JEREMIAH 2:20 - Edisana ñwed Abasi Ibom

²⁰ Koro ŋkobuŋde fi ɔkpɔnɔ tutu ko, ŋkonyuŋ ŋkibide fi ŋkpɔkɔbi: ndien afo ɔdɔhɔ ete Ndinamke ŋkpɔ; koro afo ɔsuhɔrede ana nte akpara ke enyɔŋ kpukpru edikoŋ obot, ye ke idak kpukpru awawa eto.

JEREMIAH 2:20 Referans Kwoze

DEUTERONOMY 12:2

Mbufo etim esobo kpukpru ebiet eke mme idut emi mbufo edidade, enamde ido mme abasi mmɔ, ke enyɔŋ ŋkokoŋo obot, ye ke enyɔŋ ŋkpri obot, ye ke idak kpukpru awawa eto:

LEVITICUS 26:13

Ami ndi Jehovah Abasi mbufo, ami ŋkosio mbufo ke isɔŋ Egypt mfep, man mbufo ekudi ifin mmɔ: ŋkonyuŋ mbuŋ eto ɔkpɔnɔ mbufo, nnyuŋ nnam mbufo eneŋere esaŋa.

JEREMIAH 17:2

ke ini nditɔ mmɔ etide mme itie-uwa mmɔ, ye mme eto-mkpe mmɔ, ekpere awawa eto, ye ke enyɔŋ ikpɔ obot.

HOSEA 3:3

Ndien ndɔhɔ enye, nte, Afo eyetie ebet mi ediwak usen; kunam use, kunyuŋ uka owo: ndien ami ŋko nyedi okuo.

JEREMIAH 30:8

Jehovah mme udim onyuŋ ɔdɔhɔ, ete, Ama ekem ke usen oro, nyebuŋ fi ɔkpɔnɔ esie ke itɔŋ mfep, nnyuŋ ŋkibi fi uruk ke idem, ndien isen owo idinimke aba enye ke ofin.

ISAIAH 1:21

Anam didie obio akpanikɔ akabare edi akpara! se inende ɔkɔyɔhɔ ke esit; eti ido ɔkɔduŋ ke esit; edi ke emi mme owot-owo.

NAHUM 1:13

Ndien ke emi ke ndibuŋ fi ɔkpɔnɔ esie ke idem mfep, nnyuŋ ŋkibi uruk fo.

HOSEA 2:5

Koro eka mmɔ ekenamde use, andiman mmɔ amanam oburobut: koro enye ɔdɔhɔde ete, Nyetiene mmɔ eke emade mi, emi enɔde mi uyo mi ye mmɔŋ mi, ye idet erɔŋ mi ye flax mi, ye aran mi ye se ŋŋwɔŋde.

EZEKIEL 23:5

Ekem Oholah anam use ke ini enye etiede ye ami; itɔŋ mmɔ emi emade enye, kpa nditɔ Assyria emi edide mbɔhiduŋ, onyuŋ ɔdɔŋ enye.

EZEKIEL 20:28

Ami nnyuŋ nda mmɔ nduk ke isɔŋ emi ŋkemenerede ubɔk mi, nte ke nyeda enye nnɔ mmɔ, ndien mmɔ ekut kpukpru edikoŋ obot, ye kpukpru mfuhɔ eto, ndien ewa mme uwa mmɔ do ndien do ke mmɔ enɔ enɔ mmɔ eke esinde iyaresit: enyuŋ enim do edinem utebe mmɔ, enyuŋ eŋwaŋa do ediŋwɔŋ uwa mmɔ.

EZEKIEL 16:41

enyuŋ efɔp ufɔk fo ke ikaŋ, enyuŋ enɔ fi ufen ke iso ediwak iban; ndien nyenam fi etre ndisin efibe, ndien afo udunɔŋɔ aba utip.

EZEKIEL 16:31

emi afo ɔbɔpde ufɔk use ke ibuot kpukpru efak; onyuŋ anam edikoŋ ebiet fo ke kpukpru aŋwa: afo unyuŋ ubietke akpara, koro esede okuk akpara ke ndek;

EZEKIEL 16:28

Afo okonyuŋ anam use ye nditɔ Assyria: koro midige nte eyuhɔde fi; ŋkɔm afo anam use ye mmɔ; unyuŋ uyuhɔke ŋko.

ISAIAH 14:25

ndinuak Asshur ke isɔŋ emi, ndien nyedigi enye ke enyɔŋ ikpɔ obot mi: ndien ɔkpɔnɔ esie eyekibe mmɔ ke idem efep, mbiomo esie eyenyuŋ obiomore mmɔ ke afara.

ISAIAH 10:27

Ndien ama ekem ke usen oro, eyebiomore fi mbiomo esie ke afara efep, ye ɔkpɔnɔ esie ke itɔŋ, nte ɔkpɔnɔ abiarade efep ke iso (enaŋ) ubom.

ISAIAH 9:4

Koro afo omobuŋ ɔkpɔnɔ mbiomo esie, ye eto afara esie, ye esaŋ andifik enye, kpa nte akanamde ke usen Midian.

ŊWED MME PSALM 78:58

Enyuŋ eyat enye esit ke edikoŋ ebiet mmɔ, enyuŋ esin enye ofibe ufup ke edisɔi mbiet mmɔ.

1 NDIDEM 12:32

Ekem Jeroboam onim usɔrɔ ke ɔyɔhɔ ɔfiɔŋ itiaita, ke ɔyɔhɔ usen ɔfiɔŋ efut, ebiet usɔrɔ emi odude ke Judah, onyuŋ awa uwa ke itie uwa. Ntem ke enye akanam ke Bethel, ke awa uwa ɔnɔ nditɔ-enaŋ oro enye akanamde: onim ke Bethel.

1 SAMUEL 12:10

Ndien mmɔ eseme enɔ Jehovah, ete, Nnyin imanam idiɔk, koro nnyin ikpɔŋde Jehovah, inyuŋ inamde ŋkpɔ Baalim ye Ashtaroth: edi kam sio nnyin ke ubɔk mme asua nnyin, ndien nnyin iyenam ŋkpɔ fo.

JOSHUA 24:26

Joshua onyuŋ ewet kpukpru ikɔ emi, esin ke ŋwed mme ewuhɔ Abasi, onyuŋ emen akamba itiat owuk ke idak ofriyo kiet emi adade adiana edisana ufɔk Jehovah.

JOSHUA 24:24

Ndien kpukpru owo edɔhɔ Joshua, ete, Nnyin iyenam ŋkpɔ Jehovah Abasi nnyin, inyuŋ ikop uyo esie.

JOSHUA 1:16

Ndien mmɔ ebɔrɔ Joshua, ete, Nnyin iyenam kpukpru se afo etemede nnyin, iyenyuŋ ika kpukpru se afo edidɔŋde nnyin.

DEUTERONOMY 26:17

Afo ama ɔdɔhɔ Jehovah mfin emi, ete ke iyenim enye ke Abasi fo, iyenyuŋ isaŋa ke usuŋ esie, inyuŋ inim mme ewuhɔ esie, ye mbet esie, ye mme item esie, inyuŋ ikop uyo esie:

DEUTERONOMY 15:15

Nyuŋ ti nte afo ekedide ofin ke isɔŋ Egypt, nte Jehovah Abasi fo okonyuŋ afakde fi; mmɔdo ami ntemede fi ŋkpɔ emi mfin emi.

DEUTERONOMY 5:27

Afo saŋa kpere, kokop kpukpru se Jehovah Abasi nnyin edidɔhɔde: ndien afo men kpukpru se Jehovah Abasi nnyin edidɔhɔde fi, tiŋ nɔ nnyin; ndien nnyin iyekop, inyuŋ inam.

DEUTERONOMY 4:34

Mme Abasi akananam odomo ndika ŋkosio idut kiet ke idem esie ke ufɔt efen, ke ndomo, ye ke mme idiɔŋɔ, ye ke mme utibe ŋkpɔ, ye ke ekɔŋ, ye ke ɔkpɔsɔŋ ubɔk, ye ke edimenere ubɔk, ye ke ikpɔ ŋkpɔ ndik, nte kpukpru se Jehovah Abasi mbufo akanamde ye mbufo ke Egypt ke iso mbufo, edide?

DEUTERONOMY 4:20

Ndien Jehovah akada mbufo oto ke ikaŋ utara-ukwak, ke Egypt, ɔwɔrɔ, man edi mbio udeme esie, nte edide mfin emi.

EXODUS 24:3

Ekem Moses emen kpukpru ikɔ Jehovah, ye kpukpru mme item emi, edi editiŋ ɔnɔ kpukpru owo: ndien kpukpru owo ebɔrɔ uyo kiet, ete, Nnyin iyenam kpukpru ikɔ emi Jehovah ɔkɔdɔhɔde.

EXODUS 19:8

Ndien kpukpru owo ebɔ uyo kiet edɔhɔ ete, Iyenam kpukpru se Jehovah ɔdɔhɔde. Ndien Moses emen uyo mmɔ afiak eketiŋ ɔnɔ Jehovah.

EXODUS 3:8

mmonyuŋ nsuhɔre ndisio mmɔ nditɔ Egypt ke ubɔk, ndinyuŋ nda mmɔ ŋwɔrɔ ke isɔŋ oro, ndɔk ŋka isɔŋ emi ɔfɔnde, onyuŋ aŋwaŋade, ke isɔŋ emi ɔfiɔrɔde mmɔŋ-eba ye aran-ɔkwɔk; ke ɔtɔ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite.

ERIYARARE 17:1

EKEM angel kiet ke otu mme angel itiaba oro enyenede eso itiaba edi edidɔhɔ mi ete, Di ken; nyewut fi ubiom-ikpe akamba akpara oro etiede ke enyɔŋ ediwak mmɔŋ;

1 NDIDEM 14:23

Ndien mmɔ enyuŋ enam edikoŋ ebiet ŋko-ŋko, ye mme adaha, ye eto mkpe, ke enyɔŋ kpukpru ŋkokoŋo obot, ye ke idak kpukpru awawa eto.

ŊWED MME PSALM 107:14

Osio mmɔ ke ekim ye mfut mkpa, onyuŋ obuŋ ŋkpɔkɔbi mmɔ.

JEREMIAH 2:31

O emana, mbufo ekut uyo Jehovah. Nte ami ŋkedi wilderness nnɔ Israel? Nte ŋkedi isɔŋ ekim? Nsinam ikɔt mi ekedɔhɔde, ete, Nnyin imɔŋ iyɔrɔ kpukpru ebiet; nnyin ididige aba ke ɔtɔ fo?

JEREMIAH 3:13

Diɔŋɔ idiɔk ido fo ikpɔŋ-ikpɔŋ: koro afo emedue Jehovah Abasi fo, onyuŋ asuan usuŋ fo ɔnɔ isen owo ke idak kpukpru awawa eto, mbufo inyuŋ ikopke uyo mi, Jehovah ɔdɔhɔ.

JEREMIAH 5:5

Yak mbine ikpɔ owo, nnyuŋ ndɔhɔ ye mmɔ; koro mmɔ efiɔkde usuŋ Jehovah, ikpe Abasi mmɔ. Edi mmɔ emebuŋ ɔkpɔnɔ ubɔk kiet, ekibi ubɔp-ŋkpɔ.

JEREMIAH 13:27

Mmokut efibe fo, ye uyo use fo, ye nte afo asaŋade akpara oburobut, ye mbubiam fo ke enyɔŋ ikpɔ obot ke iŋwaŋ. Osuk ɔdɔdiɔk ɔnɔ fi, Jerusalem; adaŋa didie ke afo edisuk esin ndisana?

HOSEA 4:13

Mmɔ ewa uwa ke enyɔŋ ikpɔ obot, enyuŋ efɔp incense ke enyɔŋ ŋkpri, ke idak ofriyo ye poplat ye terebinth, koro mfut mmɔ ɔfɔnde: mmɔdo nditɔ-iban mbufo eyenam use, iban nditɔ mbufo eyenyuŋ esin efibe.

JUDGES 2:11

Ndien nditɔ Israel enam idiɔk ke enyin Jehovah, enyuŋ enam ŋkpɔ Baalim:

JUDGES 2:13

Ntem ke mmɔ ekpɔŋ Jehovah, enyuŋ enam ŋkpɔ Baal ye Ashtaroth.

JUDGES 10:6

Ndien nditɔ Israel etɔŋɔ ntak enam idiɔk ke iso Jehovah, enyuŋ enam ŋkpɔ Baalim ye eke Ashtaroth, ye eke ndem Syria, ye eke ndem Zidon, ye eke ndem Moab, ye eke ndem nditɔ Ammon, ye eke ndem mme Philistine; mmɔ enyuŋ ekpɔŋ Jehovah, inyuŋ inamke ŋkpɔ esie.

ŊWED MME PSALM 2:3

“Eyak nnyin ibuŋ ŋkpɔkɔbi mmɔ, inyuŋ ikibi uruk mmɔ ke idem nnyin iduɔk.”

HOSEA 1:2

Eritɔŋɔ ikɔ emi ke Jehovah akada Hosea etiŋ. Ndien Jehovah ɔdɔhɔ Hosea, ete, Ka kada ŋwan efibe ye nditɔ efibe ke idem fo: koro isɔŋ emi esinde ata efibe onyuŋ ɔkpɔŋde Jehovah.

HOSEA 9:1

O ISRAEL, kudat esit ukaha nte mme idut: koro afo ɔmɔkpɔŋ Abasi fo anam use: afo amama utip ke kpukpru ɔtɔ ubek-ibokpot.