JEREMIAH 13:23 - Edisana ñwed Abasi Ibom

²³ Nte eyen Ethiopia ekeme ndikpuhɔre ikpɔhidem esie? Nte ekpe ekeme ndipuhɔre ntɔi esie? Ndien mbufo ŋko emi emehede ndinam idiɔk eyekeme ndinam eti.

JEREMIAH 13:23 Referans Kwoze

JEREMIAH 2:22

Okposuk edi nte afo adade soda eyet idem, onyuŋ ada ediwak soap ke idem fo, idiɔk ido fo etie ndek-ndek ke iso mi; Ɔbɔŋ Jehovah ɔdɔhɔ.

JEREMIAH 9:5

Ndien kpukpru owo eyebiaŋa nsaŋa mmɔ, idinyuŋ idɔhɔke akpanikɔ: edeme mmɔ emehe ndisu nsu, enam idiɔk tutu idem emem mmɔ.

JEREMIAH 17:9

Esit abiaŋa kpukpru ŋkpɔ, onyuŋ abiara fap; anie edikeme ndifiɔk enye?

JEREMIAH 5:3

O Jehovah, nte enyin fo isehe akpanikɔ? Afo ɔkɔtɔ mmɔ, edi mmɔ ikopke ubiak; afo okosobo mmɔ, mmɔ inyimeke ndikop item: esɔŋɔ iso mmɔ ekan itiat; inyimeke ndifiak ndi.

JEREMIAH 2:30

Kpukpru mbufo emedue mi. Mmamia nditɔ mbufo ikpikpu; mmɔ ikopke item: ofut mbufo amadia mme prophet mbufo, nte lion eke osobode.

ISAIAH 1:5

Edinam didie esuk emia mbufo? Mbufo edediɔŋ ekabare ekpɔŋ mi: ofuri ibuot ke ɔdɔŋɔ, ofuri esit ke onyuŋ akpa.

MME ŊKE 27:22

Ada eyen-uruŋ otim ndisime owo ke uruŋ ke otu editim ibokpot, ebiɔ esie idikpɔŋke enye.

JEREMIAH 4:22

Koro ikɔt mi edide ndisime, mmɔ ifiɔkke mi; mmɔ edi nditeŋ nditɔ, inyuŋ inyeneke ibuot; etim efiɔk ndinam idiɔk, edi ifiɔkke ndinam eti.

1 SAMUEL 19:21

Ndien adaŋemi mmɔ etiŋde enɔ Saul, enye ɔdɔŋ mme isuŋutom eŋwen, ndien mmɔ ŋko enyuŋ enam prophecy. Ndien Saul ɔtɔŋɔ ntak ɔdɔŋ mme isuŋutom eŋwen ɔyɔhɔ ikata, ndien mmɔ enyuŋ etiŋ prophecy ŋko-ŋko.

2 NDIDEM 17:40

Ndien mmɔ ikopke, edi enam kpa ido mmɔ.

ECCLESIASTES 1:15

Owo ikemeke ndineŋere ŋkpɔ eke akwa-ŋade; inyuŋ ikemede ndibat ŋkpɔ eke enanade.