JEREMIAH 15:15 - Edisana ñwed Abasi Ibom

¹⁵ O Jehovah, afo ɔmɔfiɔk: ti mi nyuŋ di dise mi, nyuŋ sio usiene ye mmɔ eke ekɔbɔde mi nɔ mi; kuda mi ufep ke anyan ime fo: fiɔk nte mbiomde esuene mbaŋa fi.

JEREMIAH 15:15 Referans Kwoze

JEREMIAH 12:3

Ndien afo ɔmɔfiɔk mi, O Jehovah: afo ke okut mi, onyuŋ odomo nte esit mi etiede ye afo: sioŋo mmɔ nte ufene nɔ, ete ekewot, nyuŋ dianare mmɔ nim ke usen afai.

LUKE 21:17

Ndien kpukpru owo eyesua mbufo kabaŋa enyiŋ Mi.

JEREMIAH 20:12

Ndien, O Jehovah mme udim, emi odomode edinen owo, onyuŋ okutde ekput ye esit, yak ŋkut usiene eke afo edisiode ye mmɔ: koro mmayarare ikɔ mi nnɔ fi.

JEREMIAH 17:16

Ndien ami ŋkawarake ndiwɔŋɔre ke eritiene fi nte ekpemerɔŋ, ŋkonyuŋ nyomke usen ata ukut; afo ɔmɔfiɔk: se itode mi ke inua ana fi ke iso.

NEHEMIAH 13:22

Ndien ndɔhɔ mme Levite, nte enam idem mmɔ esana, ndien edi edikpere inua-otop, man etim enim usen sabbath. Ti mi, O Abasi mi, baŋa ŋkpɔ emi ŋko, nyuŋ tua mi mbɔm ke akwa ima fo.

MATTHEW 10:22

Ndien kpukpru owo eyesua mbufo ke abaŋa enyiŋ Mi: edi eyeŋyaŋa owo eke edimede ime tutu osim akpatre.

JEREMIAH 20:8

Koro toto ke ini oro ŋkɔdɔhɔde, mfiori, nseme afai ye mbume; koro uyo Jehovah akabarede edi se edade esuene mi, enyuŋ esin mi ke ndek kpukpru usen.

ŊWED MME PSALM 119:84

Mme usen owo fo etie didie? Ke ini ewe ke afo edikpe ikpe ye mmɔ eke ekɔbɔde mi?

ŊWED MME PSALM 106:4

O Jehovah, da mfɔnido ikɔt fo ti mi; da erinyaŋa fo tiene mi:

NEHEMIAH 5:19

O Abasi mi, ke mfɔn ti mi ke kpukpru se ŋkanamde ye mbio emi.

ERIYARARE 18:20

Edara ebaŋa enye O heaven, ye mbufo nti ikɔt Abasi ye mme apostle ye mme prophet, koro Abasi ama ekpe ikpe ibuot mbufo ye enye.

ERIYARARE 6:10

Ndien mmɔ efiori ke ɔkpɔsɔŋ uyo ete, O Ɔbɔŋ, emi edide Edisana onyuŋ anamde akpanikɔ, adaŋa didie ke editre ndikpe ikpe nnyuŋ nsio usiene iyip nnyin ke idem mme andiduŋ ke isɔŋ?

2 ŊWED TIMOTHY 4:14

Alexander odom-utim akanam mi ibak eti-eti; Ɔbɔŋ eyesio enye usiene nte ekemde ye se enye akanamde.

2 ŊWED CORINTH 5:11

Sia nnyin ifiɔkde ndik Ɔbɔŋ ndien, imekpe ye owo, edi imayarare iwut Abasi idem; mmonyuŋ ndori enyin nte nnyin iyarare ke esit mbufo nde.

ŊWED MBON ROME 12:19

Ekusio usiene enɔ idem mbufo, ndima mme ufan mi, edi ebɔk idem ke usuŋ enɔ iyaresit Abasi: koro ewet ete, Jehovah ete, Usiene enyene Mi, Ami nyesio usiene.

MATTHEW 19:29

Ndien kpukpru owo emi ekɔkpɔŋde ufɔk, mme nditɔ-eka iren, mme nditɔ-eka iban, mme ete, mme eka, mme nditɔ, mme isɔŋ, kabaŋa enyiŋ Mi, eyebɔ utip utim ikikie, eyenyuŋ enyene nsinsi uwem.

JEREMIAH 15:10

Ɔdiɔk ye ami, O eka mi, koro afo akamande mi owo utɔk, ye owo eŋwan ɔnɔ ofuri isɔŋ! Ami nnɔŋɔ owo ŋkpɔ ke ebuɔt, owo inyuŋ inɔŋɔ mi ke ebuɔt; kpukpru owo etɔk mi.

ISAIAH 38:3

Ndien enye ɔdɔhɔ ete, Mbɔk, mbɔk, Jehovah, mbɔk, ti nte nsaŋade ke iso fo ke akpanikɔ ye ke ofuri esit, nyuŋ nam se ifɔnde fi ke enyin; ndien Hezekiah atua eyet eti-eti.

ŊWED MME PSALM 102:24

Nyedɔhɔ nte, O Abasi mi, kumen mi uduɔk ke ufɔt uwem mi: mme isua fo ebigi ke ofuri emana.

ŊWED MME PSALM 39:13

Fep mi enyin fo, man iso aŋwaŋa mi, ke mmendahake kaŋa, mmenyuŋ nduhe aba.

ŊWED MME PSALM 17:3

Afo omodomo esit mi; emese mi ke okoneyo; omodomo mi; ukwe ŋkpɔ; inua mi ibehe ekikere mi.

ŊWED JOB 10:7

Okposuk edi nte afo ɔfiɔkde ete ke nnyeneke se nduede, baba owo kiet eke osiode ke ubɔk fo inyuŋ iduhe.

NEHEMIAH 13:31

ye ke eke enɔ ifia ke ini eke ekedoride, ye ke akpa mfri. O Abasi mi, ti mi ke mfɔn.

NEHEMIAH 6:14

O Abasi, ti Tobiah ye Sanballat, kpa nte ŋkpɔ emi mmɔ enamde esaŋade, nyuŋ ti Noadiah prophet aŋwan, ye mme prophet efen emi esinde mi ndik.

ŊWED MBON ROME 8:35

Anie edidianare nnyin ke ima Christ? Nte ukut edidianare, mme ndutuhɔ, mme isin-enyin, mme akaŋ, mme ubuene ye unana, mme ŋkpɔ-ndik, mme ofut?

JUDGES 16:28

Ndien Samson okot Jehovah, ete, Ɔbɔŋ Jehovah, ti mi, mbɔk, nyuŋ sɔŋ mi idem, ini kiet emi, mbɔk Abasi, man nsio usiene ye mme Philistine mbaŋa enyin mi mbiba, ini kiet.

ŊWED MME PSALM 44:22

Koro ekewotde nnyin ke ofuri usen ebaŋa fi; ekebat nnyin ke erɔŋ mkpa.

JEREMIAH 15:20

Ndien nyenim fi ke ɔkpɔsɔŋ ibibene okpoho nnɔ mbio-obio emi; ndien mmɔ eyeŋwana ekɔŋ ye afo, edi idikemeke ubɔk ye afo: koro ami ndude ye afo, nnyuŋ nnyaŋa fi, nnyuŋ nsio fi.

JEREMIAH 20:11

Ndien Jehovah odu ye ami nte owo uko eke enyenede ndik: mmɔdo mmɔ eke ekɔbɔde mi eyeduɔŋɔ, idinyuŋ ikanke: but eyenam mmɔ eti-eti, koro mmɔ mikekwe unen: ke edi nsinsi o-but, owo idifreke enye.

JEREMIAH 18:23

Ndien afo, Jehovah, ɔmɔfiɔk ofuri uduak emi mmɔ eduakde ebaŋa mi, ete iwot mi; kusio isop ubaŋa idiɔk ido mmɔ, kunyuŋ usɔhi oburobut ido mmɔ ke iso fo ufep, edi yak mmɔ etuak eduɔŋɔ ke iso fo; nam ye mmɔ ke ini iyaresit fo.

ŊWED ESEME 3:64

O Jehovah, nɔ mmɔ utip ekem ye utom ubɔk mmɔ.

ŊWED ESEME 3:66

Bine mmɔ ke iyaresit, nyuŋ sobo mmɔ fep ke idak ikpa enyɔŋ Jehovah.