JEREMIAH 14:21 - Edisana ñwed Abasi Ibom

²¹ Kusin nnyin ke ndek, ubaŋa enyiŋ fo, kusuene ebekpo ubɔŋ fo: ti, kubiat ediomi fo ye nnyin.

JEREMIAH 14:21 Referans Kwoze

JEREMIAH 14:7

Okposuk edi nte mme idiɔk ido nnyin ebɔrɔde ebaŋa nnyin, O Jehovah, nam baŋa enyiŋ fo: koro mfiakedem nnyin awakde; nnyin imanam idiɔk ye afo.

ŊWED MME PSALM 106:45

onyuŋ eti ediomi esie ɔnɔ mmɔ, onyuŋ atua mmɔ mbɔm ke uwak ima esie.

JEREMIAH 3:17

Ke ini oro mmɔ eyesio Jerusalem enyiŋ, ete, Ebekpo Jehovah; kpukpru mme idut eyenyuŋ ebono ke esit, ebaŋa enyiŋ Jehovah, ke Jerusalem: ndien mmɔ idisaŋake aba itiene idiɔk isɔŋesit mmɔ.

JEREMIAH 17:12

Ebekpo ubɔŋ ke enyɔŋ toto ke ertitɔŋɔ edi ebiet edisana ufɔk nnyin.

ERIYARARE 11:2

Edi sio okure emi odude ke edem temple fep, kunyuŋ udomo enye oro, koro ema eyak enye enɔ mme idut; mmɔ eyenyuŋ edigi edisana obio ke ikpat ke ɔfiɔŋ aba ye iba.

ŊWED MBON EPHESUS 2:7

kpaŋ ke mme eyo eke edidide Enye akpada mfɔnido eke Enye ɔfɔnde ido ye nnyin ke Christ Jesus, owut mfɔn Esie emi awakde akan.

LUKE 21:24

Ndien mmɔ eyeduɔŋɔ ke iso ofut, eyenyuŋ etaŋ mmɔ nte mbuot-ekɔŋ eka ke kpukpru mme idut; ndien mme Gentile eyedigi Jerusalem ke ikpat, tutu ini mme Gentile ɔyɔhɔ.

LUKE 1:72

Nditua mme ete nnyin mbɔm, Ndinyuŋ nti edisana ediomi Esie,

AMOS 6:8

Ɔbɔŋ Jehovah otomo idem esie, ete, Ntem ke Jehovah Abasi mme udim ɔdɔhɔ, ete, Ami nse iseri Jacob ke mbubiam, nnyuŋ nsua ikpɔ ufɔk esie: ndien nyeda obio ye se iyɔhɔde ke esit nyak nnɔ.

DANIEL 9:7

O Ɔbɔŋ, edinen ido enyene fi, edi but iso enyene nnyin kpa nte mfin emi, enyene mbio Judah, ye mme andiduŋ Jerusalem, ye ofuri Israel mkpet-mkpet ye nsan-nsan, ke kpukpru mme idut eke afo ekebinde mmɔ eka do, ebaŋa mme idiɔk ido emi ekenamde ye afo.

EZEKIEL 43:7

Ndien enye ɔdɔhɔ mi, ete, Eyen owo, emi edi ebiet ebekpo mi, ye ebiet ikpat-ukot mi, emi ndiduŋde ke esit ke otu nditɔ Israel ke nsinsi. Ndien ufɔk Israel ye ndidem mmɔ idisabakede aba edisana enyiŋ mi, ke use mmɔ, ye ke mme okpo ndidem mmɔ ke ŋkokoŋo ebiet mmɔ.

EZEKIEL 39:25

Mmɔdo ntem ke Ɔbɔŋ Jehovah ɔdɔhɔ ete, Ke emi ke ndida nditɔ Jacob emi eketaŋde efep, mfiak ndi, nnyuŋ ntua ofuri ufɔk Israel mbɔm, nnyuŋ mfibe ufup mbaŋa edisana enyiŋ mi;

EZEKIEL 24:21

Ntem ke Ɔbɔŋ Jehovah ɔdɔhɔ ete, Sese, ami, mmɔŋ mbiat edisana ebiet mi, ubɔŋ odudu mbufo, ŋkpɔ emi enyin mbufo emade, ye se ukpɔŋ mbufo enyenede mbɔm ke esit: ndien nditɔ-iren mbufo ye nditɔ mbufo iban emi mbufo ekpɔŋde eye-duɔŋɔ ke ofut.

ŊWED ESEME 2:20

O Jehovah, se nyuŋ tiŋ enyin ke idem owo emi afo anamde ntem ye enye. Nte iban ekpeta mfri mmɔ, nsek nditɔ emi mmɔ ekamade ke ubɔk? Nte ekpewot oku ye prophet ke edisana ebiet Ɔbɔŋ?

ŊWED ESEME 1:10

Asua ama anyan ubɔk esie otuk kpukpru ŋkpɔ uto esie: ŋkɔm enye ama okut nte mme idut edukde ke edisana ebiet esie, kpa mme idut emi afo okowukde, ete edukde ke edisana ebiet esie, kpa mme idut emi afo okowukde, ete ekuduk ke esop fo.

JEREMIAH 14:19

Nte afo ɔmɔduɔk Judah fap? Nte Zion etek fi esit? Nsinam afo amiade nnyin, ndien nnyin inyeneke owo eke ɔkɔkde nnyin?

ŊWED MME PSALM 106:40

Ndien iyaresit Jehovah obumere ye ikɔt esie, enye onyuŋ asua udeme esie eti-eti.

ŊWED MME PSALM 51:11

Kumen mi ke iso fo uduɔk; kunyuŋ ubɔ mi edisana spirit fo.

DEUTERONOMY 32:19

Ndien Jehovah okut, onyuŋ asua, abaŋa eriyat emi nditɔ-iren esie ye nditɔ-iban esie eyatde enye esit.

LEVITICUS 26:11

Ndien ami nyenyuŋ nnim ebiet-iduŋ mi ke otu mbufo: esit mi idinyuŋ isuaha mbufo.

EXODUS 32:13

Ti Abraham, ye Isaac, ye Israel, ikɔt fo emi afo ɔkɔŋwɔŋɔde ma idem fo ɔnɔ mmɔ, okonyuŋ ɔdɔhɔde mmɔ ete, Nyenam ubon mbufo ewak nte ntantafiɔŋ enyɔŋ; nyenyuŋ nda ofuri isɔŋ emi ŋkɔdɔhɔde mbaŋa, nnɔ ubon mbufo, ndien mmɔ eyeda enye enyene ke nsinsi.

1 SAMUEL 12:22

Koro Jehovah midikpɔŋke ikɔt esie ke abaŋa akamba enyiŋ esiemɔ: koro Jehovah amama ndinim mbufo ke ikɔt esiemɔ.

ŊWED MME PSALM 25:11

Dahado ntem ke ndudue mi koro okponde, baŋa enyiŋ fo, O Jehovah.

ŊWED MME PSALM 145:11

Mmɔ ebuk ubom ubɔŋ fo, enyuŋ etiŋ ebaŋa odudu fo.

ISAIAH 62:6

Mmonim mbon-ukpeme ke enyɔŋ ibibene fo, O Jerusalem, mmɔ ididopke uyo baba ke ofuri uwemeyo, ye ke ofuri okoneyo, mbufo emi etide Jehovah ŋkpɔ, ekutie suŋ,

EZEKIEL 20:22

Ndien ŋkabare ubɔk mi nnyuŋ nnam ntre mbaŋa enyiŋ mi, man ekusabare enye ke enyin mme idut, emi ŋkosioŋode ke enyin mmɔ mfep.