JEREMIAH 2:35 - Edisana ñwed Abasi Ibom

³⁵ Ndien afo ɔdɔhɔ, ete, Koro mmennyeneke se nduede, ŋkɔm enye eyemen mi iyaresit esie ke idem efep. Sese, ami nyekpe ikpe ye afo: koro afo ɔdɔhɔde, ete, nnamke idiɔk.

JEREMIAH 2:35 Referans Kwoze

MME ŊKE 28:13

Owo eke odipde idiɔk ido esie idikwe unen: edi owo eke ayararede, onyuŋ ɔkpɔŋde mmɔ, eyekut mbɔm.

ŊWED MBON ROME 7:9

Mma ndu uwem tutuko ke ini nnanade ibet: edi ke adaŋemi item edide, idiɔk-ŋkpɔ ɔwɔrɔ owut idem, ndien ami ŋkpa: mmonyuŋ ŋkut nte item,

JEREMIAH 25:31

Uyom eyewɔrɔ okosim ke utit ererimbot: koro Jehovah enyenede utɔk ye mme idut, eyekpe ikpe ye ofuri obukidem; eyeda mme idiɔk owo ɔnɔ ofut. Jehovah ɔdɔhɔ.

JEREMIAH 2:29

Jehovah ɔdɔhɔ, ete, Mbufo edinam didie etɔhɔ ye ami?

JEREMIAH 2:23

Afo edinam didie ɔdɔhɔ, ete “Ndeheke, mbineke Baalim?” Se usuŋ fo ke itihere: fiɔk se afo anamde: (afo) ɔsɔp-ukot dro-medary eke ɔyɔrɔde ke usuŋ esie;

JEREMIAH 2:9

Jehovah ɔdɔhɔ ete, Oro esin nsuk ntɔhɔ ye mbufo, nyenyuŋ ntɔhɔ ye nditɔ nditɔ mbufo ŋko.

ISAIAH 58:3

“Nnyin inam didie itre udia, ndien afo mukwe? ituk ukpɔŋ nnyin, ndien afo mufiɔkke?” Sese, mbufo ekut inemesit ke usen utre-udia mbufo, enyuŋ ekpak ofuri utom mbufo.

ŊWED JOB 33:9

“Ami ndi edisana: idiɔk ido iduhe: ndeheke; ukwaŋ-ŋkpɔ inyuŋ iduhe mi ke idem.

EZEKIEL 17:20

Ndien nyeda iyire mi nduɔk enye ke idem, ndien enye eyemum ke afia mi, ndien nyeda enye ŋka ke Babylon, nnyuŋ ŋkpe ikpe ye enye do, mbaŋa ndudue esie emi enye ekeduede ye ami.

JEREMIAH 16:10

Ndien ama ekem ke ini afo editiŋde kpukpru ikɔ emi ɔnɔ mbio-obio emi, ndien mmɔ eyedɔhɔ fi, ete, Ke didie ke Jehovah ɔdɔhɔ ofuri akwa idiɔk-ŋkpɔ emi abaŋa nnyin? Nsinyuŋ idi idiɔk ido nnyin, ye oburobut ido nnyin, eke nnyin iduede ye Jehovah Abasi nnyin?