JEREMIAH 22:21 - Edisana ñwed Abasi Ibom

²¹ Ŋkɔdɔhɔ fi ke ini ifure fo; afo ɔdɔhɔ, ete, “Ndikopke.” Emi edi ido fo, toto ke ini uyen fo: koro afo mukopke uyo mi.

JEREMIAH 22:21 Referans Kwoze

JEREMIAH 32:30

Koro nditɔ Israel ye nditɔ Judah esuk enam idiɔk-idiɔk ke iso mi, toto ke ini uyen mmɔ: koro nditɔ Israel esuk eyeyat mi esit ke se ubɔk mmɔ enamde; Jehovah ɔdɔhɔ.

JEREMIAH 3:25

Nnyin isuhɔre ina ke but nnyin, esuene nnyin onyuŋ ofuk nnyin: koro nnyin inamde idiɔk ye Jehovah Abasi nnyin, kpa nnyin ye mme ete nnyin, toto ke ini uyen nnyin, tutu osim mfin emi, nnyin inyuŋ ikopke uyo Jehovah Abasi nnyin.”

ISAIAH 48:8

Afo ukokopke ŋko; unyuŋ ufiɔkke ŋko; utɔŋ fo ikonyuŋ itarake tutu ko: koro ŋkɔfiɔkde nte ke afo eyebiaŋa eti-eti; afo onyuŋ ekere anam-idiɔk toto nte akamamana.

MME ŊKE 30:9

Mbak ndiyuhɔ, ndien ŋkaŋ fi, ndien ndɔhɔ nte, Anie edi Jeho-vah? Mbak ndinyuŋ mbuene, ndien nyip inɔ, nnyuŋ nsuene enyiŋ Abasi mi.

EZEKIEL 20:8

Ndien mmɔ esɔŋ ibuot ye ami, inyuŋ inyimeke ndikop uyo mi: baba owo kiet imenke ŋkpɔ ndek ke enyin esie iduɔk, inyuŋ ikpɔŋke ibɔk Egypt: ndien ndɔhɔ nte ke nyeŋwaŋa mmɔ ifuresit mi ke idem, man mma iyaresit mi ke idem mmɔ ke ufɔt isɔŋ Egypt.

JEREMIAH 35:15

Ami ŋko nnyuŋ ndɔŋ kpukpru ikɔt mi mme prophet utom ke ɔtɔ mbufo, mbabak ndɔŋ, nte, Mbɔk, mbufo kpukpru ekabare ekpɔŋ idiɔk usuŋ mbufo, enyuŋ ekabare ido mbufo enam ɔfɔn, ekunyuŋ ebine mme abasi efen ndinam ŋkpɔ nnɔ mmɔ, ndien mbufo eyeduŋ ke isɔŋ emi ŋkɔnɔde mbufo ye mme ete mbufo: ndien mbufo ikpaŋke utɔŋ mbufo, inyuŋ ikopke inɔ mi.

JEREMIAH 6:16

Ntem ke Jehovah ɔdɔhɔ ete, Mbufo eda ke mme usuŋ, enyuŋ ese, enyuŋ ebup ebaŋa mme ɔkpɔ-usuŋ eset, ete, Eti usuŋ, enye? ndien mbufo esaŋa ke esit, enyuŋ ekut nduɔk-odudu ukpɔŋ mbufo. Edi mmɔ edɔhɔ ete, “Nnyin idisaŋake.”

EZEKIEL 20:28

Ami nnyuŋ nda mmɔ nduk ke isɔŋ emi ŋkemenerede ubɔk mi, nte ke nyeda enye nnɔ mmɔ, ndien mmɔ ekut kpukpru edikoŋ obot, ye kpukpru mfuhɔ eto, ndien ewa mme uwa mmɔ do ndien do ke mmɔ enɔ enɔ mmɔ eke esinde iyaresit: enyuŋ enim do edinem utebe mmɔ, enyuŋ eŋwaŋa do ediŋwɔŋ uwa mmɔ.

EZEKIEL 20:21

Ndien nditɔ oro esɔŋ ibuot ye ami: mmɔ isaŋake ke mme ewuhɔ mi, inyuŋ inimke mme item mi, inyuŋ inamke mmɔ, emi owo ama anam mmɔ, owo eyedu uwem ke esit; mmɔ ebiat mme sabbath mi. Ndien ami ndɔhɔ nte, Nyeŋwaŋa mmɔ ifuresit mi ke idem, man mma iyaresit mi ke idem-mmɔ ke wilderness.

EZEKIEL 20:13

Ndien ufɔk Israel esɔŋ ibuot ye ami ke wilderness: mmɔ isaŋake ke mme ewuhɔ mi, edi esin mme item mi, emi owo ama anam mmɔ, owo eyedu uwem ke esit; mmɔ enyuŋ esabare mme sabbath mi eti-eti: ndien ndɔhɔ nte ke nyeŋwaŋa mmɔ ifuresit mi ke idem ke wilderness man nsobo mmɔ.

JEREMIAH 2:31

O emana, mbufo ekut uyo Jehovah. Nte ami ŋkedi wilderness nnɔ Israel? Nte ŋkedi isɔŋ ekim? Nsinam ikɔt mi ekedɔhɔde, ete, Nnyin imɔŋ iyɔrɔ kpukpru ebiet; nnyin ididige aba ke ɔtɔ fo?

2 CHRONICLES 33:10

Ndien Jehovah ɔdɔhɔ ikɔ ye Manasseh ye ikɔt esie, edi mmɔ ikpaŋke utɔŋ.

DEUTERONOMY 31:27

Koro ami mmɔfiɔk nsɔŋ-ibuot fo, ye itun fo: kam sese, ke ami ndodu uwem ye mbufo mfin emi, mbufo esɔŋ ibuot ye Jehovah: ŋwaŋwa ediso adaŋemi ndikpade!

DEUTERONOMY 9:24

Mbufo esuk esɔsɔŋ ibuot ye Jehovah, toto ke usen emi ŋkɔfiɔkde mbufo.

DEUTERONOMY 9:7

Ti, kufre nte afo akayatde Jehovah Abasi fo esit ke wilderness: ɔtɔŋɔde ke usen emi afo otode ke isɔŋ Egypt, tutu mbufo edisim ebiet emi, mbufo emesɔŋ ibuot ye Jehovah.

ŊWED MME PSALM 129:1

OH yak Israel ɔdɔhɔ ete, “Mmɔ ewak ndituk mi toto ke uyen mi:

JEREMIAH 3:24

Koro ŋkpɔ but oro amadia utom mme ete nnyin toto ke ini uyen nnyin; amadia ŋkpri ufene mmɔ ye enaŋ mmɔ, ye nditɔ-iren mmɔ, ye nditɔ-iban mmɔ.

JEREMIAH 13:10

Mme idiɔk mbio-obio emi minyimeke ndikop ikɔ mi, emi esaŋade ke itun esit mmɔ, enyuŋ ebinede abasi efen, enyuŋ enam ŋkpɔ mmɔ, enyuŋ etuak ibuot enɔ mmɔ, kpa mmɔ eyebiet ubɔp-isin emi mifɔnke ke baba nkpɔ kiet.

JEREMIAH 19:15

Ntem ke Jehovah mme udim Abasi Israel ɔdɔhɔ ete, Sese, mmɔŋ nda ofuri idiɔk-ŋkpɔ oro ŋkɔdɔhɔde mbaŋa enye, ntiene obio emi, ye kpukpru obio-iŋwaŋ esie, koro mmɔ esɔŋɔde obot-itɔŋ mmɔ, ndien mikopke uyo mi.

JEREMIAH 48:11

Moab ama oduŋ ke ifure toto ke ini uyen esie, enye ama onyuŋ etie ke ntak esie, ika-inyuŋ ikaŋake enye ke abaŋ kiet isin ke abaŋ eken, ika-inyuŋ itaŋke enye ifep: oro esin inem esie ebigi enye ke esit, ufuɔŋ esie inyuŋ ikpuhɔkede.

ZECHARIAH 7:7

Nte mme mmɔ emi idige ikɔ oro Jehovah ɔkɔkwɔrɔde ke ubɔk mme akpa prophet, ke ini eduŋde Jerusalem kaŋa, enye onyuŋ odude ke ifure, ye mme obio esie emi ekande enye ekuk, enyuŋ eduŋ edem usuk ye unaisɔŋ mben inyaŋ?

JEREMIAH 2:25

Kuyak ukot fo ana iferi, kuyak itɔŋ asat fi: ndien afo ɔdɔhɔ, ete: mbut: Ih ih: koro mmama isen owo, ndien nyesuk ntiene mmɔ.

JEREMIAH 25:3

Toto ke ɔyɔhɔ isua Josiah eyen Amon edidem Judah duopeta, tutu osim mfin emi, ke ofuri isua edip ye ita emi, uyo Jehovah ama osim mi, mma nnyuŋ ntiŋ nnɔ mbufo, mbabak ndɔhɔ; edi mbufo ikokopke.

JEREMIAH 25:4

Jehovah ama onyuŋ ɔdɔŋ kpukpru ikɔt esie mme prophet utom ke ɔtɔ mbufo, abak ɔdɔŋ; ndien mbufo ikokopke, inyuŋ ikpaŋke utɔŋ mbufo ikop: ete,

JEREMIAH 25:7

Ndien mbufo ikopke uyo mi, Jehovah ɔdɔhɔ: ndien mbufo eyat mi esit ke se ubɔk mbufo enamde, eke ɔdiɔkde ye mbufo.

JEREMIAH 25:8

Mmɔdo ntem ke Jehovah mme udim ɔdɔhɔ, ete, Koro mbufo mikopke uyo mi, Jehovah ɔdɔhɔ, ete,

ZEPHANIAH 3:2

Enye ikopke uyo: ibɔhɔ item: ibuɔtke idem esie ye Jehovah; isaŋake ikpere Abasi esie.