JEREMIAH 20:12 - Edisana ñwed Abasi Ibom

¹² Ndien, O Jehovah mme udim, emi odomode edinen owo, onyuŋ okutde ekput ye esit, yak ŋkut usiene eke afo edisiode ye mmɔ: koro mmayarare ikɔ mi nnɔ fi.

JEREMIAH 20:12 Referans Kwoze

JEREMIAH 11:20

Edi O Jehovah mme udim, emi ekpede edinen ikpe, odomo nsia ye esit, nyekut nte afo osiode usiene ye mmɔ: koro mmayarade ikɔ mi nnɔ fi.

ŊWED MME PSALM 62:8

Mbufo kpukpru owo, ebuɔt idem ye enye kpukpru ini; enwaŋa esit mbufo ke iso esie: Abasi edi ebiet ubɔhɔ nnyin. [Selah.]

ŊWED MME PSALM 54:7

Koro enye amababare mi mbaba kpukpru: enyin mi omo-nyuŋ ese mme asua mi.

JEREMIAH 17:10

Ami Jehovah nduŋɔre esit, ndomo ŋkpɔ esit idem, man nnɔ kpukpru owo nte ekemde ke usuŋ mmɔ, ye nte ekemde ke mfri utom mmɔ.

ŊWED MME PSALM 59:10

Abasi mi eyeda mbɔm esie osobo ye ami: Abasi eyenyuŋ anam mi nse mme asua mi.

ŊWED MME PSALM 139:23

O Abasi, duŋɔre mi, nyuŋ fiɔk esit mi: domo mi, nyuŋ fiɔk ekikere mi:

ŊWED MME PSALM 7:9

Mbɔk, nam idiɔk ido mme idiɔk owo etre, nyuŋ nam edinen owo ɔsɔŋ ada: afo, edinen Abasi, onyuŋ odomo esit ye ekput.

JEREMIAH 17:18

Yak but anam mmɔ eke ekɔbɔde mi, edi kuyak but anam mi: yak idem akpa mmɔ, edi kuyat idem akpa mi: da idiɔk usen tiene mmɔ, nyuŋ sobo mmɔ nsobo iba.

ISAIAH 37:14

Ndien Hezekiah ɔbɔ mme isuŋ-utom ŋwed oro ke ubɔk, onyuŋ okot enye. Ndien Hezekiah ɔdɔk aka ke ufɔk Jehovah, akatat enye ke iso Jehovah.

ŊWED MME PSALM 17:3

Afo omodomo esit mi; emese mi ke okoneyo; omodomo mi; ukwe ŋkpɔ; inua mi ibehe ekikere mi.

ŊWED MME PSALM 11:5

Jehovah odomo edinen owo: ndien ama edi idiɔk owo, ye owo eke amade afai, ukpɔŋ esie asua mmɔ.

ERIYARARE 18:20

Edara ebaŋa enye O heaven, ye mbufo nti ikɔt Abasi ye mme apostle ye mme prophet, koro Abasi ama ekpe ikpe ibuot mbufo ye enye.

ERIYARARE 6:10

Ndien mmɔ efiori ke ɔkpɔsɔŋ uyo ete, O Ɔbɔŋ, emi edide Edisana onyuŋ anamde akpanikɔ, adaŋa didie ke editre ndikpe ikpe nnyuŋ nsio usiene iyip nnyin ke idem mme andiduŋ ke isɔŋ?

ERIYARARE 2:23

nyenyuŋ nda mkpa ŋwot nditɔ esie; ndien kpukpru mme ufɔk Abasi eyefiɔk ete ke Ami ndi Andiduŋɔre ekput ye esit; nyenyuŋ nnɔ kpukpru mbufo kiet kiet nte ekemde ye utom mbufo.

1 PETER 4:19

Ntem ke ɔfɔn mmɔ emi ekutde ndutuhɔ nte uduak Abasi edide eyak ukpɔŋ mmɔ ke erinam eti ŋkpɔ esin ke ubɔk Andibot, emi edide Abasi akpanikɔ.

1 PETER 2:23

Ke ini owo osuŋide Enye, Enye isuŋike mmɔ usiene; ke ini Enye ebede ke ndutuhɔ, Enye itiŋke ikɔ ndige; edi ayak ikɔ Esie esin ke ubɔk Andikpe edinen ikpe.

JEREMIAH 12:8

Udeme mi amakabare etie ye ami nte lion ke akai; enye osioro uyo esie abaŋa mi: oro esin mi nsua enye.

ISAIAH 38:14

Kpa nte akaraŋ Abasi ye akpantana, kpa ntre ke nsioro uyo; nseme nte ibiom: enyin okim mi ke erise enyɔŋ: O Jehovah, ntie ke nnanenyin, tie ubiɔŋ nɔ mi.

ŊWED MME PSALM 86:4

Dat owo fo esit, koro mmemen ukpɔŋ mi nse fi, Ɔbɔŋ.

2 CHRONICLES 24:22

Ntre ke Joash edidem etre nditi mfɔn oro Jehoiada ete esie akanamde ye enye, edi owot eyen esie; ndien ke ini enye oyomde ndikpa, enye ɔdɔhɔ ete, Yak Jehovah ese, onyuŋ oyom.

1 SAMUEL 1:15

Ndien Hannah ɔbɔrɔ ete, Ih ih ɔbɔŋ mi; ami ndi ŋwan emi esit ɔdiɔkde mi: ŋŋwɔŋke wine, nnyuŋ ŋŋwɔŋke mmin, edi mmaŋwaŋa esit mi ke iso Jehovah.

ŊWED MME PSALM 58:10

Edinen owo eyedara, koro enye okutde usiene: enye eyeyet ikpat esie ke iyip mme idiɔk owo.