JEREMIAH 2:32 - Edisana ñwed Abasi Ibom

³² Nte eyen-aŋwan edifre ŋkpɔ mbana esie? Nte ŋwan ndɔ edifre ubɔp-isin esie? Edi ikɔt mi emefre mi usen inyeneke ibat.

JEREMIAH 2:32 Referans Kwoze

ŊWED MME PSALM 106:21

Mmɔ efre Abasi, andinyaŋa mmɔ, emi akanamde ikpɔ ŋkpɔ ke Egypt;

JEREMIAH 13:25

Emi edi afia fo, udeme emi ndomode nnɔ fi, Jehovah ɔdɔhɔ; koro afo emefre mi, omonyuŋ ɔbuɔt idem ke nsu.

JEREMIAH 3:21

Emekop uyom ke enyɔŋ ikpɔ obot-eyet ye mkpe-ubɔk nditɔ Israel: koro mmɔ emekwaŋa usuŋ mmɔ, emefre Jehovah Abasi mmɔ.

JEREMIAH 2:11

Nte idut ama ɔkpuhɔ mme abasi (mmɔ) eke midige Abasi? Edi ikɔt mi emeda se midoroke udori ekpuhɔ ubɔŋ mmɔ.

ISAIAH 17:10

Koro afo emefre Abasi erinyaŋa fo, ukonyuŋ utihi akwa itiat odudu fo, mmɔdo afo editɔde ndinem editɔ ŋkpɔ, edinyuŋ adade esen emine ɔtɔ ke esit:

HOSEA 8:14

Israel omonyuŋ efre Andibot enye, omonyuŋ ɔbɔp temple; Judah omonyuŋ ɔbɔp ediwak obio ibibene: edi ami nyekim ikaŋ ke mme obio mmɔ, ndien enye eyeta ufɔk mbɔŋ mmɔ.

ISAIAH 61:10

Nyedat esit eti-eti ke Jehovah, ukpɔŋ mi eyebre abaŋa Abasi mi: koro enye emesine mi edisine-ŋkpɔ erinyaŋa ke idem, amada ekura edinen ido ofuk mi, kpa nte ɔdɔ-ŋwan ayarade anyanya esiemɔ, ye nte ŋwan ndɔ esinede ŋkpɔ mbana esie ke idem.

ŊWED MME PSALM 9:17

Mme idiɔk owo eyefiak edem eduk ke hell, kpukpru mme idut

JEREMIAH 18:15

Koro ikɔt mi ema efre mi, efɔp ŋkpɔ enɔ ŋkpɔ nsu, mmɔ esin mmɔ eduɔŋɔ ke usuŋ mmɔ, kpa ɔkpɔ-usuŋ eset, ndien mmɔ esaŋa ke afaŋ, kpa usuŋ eke midiɔŋke.

JEREMIAH 13:10

Mme idiɔk mbio-obio emi minyimeke ndikop ikɔ mi, emi esaŋade ke itun esit mmɔ, enyuŋ ebinede abasi efen, enyuŋ enam ŋkpɔ mmɔ, enyuŋ etuak ibuot enɔ mmɔ, kpa mmɔ eyebiet ubɔp-isin emi mifɔnke ke baba nkpɔ kiet.

ERIYARARE 21:2

Ndien ŋkut edisana obio, Obufa Jerusalem, nte otode ke Abasi ɔsuhɔre ke heaven edi, ema enyuŋ etim enye idem nte ŋwan-ndɔ emi ebanade ebeŋe ebe.

EZEKIEL 22:12

Ebɔ inyene ke ufɔt fo, ete iduɔk iyip; afo ada udori ye nkɔri, onyuŋ adia mbɔhiduŋ fo ke ŋwo, onyuŋ efre mi. Uyo Ɔbɔŋ Jehovah edi emi.

GENESIS 24:22

Edikem, ke adaŋoro mme camel ema ekeŋwɔŋ ema, owo oro osio ŋkpanuen gold ke eke ibuo, emi udobi esie edide ubak shekel, ye okpoho ubɔk iba ke eke ubɔk esie, emi udobi mmɔ

2 SAMUEL 1:24

Mbufo, nditɔ Israel iban, etua Saul eyet, emi ekesinde mbufo ididuot ɔfɔŋ ye ŋkpɔ inemesit ke idem; emi ɔkɔkɔnɔde ɔfɔŋidem mbufo ŋkpɔ mbana o gold.

GENESIS 24:53

ibuot ɔnɔ Jehovah ese isɔŋ. Owo oro onyuŋ ada ŋkpɔ silver, ye ŋkpɔ gold, ye edisine ŋkpɔ ɔnɔ Rebekah: onyuŋ osio ŋkpɔ uto ɔnɔ eyen-eka esie ye eka esie.

GENESIS 24:30

Edikem, ke ini enye okutde ŋkpanuen ibuo, ye ŋkpɔ gold ke ubɔk eyen-eka esie, ke enye onyuŋ okopde uyo Rebekah eyeneka esie, ete, Ntem ke owo oro ɔdɔhɔ imɔ, ndien enye etiene owo oro; ndien, se, owo oro ada ye mme camel ke mben obube.

ISAIAH 57:11

Afo onyuŋ abak, onyuŋ efehe anie, eke okosude nsu, ndien mutihi mi, munyuŋ ukereke ke esit? Nte ami ndopke uyo toto ke idem eyo oko, ndien afo ubakke mi?

JEREMIAH 2:33

Afo anam didie otim anam usuŋ fo man ebine ima? Mmɔdo afo emekpep mme idiɔk iban usuŋ fo ŋko.

DEUTERONOMY 32:15

Ndien Jeshurun akabare esehe, onyuŋ etiga; afo emesehe, omokpon, ɔmɔyɔhɔ; ndien enye ɔkpɔŋ Abasi emi akanamde enye, onyuŋ esin Akwa Itiat eriyaŋa esie ke ndek.

JUDGES 8:34

Nditɔ Israel inyuŋ itihi Jehovah Abasi mmɔ, emi akanyaŋade mmɔ osio ke ubɔk kpukpru mme asua mmɔ emi ekande mmɔ ekuk:

JEREMIAH 23:27

Emi ekerede ete ke mmimɔ iyenam ikɔt mi efre enyiŋ mi ke ndap mmɔ eke mmɔ etiŋde kiet ye kiet, kpa nte Baal ekesinde mmɔ efre enyin mi.