JEREMIAH 16:12 - Edisana ñwed Abasi Ibom

¹² ndien mbufo ediɔk ndinam ekan mme ete mbufo: ndien, sese, mbufo kiet kiet etiene itun idiɔk esit mbufo, inyuŋ ikopke uyo mi:

JEREMIAH 16:12 Referans Kwoze

JEREMIAH 13:10

Mme idiɔk mbio-obio emi minyimeke ndikop ikɔ mi, emi esaŋade ke itun esit mmɔ, enyuŋ ebinede abasi efen, enyuŋ enam ŋkpɔ mmɔ, enyuŋ etuak ibuot enɔ mmɔ, kpa mmɔ eyebiet ubɔp-isin emi mifɔnke ke baba nkpɔ kiet.

JEREMIAH 7:26

ndien mmɔ ikopke uyo mi, inyuŋ ikpaŋke utɔŋ mmɔ, edi esɔŋ obot-itɔŋ mmɔ: ediɔk ekan mme ete mmɔ.

JEREMIAH 9:14

edi mmɔ etiene itun esit mmɔ, ye Baalim eke mme ete mmɔ ekekpepde mmɔ;

ECCLESIASTES 9:3

Emi ɔdiɔk ke kpukpru se mmɔ enamde ke idak utin, emi ŋkpɔ kiet ɔnɔmɔde kpukpru: ndien ŋko idiɔk ɔyɔhɔ nditɔ owo ke esit, idat onyuŋ odu mmɔ ke esit, ke uwem mmɔ; ndien ke ini oro ebede, mmɔ eka mkpa.

MARK 7:21

Koro mme idiɔk ekikere eto ke esit owo ewɔŋɔ, ye use, inɔ,

JEREMIAH 7:24

Ndien mmɔ ikopke, inyuŋ ikpaŋke utɔŋ mmɔ, edi esaŋa ke uduak ye ke itun idiɔk esit mmɔ, enyuŋ efiak edem, ikaha iso.

1 SAMUEL 15:23

Koro emiom ebietde idiɔŋ, itun onyuŋ ebiet idiɔk ido ye mkpono-idem. Koro afo emesin uyo Jehovah, enye ŋko esin fi idaha edidem.

JUDGES 2:19

Ndien edikem ke adaŋemi ebierikpe oro akpade, mmɔ etɔŋɔ ntak enam idiɔk ekan mme ete mmɔ, etiene abasi efen enam ŋkpɔ mmɔ, enyuŋ etuak ibuot enɔ mmɔ; mmɔ itreke ido mmɔ ye itun usuŋ mmɔ.

MME HEBREW 3:12

Nditɔ-ete, ekpeme mbak ndusuk idiɔk esit unana mbuɔtidem edidu owo mbufo kiet ke idem, ke eriwɔŋɔre ŋkpɔŋ Abasi uwem:

2 ŊWED TIMOTHY 3:13

Edi ndiɔi owo ye mbon abiaŋa eyedɔdiɔŋ ediɔk eka iso, ebiaŋa owo, owo eyenyuŋ ebiaŋa mmɔ.

JEREMIAH 17:9

Esit abiaŋa kpukpru ŋkpɔ, onyuŋ abiara fap; anie edikeme ndifiɔk enye?

ECCLESIASTES 8:12

Yak edi nte idiɔk owo anamde idiɔk ido utim ikikie, onyuŋ ebigi anyan uwem, edi ami mmotim mfiɔk nte ke edifɔn ye mmɔ eke ebakde Abasi, eke ebakde enye ke iso:

DEUTERONOMY 29:19

ndien ama ekem ke ini enye okopde uyo uŋwɔŋɔ emi, enye ɔkɔm idem esie ke esit esiemɔ, ete, Ke eyefɔn imɔ, okposuk edi eke imɔ isaŋade ke itun esit imɔ, inyuŋ idiande uyuhɔ mmin ye nsat-itɔŋ:

DEUTERONOMY 9:27

Ti ikɔt fo, Abraham, ye Isaac, ye Jacob; kuse nsɔŋ-ibuot mbon emi, ye mme idiɔk ido mmɔ, ye mme ukwaŋkpɔ mmɔ:

GENESIS 8:21

Ndien Jehovah okop edinem utebe oro, Jehovah onyun ɔdɔhɔ ke esit esiemɔ, ete, Ami nditɔŋɔke aba ntak nsuŋi isɔŋ mbaŋa owo; koro ekikere esit owo ɔdiɔkde toto ke uyen esie: ndinyuŋ ntɔŋɔke aba ntak nsobo kpukpru se idude uwem, nte ŋkanamde.

GENESIS 6:5

Ekem Jehovah okut idiɔk-ŋkpɔ owo nte okponde ke isɔŋ, kpukpru ŋkpɔ ke ekikere esit esie enyuŋ esuk edi idiɔk kpukpru ini.

JEREMIAH 18:12

Ndien mmɔ edɔhɔ ete, Kukpa ndidɔhɔ: koro nnyin imɔŋ ibine uduak nnyin: kpukpru nnyin iyenyuŋ inam itun esit nnyin.

ŊWED ESEME 5:7

Mme ete nnyin ekenam idiɔk, ndien iduhe; ndien nnyin ibiom idiɔk ido mmɔ.

EZEKIEL 20:30

Dɔhɔ ndien ufɔk Israel, ete, Ntem ke Ɔbɔŋ Jehovah ɔdɔhɔ ete, Nte mbufo esabare idem mbufo ke usuŋ mme ete mbufo? mbufo enyuŋ ebine ŋkpɔ ndek enam use.

AMOS 2:4

Ntem ke Jehovah ɔdɔhɔ ete, Idiɔk ido Judah ita ye inaŋ iyakke mi ŋkabare enye (ufen) mfep: koro mmɔ esinde mbet Jehovah ke ndek, ndien minimke mme ewuhɔ esie; nsu mmɔ eke mme ete mmɔ eketienede esin mmɔ ediyo.

MALACHI 3:7

Toto ke eyo mme ete mbufo, mbufo emekabare ekpɔŋ mme ewuhɔ mi, inyuŋ inimke: mbufo ekabare etiene mi, ndien ami nyekabare ntiene mbufo, Jehovah mme udim ɔdɔhɔ. Ndien mbufo ebup ete, Nnyin idida nso ifiak?

JEREMIAH 22:28

Nte owo emi Coniah edi obukpo ibɔk eke asiahade? Nte enye edi ŋkpɔ ufɔk eke baba inem miduhe enye ke esit? Nsinam esiode enye ye nditɔ esie eduɔk? Nsinyuŋ inam edade mmɔ eduɔk ke idut eke mmɔ mifiɔkke?