JEREMIAH 15:11 - Edisana ñwed Abasi Ibom

¹¹ Jehovah ɔdɔhɔ, ete, Nditreke nditat fi nnɔ mfɔn; nditreke ndinam mme asua ekpe fi ubɔk ke ini idiɔk ye ke ini ukut.

JEREMIAH 15:11 Referans Kwoze

MME ŊKE 16:7

Ke adaŋemi usuŋ owo enemde Jehovah esit, enye anam idem mme asua esie etie emem-emem ye enye.

ŊWED MME PSALM 106:46

Ndien enye esin kpukpru mmɔ oro etaŋde mmɔ efep etua mmɔ mbɔm.

JEREMIAH 37:3

Ndien edidem Zedekiah ɔdɔŋ Jehucal eyen Shelemiah, ye Zephaniah eyen Maaseiah oku, utom ke ɔtɔ Jeremiah prophet, ete, Mbɔk, kpe Jehovah Abasi nnyin ubɔk nɔ nnyin.

ECCLESIASTES 8:12

Yak edi nte idiɔk owo anamde idiɔk ido utim ikikie, onyuŋ ebigi anyan uwem, edi ami mmotim mfiɔk nte ke edifɔn ye mmɔ eke ebakde Abasi, eke ebakde enye ke iso:

JEREMIAH 42:2

edidɔhɔ Jeremiah prophet, ete, Mbɔk, yak mkpe-ubɔk nnyin ɔsuhɔre ana fi ke iso, nyuŋ kpe Jehovah Abasi fo ubɔk baŋa nnyin, baŋa kpukpru mmɔ eke esuhɔde mi: koro nnyin emi ikewakde isuhɔde esisit, kpa nte enyin fo okutde nnyin:

JEREMIAH 21:2

Mbɔk, bup Jehovah baŋa nnyin: koro Nebuchadrezzar edidem Babylon ke aŋwana ekɔŋ ye nnyin; mme Jehovah eyenam ye nnyin nte asaŋade ye kpukpru mme utibe ŋkpɔ esie, man enye ɔkpɔŋ nnyin ɔdɔk.

MME ŊKE 21:1

ESIT ɔbɔŋ edi idim mmɔŋ ke ubɔk Jehovah: enye akabare enye nte amade.

ŊWED MME PSALM 138:3

Ke usen emi nsemede nnɔ fi, afo ama eyere mi, anam mi ndaha uko ɔkpɔsɔŋ ke ukpɔŋ mi.

ISAIAH 41:10

Kudige, koro ami ndude ye afo: kunyek idem, koro ami ndide Abasi fo: nyesɔŋɔ fi idem; nditreke ndinyaŋa fi; nditreke ndimum fi ŋkama ke edinen ubɔk nnasia mi.

JEREMIAH 37:17

ndien edidem Zedekiah ɔdɔŋ ekeda enye edi: edidem onyuŋ obime enye ke ufɔk esie ndibe-ndibe, onyuŋ ɔdɔhɔ ete, Nte ikɔ eke otode Jehovah mmɔdo? Ndien Jeremiah ete, Mmɔdo: onyuŋ ɔdɔhɔ ete, Eyeda fi esin edidem Babylon ke ubɔk.

JEREMIAH 38:14

Ndien Zedekiah edidem ɔdɔŋ ekeda Jeremiah prophet esɔk enye ke ɔyɔhɔ enyin-usuŋ ita emi odude ke ufɔk Jehovah; ndien edidem ɔdɔhɔ Jeremiah, ete, Ami mmɔŋ mbup fi ŋkpɔ kiet; kudip mi baba ikɔ kiet.