O Ephraim, ndinam didie nda fi nnɔ? nnyuŋ mmen fi nyak O Israel? ndinam didie nda fi nnɔ nte Admah? nnyuŋ nnim fi nte Zeboim? Esit mi amakabare odoro mi; mbɔm etimere mi ini kiet.
Ke didie ke nditɔ Egypt edidɔhɔ ete, Enye okosio mmɔ ke ibak, ete iwot mmɔ ke otu ikpɔ ibot, inyuŋ isobo mmɔ ke iso isɔŋ ifep? Kabare kpɔŋ ikaŋ-ikaŋ iyaresit fo, nyuŋ dahado ke idiɔk-ŋkpɔ emi nɔ ikɔt fo.
O Jehovah, mbɔk, nte emi idige uyo mi ke ŋkodude ke edem nnyin? Oro ekesin mi mfehe ŋka ke Tarshish ke akpa: koro mfiɔkde nte afo edi Abasi mbɔm ye mfɔn, usɔpke iyaresit, edi okpon ima, onyuŋ akabare esit ke idiɔk-ŋkpɔ.
Ke ini ndɔhɔde eti owo, nte, “Enye eyedu uwem”; ndien enye ɔbuɔt idem ke edinen ido esie, onyuŋ anam se ikwaŋade, iditihi edinen ido esie baba; enye eyekpa ke ukwaŋ-ŋkpɔ esie eke enye akanamde.
Mme ufɔk Judah eyekop ofuri idiɔk emi ami ŋkerede ndinam mmɔ, man kpukpru mmɔ ekabare ekpɔŋ mme idiɔk usuŋ mmɔ; man ami ndahado ke idiɔk ido mmɔ ye ukwaŋ-ŋkpɔ mmɔ.
Afo eyen owo, dɔhɔ ndien nditɔ oruk fo, ete, Eti ido eti owo idinyaŋake enye ke usen eke enye eduede: ama edi idiɔk ido owo, enye ididuɔhɔ ke esit ke usen eke enye akabarede ɔkpɔŋ idiɔk ido esie; ndien eti owo idikemeke ndidu uwem ke eti ido esie ke usen eke enye eduede.