JEREMIAH 2:17 - Edisana ñwed Abasi Ibom

¹⁷ Nte afo unamke emi unɔ idem fo, koro afo ɔkɔkpɔŋde Jehovah Abasi fo, ke ini eke enye adade fi usuŋ?

JEREMIAH 2:17 Referans Kwoze

JEREMIAH 4:18

Usuŋ fo ye ido fo enam ŋkpɔ emi enɔ fi; emi oto ke idiɔk ido fo, koro enye ododoro, koro osimde fi ke esit.

JEREMIAH 2:19

Idiɔk ido fo eyetunɔ fi, mfiak-edem fo eyenyuŋ ɔnɔ fi ufen: fiɔk ndien, nyuŋ se ete ke ɔmɔdiɔk, ke onyuŋ odoro, koro afo ɔkɔkpɔŋde Jehovah Abasi fo, koro ndik mi minyuŋ iduhe fi ke idem. Emi edi uyo Ɔbɔŋ Jehovah mme udim.

JEREMIAH 2:13

Koro ikɔt mi emenam idiɔk ŋkpɔ iba; emekpɔŋ mi idim mmɔŋ uwem, enyuŋ etibi obube enɔ idem mmɔ, kpa ndisiaha obube eke mikamake mmɔŋ.

HOSEA 13:9

O Israel, afo omosobo idem fo: koro afo asuade mi andinyaŋa fi.

ŊWED MME PSALM 107:7

Ndien enye ada mmɔ asaŋa ke edinen usuŋ, man eka obio iduŋ.

ŊWED MME PSALM 77:20

Afo eteme ikɔt fo usuŋ nte ufene, ke ubɔk Moses ye Aaron.

ISAIAH 1:4

Ɔdiɔk ɔnɔ idut emi anamde idiɔk, mbio emi ebiomde idiɔk ido, ubon mme oburobut owo, nditɔ emi ekabarede ediɔk! Mmɔ emekpɔŋ Jehovah, emesin Edisana Abasi Israel ke ndek, emekabare efiak edem.

ŊWED MME PSALM 136:16

(Ekɔm) enye emi akadade ikɔt esie usuŋ ke wilderness: koro ima esie odude ke nsinsi.

ŊWED JOB 4:8

Kpa nte ŋkokutde, mmɔ eke efuŋde idiɔk-ŋkpɔ enyuŋ etɔde ibak, edɔk suk oro.

1 CHRONICLES 28:9

Ndien afo Solomon eyen mi, fiɔk Abasi usɔ, nyuŋ nam ŋkpɔ esie ke ofuri esit, ye ke ima ukpɔŋ: koro Jehovah ɔduŋɔde kpukpru esit owo, onyuŋ otim ɔfiɔk kpukpru se ekikere obotde: afo ama oyom enye, eyekut enye; edi ama ɔkpɔŋ enye, enye eyemen fi ɔduɔk tutu amama.

DEUTERONOMY 32:19

Ndien Jehovah okut, onyuŋ asua, abaŋa eriyat emi nditɔ-iren esie ye nditɔ-iban esie eyatde enye esit.

DEUTERONOMY 32:10

Enye okokut enye ke isɔŋ desert, ye ke wilderness, ebiet emi mme unam etuade; akan enye okuk, onyuŋ etiŋ enye enyin ke idem, ekpeme enye nte eyen enyin.

NUMBERS 32:23

Edi edieke mbufo midinyimeke ndinam ntem, sese, mbufo enam idiɔk ye Jehovah: ndien mbufo etim efiɔk ete ke idiɔk ido mbufo eyesim mbufo.

JEREMIAH 5:25

Mme idiɔk ido mbufo emekabare ŋkpɔ emi efep, mme ukwaŋkpɔ mbufo inyuŋ iyakke mbufo ekut eti ŋkpɔ emi.

JEREMIAH 13:22

Ndien emi afo ɔdɔhɔde ke esit fo, ete, “Nsinam ŋkpɔ emi etienede mi?” Uwak mme idiɔk ido fo esin efuhɔre ɔfɔŋ-idem fo, enyuŋ eyarare fi nditiŋ-ikpat.

JEREMIAH 19:4

Koro mmɔ ekpɔŋde mi, enyuŋ enimde ebiet emi ke esen ebiet, enyuŋ efɔpde ŋkpɔ ke esit enɔ abasi efen, eke mmɔ, ye mme ete mmɔ, ye ndidem Judah mikɔfiɔkke, enyuŋ eduɔk iyip owo eke miduehe isop eyɔhɔ ke ebiet emi;

JEREMIAH 44:3

ebaŋa idiɔk ido oro mmɔ ekenamde, ke eriyat mi esit, nnyuŋ ŋka ŋkɔfɔp ŋkpɔ, nnyuŋ nnam ŋkpɔ nnɔ abasi efen, eke mmɔ ye mbufo ye mme ete mbufo mikɔfiɔkke.

EZEKIEL 39:24

Ŋkanam mmɔ nte ekemde ke ndek mmɔ, ye ke mme idiɔk ido mmɔ, nnyuŋ ndip mmɔ iso mi.

2 CHRONICLES 15:2

ndien enye ɔwɔrɔ okosobo ye Asa, onyuŋ ɔdɔhɔ enye, ete: Asa ye ofuri Judah ye Benjamin, mbufo ekop uyo mi, Jehovah ada ye mbufo ke ini mbufo ededa ye enye; ndien edieke mbufo ediyomde enye, mbufo eyekut enye; edi edieke mbufo edikpɔŋde enye, enye eyekpɔŋ mbufo.

ŊWED JOB 34:27

Oto koro mmɔ ekefiakde ekpɔŋ enye, minyuŋ ikereke usuŋ esie baba kiet;

MME ŊKE 15:10

Ɔkpɔsɔŋ ufen enyene owo eke awahade ɔkpɔŋ usuŋ: owo eke asuade ntunɔ eyekpa.

ISAIAH 59:13

Ke inam idiɔk, isu nsu, ibaŋa Jehovah, ikabare ikpɔŋ Abasi nnyin, idɔhɔ ufik ye nsɔŋ-ibuot, iyomo inyuŋ itiŋ ikɔ nsu ke esit.

MICAH 1:5

Ofuri ŋkpɔ emi oto ke idiɔk ido Jacob, ye ke ndudue ufɔk Israel. Nsidi ndudue Jacob? Nte idige Samaria? Nsidi ŋkokoŋo ebiet Judah? Nte idige Jerusalem?