JEREMIAH 17:26 - Edisana ñwed Abasi Ibom

²⁶ Ndien mmɔ eyeto ke mme obio Judah, ye ke edem emi akande Jerusalem okuk, ye ke isɔŋ Benjamin, ye ke una-isɔŋ edem inyaŋ, ye ke obot iŋwaŋ, ye ke edem usuk-usuk, eda edifɔp uwa ye uwa emem, ye inuak-udia, ye frankincense, edi, eyenyuŋ eda uwa ekɔm edi ke ufɔk Jehovah.

JEREMIAH 17:26 Referans Kwoze

ZECHARIAH 7:7

Nte mme mmɔ emi idige ikɔ oro Jehovah ɔkɔkwɔrɔde ke ubɔk mme akpa prophet, ke ini eduŋde Jerusalem kaŋa, enye onyuŋ odude ke ifure, ye mme obio esie emi ekande enye ekuk, enyuŋ eduŋ edem usuk ye unaisɔŋ mben inyaŋ?

JEREMIAH 33:13

Ke mme obio obot, ye ke mme obio una-isɔŋ edem inyaŋ, ye ke mme obio edem usuk-usuk, ye ke isɔŋ Benjamin, ye ke edem emi akande Jerusalem okuk, ye ke mme obio Judah, ke ufene editɔŋɔ ntak esaŋa ebe ke idak ubɔk enye emi abatde mmɔ. Ke edi Jehovah ɔdɔhɔ ntem.

JEREMIAH 32:44

Eyedep iŋwaŋ ke okuk, enyuŋ ewet ŋwed, enyuŋ ebɔp esin idiɔŋɔ, enyuŋ ekot ntiense, ke isɔŋ Benjamin, ye ke edem emi akande Jerusalem okuk, ye ke mme obio Judah, ye ke mme obio obot, ye ke mme obio una-isɔŋ edem inyaŋ, ye ke mme obio edem usuk: koro nyeda mmɔ ke itie mbuot-ekɔŋ mfiak ndi: emi edi uyo Jehovah.

ŊWED MME PSALM 107:22

Yak mmɔ enyuŋ ewa mme uwa ekɔm, enyuŋ etaŋa mme ese esie ke ikwɔ.

JEREMIAH 33:11

ke eyekop uyom idara, ye uyom mbre, ye uyo ɔdɔ ŋwan, ye uyo ŋwan ndɔ, ye uyo mmɔ eke edɔhɔde, ete, “Mbufo etoro Jehovah mme udim: koro Jehovah ɔfɔnde; koro ima esie ebigide ke nsinsi”: ye eke mmɔ emi edade ekɔm edi ke ufɔk Jehovah. Koro ami nyeda nditɔ isɔŋ emi eketaŋde efep mfiak ndi, kpa nte akpa; ke edi Jehovah ɔdɔhɔ.

ŊWED MME PSALM 116:17

Nyewa uwa ekɔm nnɔ fi, nnyuŋ nseme ŋkot enyiŋ Jehovah.

ERIYARARE 1:5

onyuŋ oto Jesus Christ, emi edide ntiense emi anamde akpanikɔ, andibem iso mmana ke otu mme akpa-mkpa, ye andikara ndidem isɔŋ. Enye emi amade nnyin, okonyuŋ adade iyip Esiemɔ atat nnyin uruk mme idiɔk-ŋkpɔ nnyin;

1 PETER 2:5

eyeda mbufo nde, nte mme odu-uwem itiat, ebɔp esin ke ufɔk eke spirit, enyuŋ enam mbufo edi ndisana oku, ndiwa uwa spirit, eke Abasi adarade ndibɔ oto ke Jesus Christ.

MME HEBREW 13:15

Yak nnyin iwa uwa ekɔm inɔ Abasi kpukpru ini ke enyiŋ Jesus, kpa mfri mkpɔk-inua eke ekponode enyiŋ Esie.

EZRA 3:11

Ndien mmɔ ekwɔ, ke etoro, enyuŋ ekɔm Jehovah, koro enye ɔfɔnde, koro ima esie (emi enye amade) Israel odude ke nsinsi. Ndien kpukpru owo efiori akamba mfiori, ke etoro Jehovah, koro etɔŋɔde ndibɔp ufɔk Jehovah.

ŊWED MME PSALM 66:13

Nyeda edifɔp uwa nduk ke ufɔk fo: nnyuŋ nnɔ fi akaŋa mi.

JEREMIAH 30:19

Ndien ekɔm ye uyo mmɔ emi ebrede mbre eyewɔrɔ ke otu mmɔ: nyenyuŋ nnam mmɔ ewak, ndien mmɔ ididige esisit. Nyenyuŋ nnam ekpono mmɔ, ndien mmɔ idikprike.

ISAIAH 58:13

Afo ama akabare ukot fo osio ke sabbath efep, ke erinam utom fo ke edisana usen mi: ama onyuŋ okot sabbath, ete, inemesit, okot edisana usen Jehovah, ete, ŋkpɔ ukpono; ama onyuŋ okpono enye ke eritre ndinam ido fo, ndinyuŋ ntiene utom fo, nnyuŋ ndɔhɔ ikɔ: