JEREMIAH 15:3 - Edisana ñwed Abasi Ibom

³ Jehovah ɔdɔhɔ, ete, Nyeda oruk ŋkpɔ inaŋ nnɔ mmɔ ufen: ofut eke owotde, ye ebua eke edudide, ye mme inuen enyɔŋ, ye mme unam ikɔt eke etade enyuŋ ebiatde.

JEREMIAH 15:3 Referans Kwoze

DEUTERONOMY 28:26

Ndien okpo fo eyedi udia kpukpru inuen enyɔŋ, ye eke mme unam ikɔt, ndien owo eke edibinde mmɔ efep ididuhe.

LEVITICUS 26:22

Nnyuŋ ndɔŋ mme unam ikɔt ke otu mbufo, eke edibɔde mbufo nditɔ, enyuŋ esobo ufene mbufo, enyuŋ enam mbufo ekpri; ndien ɔkpɔ-usuŋ mbufo eyedobo.

LEVITICUS 26:16

ami ŋko nyenam ŋkpɔ emi ye mbufo: nnyuŋ nda nnyek-idem, ye ndiɔkidem, ye ata ufiopidem ndori mbufo, ndien mmɔ eyetibi owo enyin, enyuŋ esin uduk ke esit: ndien mbufo eyetɔ mkpasip mbufo ke ikpikpu; ndien mme asua mbufo eyedia enye.

ERIYARARE 6:8

Ndien ŋkut, ndien sese, ntɔŋ-ntɔŋ enaŋ-mbakara, ye andidoro enye ke edem, emi enyiŋ esie ekerede Mkpa; obio ekpo onyuŋ etiene enye ke edem. Ndien enɔ mmɔ odudu ke ubak isɔŋ kiet ke itie inaŋ, ete, eda ofut, ye akaŋ, ye idiɔk udɔŋɔ, ye mme unam ikɔt, ewot mmɔ.

EZEKIEL 14:21

Koro ntem ke Ɔbɔŋ Jehovah ɔdɔhɔ, ete, Edidi ntem ke akpan-ikɔ, adaŋemi ndidade idiɔk ufen mi mbinaŋ, ofut, ye biɔŋ, ye idiɔk unam, ye idiɔk udɔŋɔ, ndɔŋ mmɔ utom ke Jerusalem, man nsibe owo ye unam ke esit mfep.

LEVITICUS 26:25

Nyenyuŋ nda ofut eke edisiode usiene ediomi mi, ntiene mbufo: ndien adaŋemi mbufo ebonode ke obio mbufo, nyedɔŋ idiɔk udɔŋɔ utom ke otu mbufo; ndien mbufo eyesine mme asua mbufo ke ubɔk.

JEREMIAH 7:33

Ndien ama ekem, mme okpo mbio emi eyekabare edi udia mme inuen enyɔŋ ye eke unam-isɔŋ; baba owo kiet eke ebinde mmɔ efep idinyuŋ iduhe.

ISAIAH 18:6

Eyekpɔŋ mmɔ ɔtɔ kiet enɔ mme inuen obot, ye mme unam ikɔt: ndien mme inuen eyesɔrɔ ke esit ke nda-eyo, kpukpru mme unam ikɔt eyenyuŋ ena ke esit ke ukwɔ.

ŊWED MME PSALM 68:23

man afo anuak mmɔ esin ukot fo ke iyip, man edeme ebua fo ada udeme esie ke mme asua.

JEREMIAH 12:9

Nte udeme mi etie ye ami nte ekpaŋ-ekpaŋ inuen? Nte mme inuen ekan enye ekuk? Mbufo eka ekebon kpukpru mme unam ikɔt, eda mmɔ edi ke itie udia

JEREMIAH 14:16

Ndien ama edi mbio emi mmɔ etiŋde prophecy enɔ mmɔ, ofut ye akaŋ eyesin mmɔ eduɔŋɔ ke mme efak Jerusalem: ndien idikwe owo eke edibukde mmɔ, kpa mmɔ, ye iban mmɔ, ye nditɔ-iren mmɔ, ye nditɔ-iban mmɔ: ndien nyeda idiɔk ido mmɔ ŋwaŋa mmɔ ke idem.

JEREMIAH 16:4

mmɔ eyekpaŋa udɔŋɔ mkpa; idituaha mmɔ, idinyuŋ ibukke mmɔ; mmɔ eyekabare edi ifum ke iso isɔŋ: eyetak ke ofut, ye ke biɔŋ; mme okpo mmɔ eyenyuŋ edi udia inuen enyɔŋ, ye eke mme unam ikɔt.

ŊWED ESEME 3:11

Enye akabare usuŋ mi onyuŋ awai mi mbak-mbak; anam mi ntie ke ndobo.

EZEKIEL 33:27

Dɔhɔ mmɔ ntem, ete, Ntem ke Ɔbɔŋ Jehovah ɔdɔhɔ ete, Ma uwem mi, mme mmɔ emi edude ke ndon eyeduɔŋɔ ke ofut, ndien nyeda mmɔ eke edude ke iso isɔŋ nnɔ mme unam ikɔt eta, ndien mmɔ eke edude ke mkpɔsɔŋ ebiet ye ke aba itiat eyekpaŋa ke idiɔk udɔŋɔ.

AMOS 5:19

Kpa nte owo efehede ɔbɔhɔ lion, ndien bear osim enye: ye nte owo odukde ke ufɔk akadian ubɔk ke ibibene, ndien urukikɔt odom enye.

DEUTERONOMY 32:24

Biɔŋ esin idem ɔduɔhɔ mmɔ, idiɔk udɔŋɔ ye edidoro nsobo enyuŋ esomo mmɔ: ndien nyedɔŋ ndet mme idiɔk unam, ye ifɔt mme andinyɔni ke ntan, nte ekenam mmɔ.

JEREMIAH 14:12

Ke ini mmɔ etrede udia, ami ndikopke eseme mmɔ; ndien ke ini mmɔ ewade edifɔp uwa ye inuak-udia, ami ndibɔhɔ mmɔ: koro nyesobo mmɔ ke ofut, ye ke akaŋ, ye ke idiɔk udɔŋɔ.