JEREMIAH 16:7 - Edisana ñwed Abasi Ibom

⁷ Idinyuŋ ibuŋke uyo inɔ mmɔ ibaŋa ikpo, man edɔŋ mmɔ esit ebaŋa akpa-mkpa; idinyuŋ inɔŋɔ mmɔ cup ndɔŋesit ebaŋa ete mmɔ ye eka mmɔ.

JEREMIAH 16:7 Referans Kwoze

HOSEA 9:4

Mmɔ idiŋwaŋake wine inɔ Jehovah, mme uwa mmɔ idinyuŋ inemke enye esit: eyetie nte uyo mme atua-eyet ye mmɔ, kpukpru owo eke etade enye eyedehe: koro uyo mmɔ enyenede mmɔ ke idem mmɔ: enye ididukke ke ufɔk Jehovah.

EZEKIEL 24:17

Seme ke ndop-uyo, kunam ntuaŋa mme akpa-mkpa; yara ŋkpɔ fo ke ibuot fo, nyuŋ sine ikpa-ukot ke ukot fo, kunyuŋ ufuk mkpɔk-inua, kunyuŋ uta uyo owo.

DEUTERONOMY 26:14

ŋkadiaha ke esit ke ukut mi, ŋkoyuŋ nsioho ke esit nnɔ se idehede nnyuŋ nsioho ke esit nnɔ akpa-mkpa: mma ŋkop uyo Jehovah Abasi mi, nnyuŋ nnam kpukpru se afo okowukde mi.

ŊWED JOB 42:11

Ndien kpukpru nditɔ-ete esie iren, ye kpukpru nditɔ-ete esie iban, ye kpukpru mmɔ eke ekedide mme ɔdiɔŋɔ esie ke akpa, edi edise enye, enyuŋ edia ŋkpɔ ye enye ke ufɔk esie; ndien mmɔ etua enye mbɔm, enyuŋ edɔŋ enye esit, ebaŋa ofuri ukut oro Jehovah akadade etiene enye: kpukpru mmɔ kiet kiet enyuŋ enɔ enye ubak silver kiet, ye mkpanuen o-gold kiet.

ECCLESIASTES 4:1

NDIEN ami ŋwɔŋɔre nnyuŋ nse kpukpru ufik emi enamde ke idak utin: ndien se mmɔŋ-eyet mmɔ emi owo efikde: ndien baba owo kiet eke ɔdɔŋde mmɔ esit iduhe; mme andifik mmɔ enyuŋ ekan mmɔ ubɔk; ndien baba owo kiet eke ɔdɔŋde mmɔ esit iduhe.

JEREMIAH 22:10

Mbufo ekutuaŋa ebaŋa akpa-mkpa, ekunyuŋ eseme enye: etua eyet eti-eti ebaŋa owo eke edikade, koro enye midinyɔŋke aba, midinyuŋ ikwe aba obio emana esie.

ŊWED ESEME 1:9

Ndek esie odu enye ke ɔfɔŋ idem; enye ikereke akpatre esie; mmɔdo enye ɔsuhɔrede utibe-utibe: baba owo kiet idɔŋke enye esit. O Jehovah, se ukut mi: koro asua ama ataŋ idem.