JEREMIAH 18:12 - Edisana ñwed Abasi Ibom

¹² Ndien mmɔ edɔhɔ ete, Kukpa ndidɔhɔ: koro nnyin imɔŋ ibine uduak nnyin: kpukpru nnyin iyenyuŋ inam itun esit nnyin.

JEREMIAH 18:12 Referans Kwoze

JEREMIAH 2:25

Kuyak ukot fo ana iferi, kuyak itɔŋ asat fi: ndien afo ɔdɔhɔ, ete: mbut: Ih ih: koro mmama isen owo, ndien nyesuk ntiene mmɔ.

DEUTERONOMY 29:19

ndien ama ekem ke ini enye okopde uyo uŋwɔŋɔ emi, enye ɔkɔm idem esie ke esit esiemɔ, ete, Ke eyefɔn imɔ, okposuk edi eke imɔ isaŋade ke itun esit imɔ, inyuŋ idiande uyuhɔ mmin ye nsat-itɔŋ:

JEREMIAH 16:12

ndien mbufo ediɔk ndinam ekan mme ete mbufo: ndien, sese, mbufo kiet kiet etiene itun idiɔk esit mbufo, inyuŋ ikopke uyo mi:

JEREMIAH 7:24

Ndien mmɔ ikopke, inyuŋ ikpaŋke utɔŋ mmɔ, edi esaŋa ke uduak ye ke itun idiɔk esit mmɔ, enyuŋ efiak edem, ikaha iso.

ISAIAH 57:10

Afo enyene utom ke uwak isaŋ fo; udɔhɔke, ete, ɔwɔrɔ ikpikpu. Omokut uwem ubɔk fo; oro iyakke idem efere fi.

LUKE 1:51

Enye akada ubɔk Esie ayarare odudu; Enye akasuan mbon ntaŋidem ke ekikere esit mmɔ.

JEREMIAH 3:17

Ke ini oro mmɔ eyesio Jerusalem enyiŋ, ete, Ebekpo Jehovah; kpukpru mme idut eyenyuŋ ebono ke esit, ebaŋa enyiŋ Jehovah, ke Jerusalem: ndien mmɔ idisaŋake aba itiene idiɔk isɔŋesit mmɔ.

GENESIS 8:21

Ndien Jehovah okop edinem utebe oro, Jehovah onyun ɔdɔhɔ ke esit esiemɔ, ete, Ami nditɔŋɔke aba ntak nsuŋi isɔŋ mbaŋa owo; koro ekikere esit owo ɔdiɔkde toto ke uyen esie: ndinyuŋ ntɔŋɔke aba ntak nsobo kpukpru se idude uwem, nte ŋkanamde.

EZEKIEL 37:11

Ndien enye ɔdɔhɔ mi, ete, Eyen owo, mme ɔkpɔ emi edi ofuri ufɔk Israel. Sese, mmɔ ke edɔhɔ ete, Mme ɔkpɔ nnyin emesat, idorienyin nnyin omonyuŋ atak: emesibe nnyin efep.

JEREMIAH 44:17

koro nnyin miditreke ndinam kpukpru ikɔ eke etode nnyin ke inua, nnyuŋ mfɔp ŋkpɔ nnɔ ɔbɔŋ-aŋwan ikpa-enyɔŋ, nnyuŋ ntɔhɔ uwa ediŋwɔŋ ŋkpɔ nnɔ enye, kpa nte nnyin, ye mme ete nnyin, ye ndidem nnyin, ye mbɔŋ nnyin ikenamde ke mme obio Judah, ye ke mme efak Jerusalem, ndien idia udia iyuhɔ, inyuŋ ikut ufɔn, inyuŋ ikwe baba idiɔk-ŋkpɔ kiet.

JEREMIAH 23:17

Mmɔ esuk edɔhɔ ye mmɔ eke esinde mi ke ndek, ete, Jehovah ɔdɔhɔ, ete, Mbufo eyenyene emem; enyuŋ edɔhɔ kpukpru owo eke esaŋade ke itun esit mmɔ, ete, “Baba idiɔk-ŋkpɔ kiet idisimke mbufo.”

JEREMIAH 11:8

Mbufo ekop uyo mi. Edi mmɔ ikopke, inyuŋ ikpaŋke utɔŋ mmɔ, edi kpukpru owo kiet kiet esaŋa ke itun idiɔk esit mmɔ. Ndien nyeda kpukpru ikɔ ediomi oro ŋkowukde nte enam, ndien mmɔ minamke, nda ntiene mmɔ.

2 NDIDEM 6:33

Ndien ke ini enye osuk ɔdɔhɔde ye mmɔ, sese, isuŋutom oro ɔsuhɔre osim enye. Ndien enye (edidem) ɔdɔhɔ ete, Sese, ukut emi oto Jehovah: ndinam didie nsuk mbet Jehovah ŋka iso?

GENESIS 6:5

Ekem Jehovah okut idiɔk-ŋkpɔ owo nte okponde ke isɔŋ, kpukpru ŋkpɔ ke ekikere esit esie enyuŋ esuk edi idiɔk kpukpru ini.

MALACHI 3:14

Mbufo ke edɔhɔ ete, Ndinam ŋkpɔ Abasi ɔwɔrɔ ikpikpu: nnyin inyuŋ ikut nso udori, koro inimde item esie, inyuŋ isaŋade mfuhɔ-mfuhɔ ke iso Jehovah mme udim?

ISAIAH 65:2

Ke ofuri usen ke nnyanare ubɔk mi nnɔ mbon nsɔŋ-ibuot, emi esaŋade ke usuŋ eke mifɔnke, ebine ekikere idem mmɔ;

JEREMIAH 6:17

Ami ŋkonyuŋ ndemere mbon-ukpeme eke esede mbufo, nnim, nte, Mbufo ekpaŋ utɔŋ enɔ uyo ukorowo.