JEREMIAH 14:10 - Edisana ñwed Abasi Ibom

¹⁰ Ntem ke Jehovah ɔdɔhɔ ye mbio emi, ete, Ntre ke mmɔ ema ndiyɔrɔ imumke ukot mmɔ ikama, ndien mmɔ inemke Jehovah esit; kemi ke enye editi mme idiɔk ido mmɔ, onyuŋ ɔnɔ mmɔ ufen abaŋa oburubut ido mmɔ.

JEREMIAH 14:10 Referans Kwoze

HOSEA 9:9

Mmɔ emebiara ekaha kpa nte ke ini Gibeah: Enye eyeti idiɔk ido mmɔ, eyenɔ mmɔ ufen mme ukwaŋ-ŋkpɔ mmɔ.

HOSEA 8:13

Mmɔ ewa unam ke uwa emi enɔde mi, enyuŋ eta enye; mmɔ inemke Jehovah esit; ke emi ke enye editi idiɔk ido mmɔ, edinyuŋ ɔnɔ mmɔ ufen mme ukwaŋ-ŋkpɔ mmɔ: mmɔ eyefiak ke Egypt.

ŊWED MME PSALM 119:101

Mmakpan ukot mi ke kpukpru mme idiɔk usuŋ, man ŋkpeme item fo.

AMOS 5:22

Edieke mbufo ediwade ndifɔp uwa ye inuak-udia mbufo enɔ mi, ndibɔhɔ mmɔ: ndinyuŋ nsehe uwa emem eke etode ke ndisehe unam mbufo.

JEREMIAH 6:20

Frankincense anam didie oto ke Sheba edi ke ɔtɔ mi, eti mbɔkɔk ke anyan idut ŋko? Ndifɔp uwa mbufo inemke nem, mme uwa emem mbufo inyuŋ idatke mi esit.

MME HEBREW 8:12

Koro nyefen mme ukwa ŋkpɔ mmɔ, Ndinyuŋ ntihi aba mme idiɔk-ŋkpɔ mmɔ.

JEREMIAH 31:34

Ndien kiet idikpepke aba mbɔhiduŋ esie, ye kiet eyen-ete esie, ite, Mbufo efiɔk Jehovah: koro kpukpru mmɔ, ŋkpri ye ikpɔ, eyefiɔk mi, Jehovah ɔdɔhɔ: koro nyefen mme idiɔk ido mmɔ, ndinyuŋ ntihi aba mme oburobut ido mmɔ.

HOSEA 11:9

Ndinamke ke ifiopesit mi, nditɔŋɔke ntak mbiat Ephraim: koro ami ndide Abasi, ndige owo; ndi Edisana (Abasi) ke otu mbufo: ndien ndidukke ke obio.

HOSEA 11:7

Ndien ikɔt mi esuk ekɔbɔ ndifiak edem ŋkpɔŋ mi: ndien ekot mmɔ etiene Ata Edikoŋ, edi baba owo kiet itoroke enye.

JEREMIAH 8:5

Nsinam ndien mbio-obio Jerusalem emi efiakde nsinsi mfiak-edem? mmɔ emum abiaŋa ekama, inyimeke ndinyɔŋ ndi.

JEREMIAH 2:36

Nsinam afo oyoŋde ntem eti-eti, onyuŋ ɔkpuhɔrede usuŋ fo? Afo eyeda but abaŋa Egypt, kpa nte akadade abaŋa Assyria.

1 NDIDEM 17:18

Ndien eka ɔdɔhɔ Elijah, ete, Ami nsaŋa nso ye afo, O owo Abasi? Nte afo emedi ke ufɔk mi, nditi mi idiɔk ido mi, nnyuŋ ŋwot eyen mi?

1 SAMUEL 15:2

Ntem ke Jehovah mme udim ɔdɔhɔ, ete, Ŋkese se Amalek ekenamde ye Israel, nte mmɔ ekenade ke usuŋ ekpeme enye ke ini enye otode ke Egypt ɔdɔk.

JEREMIAH 3:13

Diɔŋɔ idiɔk ido fo ikpɔŋ-ikpɔŋ: koro afo emedue Jehovah Abasi fo, onyuŋ asuan usuŋ fo ɔnɔ isen owo ke idak kpukpru awawa eto, mbufo inyuŋ ikopke uyo mi, Jehovah ɔdɔhɔ.

EZEKIEL 29:16

Ndien mmɔ ididige aba iberedem ufɔk Israel, ke enam mmɔ eti idiɔk ido mmɔ, koro mmɔ ekabarede ebine mmɔ: ndien mmɔ eyefiɔk ete ke ami ndi Ɔbɔŋ Jehovah.

HOSEA 7:2

Ndien mmɔ ikereke ke esit mmɔ ite ke ami nteti kpukpru mme idiɔk ido mmɔ: ke emi ido mmɔ emekan mmɔ ekuk; mmɔ ena mi ke iso.

HOSEA 7:13

Ɔdɔdiɔk ɔnɔ mmɔ, koro mmɔ efeŋede ekpɔŋ mi: nsobo ɔsɔp mmɔ, koro mmɔ enamde idiɔk ye ami: edi ami ŋkonyuŋ mfak mmɔ, ndien mmɔ esu nsu ebaŋa mi.

AMOS 3:2

Ŋkɔfiɔk mbufo ikpɔŋ-ikpɔŋ ke otu kpukpru oruk ererimbot: mmɔdo nyenɔ mbufo ufen kpukpru mme idiɔk ido mbufo.

EXODUS 32:34

Ka, ndien, kada mbon oro, ka ebiet emi ŋkɔdɔhɔde fi: sese, angel mi ɔmɔŋ ebem fi iso: ndien ke usen emi ndinɔde ufen, nyenɔ mmɔ ufen idiɔk ido mmɔ.

ŊWED MME PSALM 95:10

Emana oro ada efek mi ke ofuri isua aba, ndien ndɔhɔ nte ke mmɔ edi mbon eke esit mmɔ eyode, ndien mmɔ ifiɔkke usuŋ mi.