JEREMIAH 11:14 - Edisana ñwed Abasi Ibom

¹⁴ Afo kunam mkpeubɔk ndien, unɔ mbio emi, kunyuŋ umenere mfiori ye eseme ubaŋa mmɔ: koro mmendikopde ke ini eke mmɔ esemede ekot mi ebaŋa idiɔk itie ukut mmɔ.

JEREMIAH 11:14 Referans Kwoze

JEREMIAH 7:16

Afo kunam ndien mkpe-ubɔk unɔ mbio emi, kunyuŋ umenere eseme ye akam ubaŋa mmɔ, kunyuŋ ukpe mi ubɔk: koro ami mendikopke uyo fo.

JEREMIAH 11:11

Mmɔdo ntem ke Jehovah ɔdɔhɔ, ete, Sese, ami nyeda idiɔk ŋkpɔ kiet eke mmɔ mikemeke ndiwɔrɔ ke esit, ntiene mmɔ; ndien mmɔ eyeseme enɔ mi, edi ami ndikopke uyo mmɔ.

1 JOHN 5:16

Edieke owo okutde eyen-ete esie anamde idiɔk-ŋkpɔ eke midaha mkpa idi, enye eyenam mkpe-ubɔk, ndien Abasi eyeda uwem ɔnɔ enye, kpa ɔnɔ mmɔ eke minamke idiɔk-ŋkpɔ mkpa. Idiɔk-ŋkpɔ emi adade mkpa edi odu; ndɔhɔke nte owo anam mkpe-ubɔk abaŋa utɔ idiɔk-ŋkpɔ emi.

JEREMIAH 14:11

Ndien Jehovah ɔdɔhɔ mi, ete, Kunam mkpe ubɔk eti ŋkpɔ unɔ mbio emi.

EXODUS 32:10

kam yak mi, ndien, man iyaresit mi asak nte ikaŋ ye mmɔ, man nnyuŋ nsobo mmɔ; ndien nyenam fi akabare edi akamba idut.

ŊWED MME PSALM 66:18

Mma ŋkpokut idiɔk ido ke esit mi, Ɔbɔŋ ikpokopke:

HOSEA 5:6

Ndien mmɔ eyeda ŋkpri ufene mmɔ ye enaŋ mmɔ eka ekeyom Jehovah, edi idikwe; enye omonyuŋ ɔkpɔŋ mmɔ.

JEREMIAH 15:1

NDIEN Jehovah ɔdɔhɔ mi, ete, Moses ye Samuel ekpedu ke iso mi, ukpɔŋ mi ikpamaŋa mbio emi: sio mmɔ ke iso mi duɔk, yak mmɔ enyuŋ ewɔŋɔ.

ZECHARIAH 7:13

Ndien edikem, kpa nte enye okotde, ndien mmɔ mikopke; kpa ntre ke mmɔ ekekot, ndien ami ŋkopke, Jehovah mme udim ɔdɔhɔ:

MALACHI 2:13

Ndien mbufo ke enam ŋkpɔ emi ŋko, ke eda mmɔŋeyet, ye mmum, ye eseme efuk itie-uwa Jehovah, ndien enye isehe aba inuak-udia, inyuŋ imaŋa aba ndibɔ mbufo ke ubɔk. Ndien mbufo edɔhɔ ete, Nsinam?

JEREMIAH 14:12

Ke ini mmɔ etrede udia, ami ndikopke eseme mmɔ; ndien ke ini mmɔ ewade edifɔp uwa ye inuak-udia, ami ndibɔhɔ mmɔ: koro nyesobo mmɔ ke ofut, ye ke akaŋ, ye ke idiɔk udɔŋɔ.