JEREMIAH 19:11 - Edisana ñwed Abasi Ibom

¹¹ Ntem ke Jehovah mme udim ɔdɔhɔ ete, Ke ntre ke ndinuak mbio emi ye obio emi, kpa nte owo anuakde abaŋ obot-eso, eke owo mikemeke aba ndidiɔŋ: ndien mmɔ eyebuk owo ke Topheth, tutu ebiet eke ebukde iduhe aba.

JEREMIAH 19:11 Referans Kwoze

ŊWED MME PSALM 2:9

Afo eyenuak mmɔ ke esaŋ ukwak; onyuŋ obom mmɔ nte ŋkpɔ eke obot-eso anamde.

ISAIAH 30:14

Ndien ewuri enye nte abaŋ mme obot-eso owurede, anuaha; mbɔm iduhe du; ndien ikwe baba usiɔŋ kiet ke otu mbai esie, eke edade emen ikaŋ ke otuŋ, mme eda ekoi mmɔŋ ke idim.

ŊWED ESEME 4:2

Ndiye nditɔ-iren Zion emi ekemde ye ata eti gold, anam didie ebat mmɔ nte abaŋ mbat eso eke ubɔk obot-eso anamde!

ERIYARARE 2:27

nyenɔ enye odudu ndikara mme idut; ndien enye eyeda esaŋ ukwak akara mmɔ, nte emi ebomde eso obot-eso mbai-mbai: kpa nte Ami nde ŋkɔbɔde ke ubɔk Ete Mi.

JEREMIAH 13:14

Ndien ami nyeyibi mmɔ kiet kiet nnuak, ye mme ete ye nditɔ ɔtɔ kiet, Jehovah ɔdɔhɔ: ndiyakke, ndinyuŋ nnyeneke mbɔm, ndinyuŋ ntuaha mbɔm, edi nyesobo mmɔ.

JEREMIAH 19:6

Jehovah ɔdɔhɔ, ete, Ini ke edi eke ebiet emi midikereke aba Topheth, ye Itihere eyen Hinnom, edi eyekere Itihere Uwot-owo.

UTOM MME APOSTLE 21:11

Enye asaŋa edi ke ɔtɔ nnyin, onyuŋ emen mbɔbɔ Paul ɔbɔp idem esie ukot ye ubɔk, ete nnyin, Edisana Spirit ɔdɔhɔ ete, Ntem ke mme Jew emi edude ke Jerusalem edibɔp owo emi enyenede mbɔbɔ emi, enyuŋ eyak enye esin mme Gentile ke ubɔk.

MME ŊKE 6:15

Oto oro nsobo esie eyebuat enye; enye eyebuŋɔ ke idaha kiet; ndien baba ŋkpɔ kiet eke aŋwaŋade enye idem ididuhe.

JEREMIAH 19:12

Jehovah ɔdɔhɔ ete, Ntem ke ndinam ye ebiet emi, ye mme andiduŋ enye, nnyuŋ nnam obio emi etie nte Topheth:

JEREMIAH 48:38

Ntuaŋa mmɔdo ke enyɔŋ kpukpru ɔkɔm ufɔk Moab, ye ke esit aŋwa esie: koro mmanuak Moab nte abaŋ eke minemke owo baba: uyo Jehovah edi emi.

JEREMIAH 51:63

Ndien ama ekem, ke afo etiŋde ŋwed emi ama, da itiat tebe ke esit, ndien da enye duɔk ke ufɔt Euphrates.

JEREMIAH 25:34

Mbufo mme ekpemerɔŋ eseme enyuŋ efiori; mme etubom ufene, mbufo emiaŋa ke ntɔŋ: koro ekemde ke usen nte ewotde mbufo enyuŋ esuande mbufo; ndien mbufo eyeduɔŋɔ nte ŋkpɔ uto.