JEREMIAH 22:5 - Edisana ñwed Abasi Ibom

⁵ Ndien mbufo minyimeke ndikop ikɔ emi, Jehovah ɔdɔhɔ, ete, Mmotomo idem mi, nte, Ufɔk mi iditreke ndikabare ndi ndon.

JEREMIAH 22:5 Referans Kwoze

AMOS 6:8

Ɔbɔŋ Jehovah otomo idem esie, ete, Ntem ke Jehovah Abasi mme udim ɔdɔhɔ, ete, Ami nse iseri Jacob ke mbubiam, nnyuŋ nsua ikpɔ ufɔk esie: ndien nyeda obio ye se iyɔhɔde ke esit nyak nnɔ.

MME HEBREW 6:13

Koro ke adaŋemi Abasi ɔkɔŋwɔŋɔde uŋwɔŋɔ ɔnɔ Abraham, sia Enye mikemeke nditomo se ikponde ikan Idem Esie,

JEREMIAH 17:27

Edi mbufo minyimeke ndikop uyo mi, nnyuŋ nnim usen sabbath ke edisana, man ekunyuŋ ebiom mbiomo eduk ke inua-otop Jerusalem ke usen sabbath; ndien ami nyebara ikaŋ ke inua-otop esie, eke editade ikpɔ ufɔk Jerusalem, ndien idinimeke.

GENESIS 22:16

onyuŋ ɔdɔhɔ ete, Jehovah ɔdɔhɔ ete, Mmotomo idem mi, nte Koro afo ama akanam ŋkpɔ emi, mukonyuŋ usinke mi eyen fo,

JEREMIAH 39:8

Mme Chaldean enyuŋ efɔp ufɔk edidem, ye ufɔk mbio-obio ke ikaŋ; enyuŋ ewuri ibibene Jerusalem.

ISAIAH 1:20

edi ema esin, enyuŋ esɔŋ ibuot, ofut eyedia mbufo: koro edi inua Jehovah ɔdɔhɔ.

MME HEBREW 6:17

Ntre sia Abasi oyomde mmɔ emi edidade uŋwɔŋɔ enyene etim ekut ete Enye idikpuhɔkere uduak Esie, Enye ada uŋwɔŋɔ edisin:

MME HEBREW 3:18

Enye okonyuŋ ɔŋwɔŋɔ ɔnɔ manie ete, mmɔ ididukke ke nduɔk-odudu Imɔ, ke mibɔhɔke mbon ntut-utɔŋ?

MICAH 3:12

Mmɔdo eyefuŋ Zion nte iŋwaŋ ebaŋa mbufo, Jerusalem eyenyuŋ akabare edi ibombom ŋko, obot ufɔk emi eyenyuŋ akabare edi ŋkokoŋo ebiet akai.

ŊWED MME PSALM 95:11

Emi ŋkɔŋwɔŋɔde ke iyaresit mi mbaŋa, nte ke mmɔ ididukke ke nduɔk-odudu mi.

2 CHRONICLES 7:22

Ndien eyebɔrɔ, ete, Edi koro mmɔ ekekpɔŋde Jehovah Abasi mme ete mmɔ emi okosiode mmɔ ke isɔŋ Egypt, ekenyuŋ efatde abasi eŋwen, enyuŋ etuakde ibuot enɔ mmɔ, enyuŋ enam ŋkpɔ mmɔ: oro esin enye akadade kpukpru ufen emi odori mmɔ.

2 CHRONICLES 7:19

Edieke mbufo ema ewɔŋɔre, enyuŋ ekpɔŋ mme ewuhɔ mi ye ibet mi, emi nnimde ke iso mbufo, ema enyuŋ eka ekenam ŋkpɔ mme abasi efen, enyuŋ etuak ibuot enɔ mmɔ:

MATTHEW 23:38

Sese, eyak ufɔk mbufo ekpɔŋ enɔ mbufo nte ndon.

JEREMIAH 26:4

Nyuŋ dɔhɔ mmɔ, ete, Ntem ke Jehovah ɔdɔhɔ, ete, Mbufo minyimeke ndikop uyo mi nnyuŋ nsaŋa ke mme ewuhɔ mi emi ŋkonimde ke iso mbufo:

JEREMIAH 44:26

Mbufo ekop ndien uyo Jehovah, ofuri Judah emi etiede ke isɔŋ Egypt; sese, Jehovah ɔdɔhɔ, ete, Mmotomo akwa enyiŋ mi, nte ke inua baba owo Judah kiet eke odude ke ofuri isɔŋ Egypt idikotde aba enyiŋ mi, ite, Ma uwem Ɔbɔŋ Jehovah.

2 CHRONICLES 7:21

Ndien ufɔk emi okoŋde, eyedi se kpukpru owo eke esaŋade ebe enye eyikde; ndien mmɔ eyedɔhɔ ete, Nsinam Jehovah akanamde isɔŋ emi, ye ufɔk emi ntem?

JEREMIAH 12:7

Mmɔkpɔŋ ufɔk mi, mmemen udeme mi nduɔk; mmada enye emi ukpɔŋ mi amade nsin mme asua esie ke ubɔk.