JEREMIAH 13:17 - Edisana ñwed Abasi Ibom

¹⁷ Edi mbufo minyimeke ndikop enye, ukpɔŋ mi eyetua eyet ke ndibe abaŋa ntaŋidem mbufo; eyenyuŋ eseme eti-eti, mmɔŋeyet eyenyuŋ oto mi ke enyin ɔsuhɔre: koro etaŋde otu ufene Jehovah efep.

JEREMIAH 13:17 Referans Kwoze

MALACHI 2:2

minyuŋ inimke ke esit, minyuŋ inɔŋɔ enyiŋ mi ukpono, Jehovah mme udim ɔdɔhɔ, nyedɔŋ isuŋi oro utom ke ɔtɔ mbufo, nnyuŋ nnam nti ŋkpɔ mbufo ekabare edi isuŋi: mma nnyuŋ nsuŋi mmɔ mma, koro mbufo mikereke ke esit.

JEREMIAH 14:17

Nyuŋ dɔhɔ ikɔ emi, ete, enyin mi eyeyak mmɔŋeyet ɔsuhɔre ke okoneyo ye uwemeyo, idinyuŋ idopke: koro emenuak adiaha ikɔt mi eyenɔwɔŋ eti-eti, unan ɔmɔdiɔk akan.

JEREMIAH 9:1

IBUOT mi akpakam edi mmɔŋ! enyin mi ekpekam enyuŋ edi idim mmɔŋeyet! ndien ŋkpatua ke uwemeyo ye ke okoneyo mbaŋa nditɔ adiaha ikɔt mi emi ekewotde.

ŊWED MME PSALM 80:1

O ANDIBƆK Israel, emi adade Joseph usuŋ nte otu ufene, kpaŋ utɔŋ; emi etiede ke otu mme cherubim, yama.

EZEKIEL 34:31

Ndien mbufo ufene mi, ufene emi mbɔkde, edi owo; ami nnyuŋ ndi Abasi mbufo. Uyo Ɔbɔŋ Jehovah edi emi.

ŊWED ESEME 2:18

Esit mmɔ eseme ɔnɔ Ɔbɔŋ, ete, O ibibene adiaha Zion, yak mmɔŋeyet ɔsuhɔde nte akpa ke uwemeyo ye ke okoneyo: kunɔ idem fo nduɔk-odudu; kuyak eyen enyin fo odop.

ŊWED ESEME 1:16

Ŋkpɔ emi esin mi ntua eyet; enyin mi, enyin mi ayak mmɔŋ ɔsuhɔre, koro andidɔŋ mi esit ye owo eke edemerede mi esit ɔkpɔŋde mi anyan usuŋ: nditɔ mi emesobo koro asua akande.

ŊWED MME PSALM 119:136

koro mmɔ minimke ido fo.

1 SAMUEL 15:35

Ndien Samuel itɔŋɔke aba ntak ikut Saul tutu osim usen mkpa esie: edi Samuel atua Saul: Jehovah onyuŋ atua mkpɔfiɔk koro enye okonimde Saul ke edidem Israel.

EZEKIEL 36:38

Nte otu edisana ufene, kpa nte otu ufene Jerusalem ke mme usɔrɔ esie; kpasuk ntre ke mme obio emi ekewurede editie, otu owo eyeyɔhɔ ke esit, Ndien mmɔ eyefiɔk ete ke ami ndi Jehovah.

ŊWED ESEME 1:2

Enye atua eyet eti-eti ke okoneyo, mmɔŋeyet esie onyuŋ eyere enye ke mfuk: baba owo kiet eke ɔdɔŋde enye esit iduhe ke otu kpukpru mmɔ eke emade enye: kpukpru mme ufan esie ebiaŋa enye emekabare edi mme asua esie.

JEREMIAH 23:1

JEHOVAH ɔdɔhɔ ete, Osuk ɔdɔdiɔk ɔnɔ mme ɔbɔk erɔŋ eke esobode enyuŋ esuande ufene emi ami mbɔkde.

JEREMIAH 22:5

Ndien mbufo minyimeke ndikop ikɔ emi, Jehovah ɔdɔhɔ, ete, Mmotomo idem mi, nte, Ufɔk mi iditreke ndikabare ndi ndon.

JEREMIAH 17:16

Ndien ami ŋkawarake ndiwɔŋɔre ke eritiene fi nte ekpemerɔŋ, ŋkonyuŋ nyomke usen ata ukut; afo ɔmɔfiɔk: se itode mi ke inua ana fi ke iso.

ISAIAH 63:11

Ndien enye eti eyo oko, Moses, ye ikɔt esie: “Enye emi akadade mmɔ ye ɔbɔk-ufene esie ke inyaŋ ɔdɔk, odu mmɔŋ? Enye emi ekesinde enye Edisana Spirit esie ke idem, odu mmɔŋ?

1 SAMUEL 15:11

Mmatua mkpɔfiɔk koro ŋkonimde Saul ke edidem: koro enye ama akabare ɔkpɔŋ mi, inyuŋ inamke uyo mi. Ndien Samuel ayat esit, onyuŋ eseme ɔnɔ Jehovah ke ofuri okoneyo.

JEREMIAH 15:17

Ŋketiehe ke odu mbon nsahi, nnyuŋ nnamke mbubru; ubɔk fo esin mi ntie ikpɔŋ: koro afo adade iyaresit ɔyɔhɔ mi ke idem.

JEREMIAH 23:2

Mmɔdo ntem ke Jehovah Abasi Israel ɔdɔhɔ abaŋa mme ɔbɔk erɔŋ emi ebɔkde ikɔt mi, ete: Mbufo emesuan ufene mi, enyuŋ ebin mmɔ efep, inyuŋ itiŋke mmɔ enyin ise: sese, ami nyenɔ mbufo ufen mbaŋa idiɔk ido mbufo: emi edi uyo Jehovah.

ŊWED ESEME 1:9

Ndek esie odu enye ke ɔfɔŋ idem; enye ikereke akpatre esie; mmɔdo enye ɔsuhɔrede utibe-utibe: baba owo kiet idɔŋke enye esit. O Jehovah, se ukut mi: koro asua ama ataŋ idem.

EZEKIEL 9:4

Ndien Jehovah ɔdɔhɔ enye, ete, Saŋa ke ufɔt obio, ke ufɔt Jerusalem be; nyuŋ nim idiɔŋɔ ke ɔkpɔ-iso mmɔ eke esemede enyuŋ etuade ebaŋa kpukpru mbubiam ido emi mmɔ enamde ke ufɔt esie.

EZEKIEL 24:16

Eyen owo, sese, ami mmɔŋ mbɔ fi se enyin fo amade, ndisi, ndisi: ndien kuseme, kunyuŋ utua eyet, kunyuŋ uyak mmɔŋ eyet fo ɔsuhɔre.

ŊWED ESEME 3:48

Akpa mmɔŋ eto mi ke enyin esuhɔre ebaŋa ŋwure adiaha ikɔt mi.