JEREMIAH 17:1 - Edisana ñwed Abasi Ibom

¹ EMEDA ntaŋwed ukwak ye iso diamond ewet idiɔk ido Judah: ekap enye esin ke ɔwɔŋ esit mmɔ, ye ke nduk mme itie-uwa mbufo;

JEREMIAH 17:1 Referans Kwoze

MME ŊKE 3:3

Kuyak mfɔnido ye akpanikɔ ekpɔŋ fi: kɔŋɔ mmɔ ke itɔŋ fo; wet mmɔ ke ɔwɔŋ esit fo:

2 ŊWED CORINTH 3:3

Ana aŋwa-aŋwa ete mbufo edi ŋwed Christ emi nnyin ikamade isaŋa, ŋwed emi mikewetke ke mmɔŋ-ŋwet, edi ewetde ke Spirit Abasi uwem; emi miwetke ke ŋkpɔ-uwet-ŋwed eke edade itiat enam, edi ewet ke ŋkpɔ-uwet-ŋwed eke edide esit owo.

MME ŊKE 7:3

Tebe mmɔ dian ke nnuenubɔk fo, wet mmɔ sin ke ɔwɔŋ esit fo.

LEVITICUS 4:25

Ndien oku ada usuk iyip uwa idiɔk ido ke nnuenubɔk esie, eyet ke nduk itie-ufɔp uwa.

HOSEA 12:11

Ŋkɔm Gilead anam oburobut: mmɔ edi ata mbon nsu: mmɔ ewa enaŋ ke Gilgal; mme itie-uwa mmɔ enyuŋ ebiet ibombom ke iŋwaŋ eke efuŋde.

ISAIAH 49:16

Sese, mmakap fi nsin ke eka-ubɔk mi: ibibene fo esuk edu mi ke iso kpukpru ini.

JEREMIAH 2:22

Okposuk edi nte afo adade soda eyet idem, onyuŋ ada ediwak soap ke idem fo, idiɔk ido fo etie ndek-ndek ke iso mi; Ɔbɔŋ Jehovah ɔdɔhɔ.

JEREMIAH 4:14

Ɔdɔdiɔk ye nnyin koro emesobo nnyin. O Jerusalem, yet esit fo idiɔk-ŋkpɔ fep, man enyaŋa fi. Adaŋa didie ke mme idiɔk ekikere fo ediduŋ fi ke esit?

HOSEA 7:2

Ndien mmɔ ikereke ke esit mmɔ ite ke ami nteti kpukpru mme idiɔk ido mmɔ: ke emi ido mmɔ emekan mmɔ ekuk; mmɔ ena mi ke iso.

ZECHARIAH 7:12

Mmɔ enyuŋ enim esit mmɔ nte itiat adamant, man ekukop mbet ye ikɔ oro Jehovah akadade spirit esie ɔnɔ ke ubɔk mme akpa prophet: ndien akwa iyaresit oto Jehovah mme udim.

JEREMIAH 11:13

Koro mme abasi fo ekemde ke ibat mme obio fo, O Judah; mbufo emenyuŋ enim itie-uwa ekem ke ibat mme efak Jerusalem, enɔ oburobut ŋkpɔ oro, kpa itie-uwa eke efɔpde ŋkpɔ enɔ Baal.

JEREMIAH 31:33

koro emi edide ediomi eke ndidiomide ye ufɔk Israel, ke mme usen oro ema ebe, Jehovah ɔdɔhɔ: nyesin mmɔ mbet mi ke esit, nnyuŋ ŋwet mmɔ ke ɔwɔŋ esit; nyenyuŋ ndi Abasi mmɔ, ndien mmɔ eyedi ikɔt mi.

HOSEA 8:11

Koro Ephraim anamde ediwak itie-uwa unam-idiɔk, mmɔ eyekabare edi itie-uwa unam idiɔk esie.