JEREMIAH 22:23 - Edisana ñwed Abasi Ibom

²³ O andiduŋ Lebanon, emi enamde efɔk fo ke mme cedar, editua fi mbɔm didie ke ini ndutuhɔ ye ubiak, nte eke aŋwan uman, edisimde fi?

JEREMIAH 22:23 Referans Kwoze

JEREMIAH 6:24

Nnyin imokop etop esie: ubɔk nnyin emekabare emem: nnanenyin omomum nnyin, ubiak ebiet eke aŋwan uman.

JEREMIAH 22:6

Koro ntem ke Jehovah ɔdɔhɔ abaŋa ufɔk edidem Judah, ete, Mbat fi nte Gilead, kpa ibuot Lebanon: edi nyakabare fi edi wilderness, kpa obio eke owo miduŋke.

HABAKKUK 2:9

Osuk ɔdɔdiɔk ɔnɔ owo eke adiade idiɔk udori ɔnɔ ufɔk esie, onyuŋ emenerede efɔk esie onim ke enyɔŋ:

OBADIAH 1:4

Jehovah ɔdɔhɔ, ete Afo ama onim efɔk fo edikoŋ nte ntrukpom, onyuŋ onim enye ke otu ntantafiɔŋ, nyesio fi do nsuhɔre nnim.

AMOS 9:2

Mmɔ ekpetibi eduk ke hell, ubɔk mi okposio mmɔ do; ekpenyuŋ edɔk ke enyɔŋ, ŋkpanam mmɔ eto do esuhɔre.

HOSEA 7:14

Ndien mmɔ isemeke inɔ mi ke esit mmɔ, edi ena ke bed mmɔ etuaŋa: esop idem ebaŋa ibokpot ye obufa wine, ekabare enam ikɔ ye ami.

HOSEA 5:15

Nyenyɔŋ ŋka ebiet mi tutu mmɔ eda ufen, enyuŋ eyom iso mi: ke ini ukut mmɔ, mmɔ eyebak eyom mi.

JEREMIAH 49:16

Ndik fo ye iseŋ esit fo emebiaŋa fi, afo emi oduŋde ke nsiaha itiat, emi adade enyɔŋ obot enyene: koro afo onimde efɔk fo ke enyɔŋ nte ntrukpom, nyesio fi ke esit nsuhɔre: uyo Jehovah edi emi.

JEREMIAH 48:28

Mbufo mme andiduŋ Moab ekpɔŋ mme obio, ndien eduŋ ke itiat, enyuŋ etie nte ibiom eke anamde efɔk esie ke odudu inua obube.

JEREMIAH 21:13

Sese, ami mmɔŋ nnam ikɔ ye afo, O andiduŋ ebedeŋ, ye akwa itiat una-isɔŋ, Jehovah ɔdɔhɔ; mbufo emi edɔhɔde ete, Anie edisuhɔre ke ɔtɔ nnyin? Anie edinyuŋ oduk ke ebiet iduŋ nnyin?

JEREMIAH 3:21

Emekop uyom ke enyɔŋ ikpɔ obot-eyet ye mkpe-ubɔk nditɔ Israel: koro mmɔ emekwaŋa usuŋ mmɔ, emefre Jehovah Abasi mmɔ.

NUMBERS 24:21

Ndien enye ese mme Kenite, onyuŋ emen uyo esie, ɔdɔhɔ ete, Iduŋ fo ɔsɔsɔŋ, afo omonyuŋ odori efɔk fo ke akamba itiat;

EZEKIEL 17:3

Ntem ke Ɔbɔŋ Jehovah ɔdɔhɔ ete, Akwa ntrukpom emi mba okponide, ntaŋ mba enyuŋ eniɔŋide, ntaŋ enyuŋ eyɔhɔde enye ke idem, emi ewerede nsio-nsio, aka Lebanon akada nsom cedar: