JEREMIAH 17:18 - Edisana ñwed Abasi Ibom

¹⁸ Yak but anam mmɔ eke ekɔbɔde mi, edi kuyak but anam mi: yak idem akpa mmɔ, edi kuyat idem akpa mi: da idiɔk usen tiene mmɔ, nyuŋ sobo mmɔ nsobo iba.

JEREMIAH 17:18 Referans Kwoze

ŊWED MME PSALM 35:4

Nam mmɔ eke eyomde ukpɔŋ mi ekut but ye esuene: yak mmɔ eke eduakde idiɔk enɔ mi, efiak edem enyuŋ etimere.

JEREMIAH 20:11

Ndien Jehovah odu ye ami nte owo uko eke enyenede ndik: mmɔdo mmɔ eke ekɔbɔde mi eyeduɔŋɔ, idinyuŋ ikanke: but eyenam mmɔ eti-eti, koro mmɔ mikekwe unen: ke edi nsinsi o-but, owo idifreke enye.

JEREMIAH 11:20

Edi O Jehovah mme udim, emi ekpede edinen ikpe, odomo nsia ye esit, nyekut nte afo osiode usiene ye mmɔ: koro mmayarade ikɔ mi nnɔ fi.

ŊWED MME PSALM 40:14

But ye esuene eyenam mmɔ eke eyomde ukpɔŋ mi man esobo enye; mmɔ eke esit adatde mmɔ ke se idiɔkde ye ami, eyefiak edem, enyuŋ ekut but.

ŊWED MME PSALM 35:8

Yak nsobo eke enye mifiɔkke osim enye: yak iyire esie emi enye odipde omum enye: yak enye ɔduɔ ke esit osobo.

ERIYARARE 18:6

Nɔ enye usiene kpa nte enye ɔkɔnɔde, nyuŋ nɔ enye ubiom-ikpe esie utim ikaba, nte ekemde ye se enye akanamde. Ke cup emi enye akabuakde ŋkpɔ ke esit ebuak enɔ enye utim ikaba.

JEREMIAH 17:16

Ndien ami ŋkawarake ndiwɔŋɔre ke eritiene fi nte ekpemerɔŋ, ŋkonyuŋ nyomke usen ata ukut; afo ɔmɔfiɔk: se itode mi ke inua ana fi ke iso.

JEREMIAH 16:18

Ndien nyebem iso nsio usiene mme idiɔk ido mmɔ ye mme ukwaŋ-ŋkpɔ mmɔ utim ikaba; koro mmɔ esabarede isɔŋ mi; enyuŋ eda okpo ŋkpɔ ndek mmɔ, ye mbubiam ŋkpɔ mmɔ esin ke udeme mi eyɔhɔ.

ŊWED MME PSALM 71:1

MMƆBUƆT idem ye afo, O Jehovah; kuyak mi ŋkut but ke nsinsi.

ŊWED MME PSALM 70:2

But ye esuene eyenam mmɔ eke eyomde ukpɔŋ mi: mmɔ eke esit adatde mmɔ ke se idiɔkde ye ami, eyefiak edem enyuŋ ekut but.

ŊWED JOB 16:14

Enye obom mi, ɔdiɔŋ obom, onyuŋ etiene mi ibumere ibumere nte owo ekɔŋ.

JEREMIAH 14:17

Nyuŋ dɔhɔ ikɔ emi, ete, enyin mi eyeyak mmɔŋeyet ɔsuhɔre ke okoneyo ye uwemeyo, idinyuŋ idopke: koro emenuak adiaha ikɔt mi eyenɔwɔŋ eti-eti, unan ɔmɔdiɔk akan.

JEREMIAH 1:17

Afo, ndien, bɔbɔ mbɔbɔ ke isin fo, nyuŋ daha da, nyuŋ nam kpukpru se ami nditemede fi tiŋ nɔ mmɔ: kuyak esit ɔduɔ fi ubaŋa mmɔ, mbak ami ndinam esit ɔduɔ fi ke iso mmɔ.

JEREMIAH 12:3

Ndien afo ɔmɔfiɔk mi, O Jehovah: afo ke okut mi, onyuŋ odomo nte esit mi etiede ye afo: sioŋo mmɔ nte ufene nɔ, ete ekewot, nyuŋ dianare mmɔ nim ke usen afai.

JEREMIAH 17:13

Idori-enyin Israel edi Jehovah, but eyenam kpukpru mmɔ eke ekpɔŋde fi. Eyewet kpukpru mmɔ eke ekabarede ekpɔŋ mi esin ke ntan-isɔŋ koro mmɔ ekpɔŋde Jehovah, idim mmɔŋ uwem.

JEREMIAH 17:19

Ntem ke Jehovah ɔkɔdɔhɔ mi, ete, Ka kada ke inua-otop, nditɔ-obio emi ndidem Judah edukde, ye emi mmɔ ewɔŋɔde ke esit, ye ke kpukpru mme inua-otop Jerusalem;

DEUTERONOMY 33:11

O Jehovah, diɔŋ odudu esie, nyuŋ ma utom ubɔk esie: tɔ mmɔ eke enamde ikɔ ye enye ke isin, nyuŋ tɔ mme asua esie, man ekutɔŋɔ ntak enam ikɔ.