JEREMIAH 22:25 - Edisana ñwed Abasi Ibom

²⁵ nyenyuŋ nda fi nsin ke ubɔk mmɔ emi eyomde uwem fo, ye ke ubɔk mmɔ emi afo edikhede iso mmɔ, kpa ke ubɔk Nebuchadrezzar edidem Babylon, ye ke ubɔk mme Chaldean.

JEREMIAH 22:25 Referans Kwoze

JEREMIAH 21:7

Jehovah onyuŋ ɔdɔhɔ ete, Ke ini ŋkpɔ oro ebede, nyeda Zedekiah, edidem Judah, ye ikɔt esie, ye mbio-obio, ye mmɔ eke udɔŋɔ ye ofut ye akaŋ esuhɔde ke obio emi, nsin Nebuchadrezzar edidem Babylon ke ubɔk, ye ke ubɔk mme asua mmɔ, ye ke ubɔk mmɔ eke eyomde uwem mmɔ: ndien enye eyekpeŋe mmɔ ke iso ofut; idituaha mmɔ, idinyuŋ iyakke mmɔ, idinyuŋ inyeneke mbɔm.

JEREMIAH 38:16

Ndien edidem Zedekiah ɔŋwɔŋɔ ɔnɔ Jeremiah ndibe-ndibe, ete, Ma uwem Jehovah emi anamde nnyin idi ukpɔŋ emi, ndiwotke fi ndinyuŋ nsinke fi ke ubɔk mmɔ eke eyomde uwem fo.

JEREMIAH 22:28

Nte owo emi Coniah edi obukpo ibɔk eke asiahade? Nte enye edi ŋkpɔ ufɔk eke baba inem miduhe enye ke esit? Nsinam esiode enye ye nditɔ esie eduɔk? Nsinyuŋ inam edade mmɔ eduɔk ke idut eke mmɔ mifiɔkke?

MME ŊKE 10:24

Se idiɔk owo efehede, oro edisim enye: edi eyenɔ se nti owo eyomde.

2 CHRONICLES 36:10

Ekem ke ukabare isua Nebuchadnezzar ɔdɔŋ ekeda enye edi ke Babylon, ye ŋkpɔ-uto ufɔk Jehovah, onyuŋ ada Zedekiah eyen-ete esie onim ke edidem Judah ye Jerusalem.

JEREMIAH 27:6

Ndien ke emi ami mmɔŋ nda kpukpru mme idut emi nsin ke ubɔk Nebuchadnezzar edidem Babylon, owo mi, mmonyuŋ nnɔ enye mme unam ikɔt ŋko, nte enam ŋkpɔ esie.