Biblia Todo Logo
Bib sou entènèt

- Piblisite -




JEREMIAH 2:15 - Edisana ñwed Abasi Ibom

15 Nsinam ndien enye akabarede edi ŋkpɔ mbume? Mkparawa lion ke ekuni enye, emenere uyo mmɔ, enyuŋ enim isɔŋ esie ke ŋkpɔ nsobo: mme obio esie emenyuŋ eta ikaŋ, enana owo eke oduŋde.

Gade chapit la Kopi




JEREMIAH 2:15
35 Referans Kwoze  

Lion oto ke mfuhɔ ikɔt esie ɔdɔk, andisobo mme idut onyuŋ otibi isaŋ; oto ke ebiet esie, ete inim isɔŋ fo ke nsobo; mme mbio fo eyebiara, ndien baba owo kiet eke oduŋde ididuhe.


Israel edi erɔŋ eke esuanade: mme lion emebin enye efep: edidem Assyria ama ebem iso adia enye; ndien ke emi Nebucha-drezzar edidem Babylon emi etiene edem obuŋ enye ɔkpɔ.


Ndien nyenim Jerusalem ke ibombom, ye ke nna mme jackal; nyenyuŋ nnim mme obio Judah; ke ndobo, enana owo eke eduŋde.


mfiori mmɔ ebiet eke uman lion, mmɔ efiori nte mkparawa lion: eyenyuŋ ekuni, enyuŋ emum unam, enyuŋ emen enye enyɔŋ ke ifure, baba owo kiet eke anyaŋade idinyuŋ iduhe.


Esobo isɔŋ mbufo, mme obio mbufo eta ikaŋ; ama edi obot iŋwaŋ mbufo, isen owo ke edia enye ke iso mbufo, enyuŋ esobo enye nte ŋkpɔ eke isen owo ebiatde.


Mmosibe mme idut mfep: mme tower mmɔ emewure; mmabiat mme efak mmɔ, ndien owo eke asaŋade ebe iduhe: emesobo mme obio emi, ndien owo eke oduŋde iduhe.


Osuk ɔdiɔk ɔnɔ mme andiduŋ mben inyaŋ idut mme Cherethite! uyo Jehovah abaŋa mbufo; O Canaan, isɔŋ mme Philistine, nyesobo fi ŋko tutu owo eke oduŋde iduhe.


Ndien silver mmɔ ye gold mmɔ idikemeke ndinyaŋa mmɔ baba ke usen ifuresit Jehovah: edi ofuri idut eyeta ikaŋ ufup esie; koro enye eyenam kpukpru mme andiduŋ isɔŋ ama ke iwiwa.


Nna mme lion, emi onyuŋ edide ebiet udia mkparawa lion, odu mmɔŋ? Emi ayara ye uman lion ekesaŋade do, eyen lion ŋko, ndien baba owo kiet eke esinde mmɔ ndik ikoduhe?


Ntem ke Jehovah ɔdɔhɔ ete, Kpa nte ekpemerɔŋ osiode lion ukot iba ye ubak utɔŋ ke inua efep; kpasuk ntre ke edisioŋo nditɔ Israel emi eduŋde ke Samaria ke inuk e-bed, ye ke Damascus ke mkpana.


Lion okuni, anie mididikheke? Ɔbɔŋ Jehovah ɔdɔhɔ, anie miditiŋke prophecy?


Nte lion okuni ke akai ke ini enye mikwe unam eke awaide? Nte akparawa lion ana ke nna esie osioro uyo, ke ini enye mimumke ŋkpɔ?


Mmɔ eyesaŋa etiene Jehovah: enye eyekuni nte lion: koro enye edikunide, ndien nditɔ eyeto ke edem usop-utin esɔp edi;


Koro ami ntiede nte lion ye Ephraim, ntie nte akparawa lion ye ufɔk Judah: ami kpa ami nyewai ndien nnyɔŋ; nyemen mfep, ndien baba owo kiet eke anyaŋade ididuhe.


Nyenyuŋ nda fi nnim ke ŋkpɔ nsobo ye ŋkpɔ esuene ke otu mme idut emi ekande fi ekuk, ke enyin kpukpru owo eke esaŋade ebe.


Ndien Jehovah ikemeke aba ndiyɔ idiɔk ido mbufo, ye ŋkpɔ mbubiam emi mbufo enamde; ndien isɔŋ mbufo amakabare edi nsobo, ye ndobo, ye isuŋi, ndien owo eke oduŋde iduhe du, kpa nte edide mfin emi.


Jehovah ɔdɔhɔ ete, Sese, ami mmɔŋ ŋwuk, nnyuŋ nda mmɔ mfiak ndi ke obio emi; ndien mmɔ eyeŋwana ekɔŋ ye enye, enyuŋ eda enye, enyuŋ efɔp enye ke ikaŋ: ndien nyenim mme obio Judah ke ŋkpɔ nsobo tutu anana owo eke oduŋde.


Ntem ke Jehovah ɔdɔhɔ, ete, Ke ebiet emi mbufo edɔhɔde ete ke enye omosobo, anana owo, onyuŋ anana ufene, ke mme obio Judah ye ke mme efak Jerusalem, emi ebiarade enana owo, enyuŋ enana andiduŋ, enyuŋ enana ufene,


Nsinam afo etiŋde prophecy ke enyiŋ Jehovah, ete, Ufɔk emi eyebiet Shiloh, obio emi eyenyuŋ abiara, tutu owo eke oduŋde iduhe? Ndien kpukpru owo esop idem enam ikɔ ye Jeremiah ke ufɔk Jehovah.


Afo tiŋ ndien kpukpru ikɔ prophecy emi nɔ mmɔ, nyuŋ dɔhɔ mmɔ, ete, Jehovah eyetie ke enyɔŋ ofiori, enyenyuŋ etie ke edisana iduŋ esie osioro uyo esie; enye eyesɔŋ ofiori abaŋa ebiet iduŋ esiemɔ; eyesio mkpo, ebiet eke mme edigi-wine, abaŋa kpukpru mme andiduŋ ererimbot.


Mmɔdo lion eyeto ke akai owot mmɔ, wolf mbubreyo eyesobo mmɔ: ekpe eyekpeme obio mmɔ: eyeta kpukpru owo eke ewɔŋɔde ke esit: koro mme idiɔk ido mmɔ ewakde, mfiakedem mmɔ onyuŋ ɔdɔdiɔŋ ɔsɔŋ.


SESE, Jehovah aŋwaŋa ŋkpɔ ke isɔŋ efep, anam enye edi ukpɔk, onyuŋ okubi iso esie, onyuŋ asuan mme andiduŋ enye.


Ndien enye ɔbɔrɔ, ete, Tutu mme obio ewure enana mme andiduŋ, mme ufɔk enyuŋ ebiara enana owo, isɔŋ onyuŋ abiara fap,


Jehovah mme udim ɔdɔhɔ mi ke utɔŋ, ete, Kakpan ediwak ufɔk, ikpɔ ye nti, eyekabare edi ŋwure, koro owo eke oduŋde miduhe.


Ukpɔŋ mi odu ke otu mme lion: nyena ke otu mmɔ eke esakde nte ikaŋ, kpa nditɔ owo emi edet mmɔ edide eduat ye idaŋ, ndien edeme mmɔ edi edisɔp ofut.


Ŋkuni lion, ye uyo afai lion, ye ndet akparawa lion emebuŋɔ.


Ekem Samson ye ete esie ye eka esie esuhɔre eka ke Timnah; ndien adaŋemi enye osimde ke iŋwaŋ vine Timnah, abak lion kiet ɔbiɔŋɔ enye okuni.


Mmɔ eyekuni ɔtɔ kiet nte lion; eyefiori nte nsek nditɔ lion.


tiŋ ndien prophecy, nyuŋ dɔhɔ, Ntem ke Ɔbɔŋ Jehovah ɔdɔhɔ, ete, Koro, kpa koro mme mmɔ emi ekande ekuk ebiatde enyuŋ eŋwunede mbufo, ete mbufo edi se mme idut emi esuhɔde edade enyene; ndien mme ababara etoho mbufo ufiet, mbufo enyuŋ edi se kpukpru owo esuenede:


Kop! uyom eseme mme ekpemerɔŋ; koro ubɔŋ mmɔ atakde: kop! uyom ŋkuni mkparawa lion; koro iseri Jordan atakde.


Yak eteme fi, O Jerusalem, mbak ukpɔŋ mi ediwɔŋɔre ɔkpɔŋ fi; mbak ndinim fi ke desert, ke isɔŋ eke owo miduŋke ke esit.


Nyemen eyet ye ntuaŋa mbaŋa ikpɔ obot, nyemen eseme mbaŋa mbiet wilderness koro esobode mmɔ, owo minyuŋ isaŋake ke esit ibe: ndien mmɔ ikopke uyo ufene; mme inuen enyɔŋ ye mme unam isɔŋ emefeŋe; emedaŋa!


Uyo etop! sese, ke edi. Akamba mkpo onyuŋ oto ke idut edere edi, ndinim mme obio Judah ke ŋkpɔ nditaha, ye ke iduŋ mme jackal.


Sese, mmɔŋ ndɔŋ ekeda kpukpru mme oruk edem edere, nnyuŋ ndɔŋ utom ke ɔtɔ Nebuchadnezzar edidem Babylon owo mi, nnyuŋ nda mmɔ ndi ekɔŋ ye isɔŋ emi, ye mme andiduŋ enye, ye kpukpru mme idut emi ekande enye ekuk; nyenyuŋ nsobo mmɔ, fap, nnyuŋ nnim mmɔ ke ŋwure, ye ŋkpɔ nsi, ye ke nsinsi ndon.


Swiv nou:

Piblisite


Piblisite