JEREMIAH 21:4 - Edisana ñwed Abasi Ibom

⁴ Ntem ke Jehovah Abasi Israel ɔdɔhɔ, ete, Sese, ami mmɔŋ ŋkabare ŋkpɔ ekɔŋ emi edude mbufo ke ubɔk, emi mbufo edade eŋwana ekɔŋ ye edidem Babylon ye mme Chaldean emi ekande mbufo ekuk ke edem ibibene, efiak edem, ndien nyebon mmɔ ke ufɔt obio emi.

JEREMIAH 21:4 Referans Kwoze

JEREMIAH 33:5

mmɔ edi ndiyi ekɔŋ ye mme Chaldean, ndinyuŋ nda mme okpo owo oro ŋwotde ke iyaresit mi ye ke ifuresit mi nyɔhɔ ke esit, ami nnyuŋ ndip obio emi iso mi mbaŋa ofuri idiɔk ido mmɔ.

JEREMIAH 32:5

ndien enye eyeda Zedekiah aka ke Babylon, ndien enye eyedu do tutu ami ndi ndise enye; Jehovah ɔdɔhɔ koro mbufo eyeŋwana ekɔŋ ye mme Chaldean, edi idikwe unen.

ISAIAH 13:4

Uyom ediwak owo ke ikpɔ obot! ebiet akwa otu owo! uyom ndutime mme idut, ke ebono: Jehovah mme udim ke otim udim ekɔŋ.

ISAIAH 5:5

Yak nsian mbufo, ndien, se ami ndinamde ye iŋwaŋ-vine mi: nyedibere ɔkɔ esie mfep, ndien enye eyekabare edi se etade; ŋwuri ibibene esie, ndien enye eyekabare edi se edigide:

ZECHARIAH 14:2

Nyenyuŋ mbon kpukpru mme idut ndi Jerusalem, nte eŋwana ekɔŋ; ndien mmɔ eyeda obio, enyuŋ ebume ufɔk, enyuŋ esabare iban; ndien etaŋ ubak obio enyɔŋɔ nte mbuot-ekɔŋ, ndien idisibeke mbio eke esuhɔde ke obio ifep.

ŊWED ESEME 2:7

Ɔbɔŋ ɔmɔduɔk itie-uwa esie, amasua edisana ebiet esie, ada ibibene ikpɔ ufɔk esie esin mbon usua ke ubɔk; mmɔ emenere uyo ke ufɔk Jehovah, kpa nte eke usen ederi.

ŊWED ESEME 2:5

Ɔbɔŋ amakabare ebiet owo asua: omosobo Israel, omosobo kpukpru ikpɔ ufɔk esie; owuri mkpɔsɔŋ ebiet esie, omonyuŋ anam ubaha ye mfuhɔ ewak ke idem adiaha Judah.

JEREMIAH 39:3

Ndien kpukpru ikpɔ owo edidem Babylon edi editie ke esine ufɔt inua-otop; Nergal - sharezer, Samgar-nebo, Sarsechim etubom mme eunuch, Nergal-sharezer etubom mbon ifiɔk, ye kpukpru ikpɔ owo edidem Babylon eken.

MATTHEW 22:7

Edi edidem ayat esit, onyuŋ osio mbon-ekɔŋ esie ɔdɔŋ, ete esobo mbio obio oro, enyuŋ efɔp obio mmɔ ke ikaŋ.

HOSEA 9:12

Mmɔ ema ekpebɔk nditɔ mmɔ, ŋkpɔbɔ mmɔ nditɔ tutu baba owo kiet isuhɔke: koro osuk ɔdɔdiɔk ɔnɔ mmɔ ke ini ŋkabarede ŋkpɔŋ mmɔ.

JEREMIAH 52:18

Mmɔ enyuŋ eda eso, ye uwobi-ntɔŋ, ye udiɔŋ utuenikaŋ, ye bowl, ye ikpaŋ idaŋ, ye kpukpru mkpoduoho okpoho eke mmɔ edade enam ŋkpɔ, enyɔŋ.

ISAIAH 10:4

Mikpedige ami mmɔ ekpenuhɔ ke otu mbuot ekɔŋ, ekpenyuŋ eduɔŋɔ ke otu mme akpaŋa afai. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

JEREMIAH 20:4

Koro ntem ke Jehovah ɔdɔhɔ ete, Sese, ami mmɔŋ nnim fi ke ŋkpɔ ndik nnɔ idem fo, ye kpukpru mme ufan fo; ndien mmɔ eyekpaŋa ke ofut mme usua mmɔ, enyin fo eyenyuŋ ekut; nyenyuŋ nda ofuri Judah nsin ke ubɔk edidem Babylon; ndien enye eyetaŋ mmɔ ɔnyɔŋ ke Babylon, onyuŋ owot mmɔ ke ofut.

JEREMIAH 21:3

Ndien Jeremiah ɔdɔhɔ mmɔ, ete, Ntem ke mbufo edidɔhɔ Zedekiah, ete,

JEREMIAH 32:3

Koro Zedekiah edidem Judah ɔkɔkɔbide enye abaha, ete, Afo anam didie etiŋ prophecy, ete, Ntem ke Jehovah ɔdɔhɔ, ete, Sese, ami mmɔŋ nda obio emi nsin edidem Babylon ke ubɔk, ndien enye eyeda enye;

JEREMIAH 32:24

Sese, mme ibombom emesim obio, man mmɔ eda enye: ndien emen obio esin ke ubɔk mme Chaldean, emi eŋwanade ekɔŋ ye enye ke ofut ye ke biɔŋ ye ke udɔŋɔ: ndien se afo ɔkɔdɔhɔde omosu: ndien, sese, afo omokut.

JEREMIAH 35:17

mmɔdo ntem ke Jehovah Abasi mme udim Abasi Israel ɔdɔhɔ, ete, Sese, ami mmɔŋ nda ofuri idiɔk ŋkpɔ emi ŋkɔdɔhɔde mbaŋa mmɔ, ntiene Judah ye kpukpru mme andiduŋ Jerusalem: koro mma ndɔhɔ ye mmɔ, ndien mmɔ ikopke: mma nnyuŋ ŋkot mmɔ, ndien mmɔ iyereke.

ŊWED ESEME 2:3

Enye omosibe ofuri nduk Israel ke ikaŋ iyaresit: amakabare ubɔk nnasia esie afiak edem ke iso mme asua, onyuŋ asak ke Jacob nte edemikaŋ eke atade akan okuk.

EZEKIEL 39:3

nyenyuŋ mmia fi utiga ke ubɔk ufien nduɔk, nnyuŋ nnam idaŋ fo eto fi ke nnasia eduɔŋɔ ke isɔŋ.