAH 50:7

Kpukpru owo eke ekutde mmɔ edia mmɔ: mme asua enyuŋ edɔhɔ, ete, Nnyin iduehe isop, koro mmɔ ekeduede Jehovah, iduŋ eti ido, edue Jehovah, idorienyin mme ete mmɔ.

1 NDIDEM 9:8

ndien ufɔk emi eyedi edikoŋ: kpukpru owo eke edibede eyeyik, enyuŋ esi; ndien mmɔ eyedɔhɔ, ete, Nsinam Jehovah akanamde isɔŋ emi, ye ufɔk emi ntem?

JEREMIAH 9:13

Ndien Jehovah onyuŋ ɔdɔhɔ, ete, Koro mmɔ ekpɔŋde mbet mi oro ŋkenimde ke iso mmɔ, ndien mikopke uyo mi, minyuŋ isaŋake ke esit;

JEREMIAH 11:3

nyuŋ dɔhɔ mmɔ, ete, Ntem ke Jehovah Abasi Israel ɔdɔhɔ, ete, Osuk ɔdɔdiɔk ɔnɔ owo eke midikopke ikɔ ediomi emi,

JEREMIAH 16:11

Ndien dɔhɔ mmɔ, ete, Jehovah ɔdɔhɔ ete, Koro mme ete mbufo ekekpɔŋde mi, enyuŋ ebinede abasi efen, ekenyuŋ enamde ŋkpɔ enɔ mmɔ, enyuŋ etuakde ibuot enɔ mmɔ, ekenyuŋ ekpɔŋde mi, mikonyuŋ inimke mme ewuhɔ mi;

EZEKIEL 5:15

Ndien enye eyekabare edi ŋkpɔ but ye esuene, ŋkpɔ item ye ŋkpɔ ndyɔ ɔnɔ mme idut emi ekande fi ekuk, ke ini ŋkpede ikpe ye afo ke iyaresit, ye ke ifuresit, ye ke ikaŋ nduari; edi ami Jehovah ndɔhɔ;

EZEKIEL 12:16

Ndien nyesio owo mmɔ esisit mfep ke ofut, ye biɔŋ, ye idiɔk udɔŋɔ, nsuhɔ; man mmɔ ebuk kpukpru mbubiam ŋkpɔ mmɔ ke otu mme idut eke edisimde do; ndien mmɔ eyefiɔk ete ke ami ndi Jehovah.

EZEKIEL 14:23

Ndien mmɔ eyedɔŋ mbufo esit ke ini mbufo edikutde usuŋ mmɔ ye ido mmɔ: ndien mbufo eyefiɔk ete ke idige ke ikpikpu ke ŋkanam kpukpru se ŋkanamde ke esit. Uyo Ɔbɔŋ Jehovah edi emi.

EZEKIEL 39:23

Mme idut eyenyuŋ efiɔk ete ke eketaŋ ufɔk Israel efep ebaŋa mme idiɔk ido mmɔ, koro mmɔ ekeduede mi, ndien ami ndip mmɔ iso mi, nnyuŋ nda mmɔ nsin mme asua mmɔ ke ubɔk: ndien kpukpru mmɔ eduɔŋɔ ke ofut.

DEUTERONOMY 29:24

ndien kpukpru mme idut eyedɔhɔ ete, Ke didie ke Jehovah akanam isɔŋ emi ntem? Nsinam akamba ikaŋ iyaresit emi?

JEREMIAH 11:10

Mmɔ efiak edem ke mme idiɔk ido akpa mme ete mmɔ oro mikenyimeke ndikop ikɔ mi; ndien mmɔ ebine abasi efen enyuŋ enam ŋkpɔ mmɔ: ufɔk Israel ye ufɔk Judah emebiat ediomi mi oro ŋkanamde ye mme ete mmɔ.