JEREMIAH 11:11 - Edisana ñwed Abasi Ibom

¹¹ Mmɔdo ntem ke Jehovah ɔdɔhɔ, ete, Sese, ami nyeda idiɔk ŋkpɔ kiet eke mmɔ mikemeke ndiwɔrɔ ke esit, ntiene mmɔ; ndien mmɔ eyeseme enɔ mi, edi ami ndikopke uyo mmɔ.

JEREMIAH 11:11 Referans Kwoze

EZEKIEL 8:18

Ndien ami ŋko nyenam ke ifuresit: enyin mi idinyeneke mbɔm, ndinyuŋ nyakke: ndien mmɔ eyefiori mi ɔkpɔsɔŋ uyo ke utɔŋ, edi ndikopke uyo mmɔ.

ISAIAH 1:15

Ndien ke ini mbufo emenerede ubɔk mbufo, ndip mbufo enyin mi: ndien ŋko ke ini mbufo ewakde ndibɔŋ akam, ami ŋkopke: iyip ɔmɔyɔhɔ mbufo ke ubɔk.

MME ŊKE 1:28

Ke ini oro mmɔ eyeseme ekot mi, edi ndiyereke; eyebak eyom mi, ndien idikwe mi.

ZECHARIAH 7:13

Ndien edikem, kpa nte enye okotde, ndien mmɔ mikopke; kpa ntre ke mmɔ ekekot, ndien ami ŋkopke, Jehovah mme udim ɔdɔhɔ:

MICAH 3:4

Ndien mmɔ eyeseme enɔ Jehovah, ndien enye idiyereke mmɔ: enye eyenyuŋ odip mmɔ iso esie ke ini oro, kpa nte mmɔ ediɔkde ndinim ido mmɔ.

JEREMIAH 14:12

Ke ini mmɔ etrede udia, ami ndikopke eseme mmɔ; ndien ke ini mmɔ ewade edifɔp uwa ye inuak-udia, ami ndibɔhɔ mmɔ: koro nyesobo mmɔ ke ofut, ye ke akaŋ, ye ke idiɔk udɔŋɔ.

2 NDIDEM 22:16

Ntem ke Jehovah ɔdɔhɔ ete, Sese, mmɔŋ nda idiɔk-ŋkpɔ ntiene ebiet emi ye mme andiduŋ ke esit, kpa kpukpru ikɔ ŋwed oro edidem Judah okokotde:

JEREMIAH 11:17

Ndien Je-hovah mme udim emi ɔkɔtɔde fi ke isɔŋ, ɔdɔhɔ idiɔk abaŋa fi, abaŋa idiɔk ido ufɔk Israel, ye eke ufɔk Judah oro mmɔ ekenamde ke idem mmɔ, enyuŋ eyatde mi esit ke erifɔp ŋkpɔ nnɔ Baal.

JEREMIAH 6:19

Ererimbot, kop: sese, ami mmɔŋ nda idiɔk-ŋkpɔ ntiene mbio emi, kpa mfri ekikere mmɔ: koro mmɔ mikpaŋke utɔŋ ke ikɔ mi ye mbet mi, edi esin enye.

ISAIAH 24:17

Ndik, ye ukpe, ye mfine, ke ena enɔ fi, O andiduŋ isɔŋ.

ŊWED MME PSALM 18:41

Mmɔ eyeseme, edi owo eke anyaŋade iduhe; ekot Jehovah, edi enye iyereke mmɔ.

MME HEBREW 1:3

Enye oro edi uyama ubɔŋ Abasi, ye ata mbiet Idem Esie, onyuŋ ada uyo odudu Esie omum kpukpru ŋkpɔ akama: ekem, ke Enye ama akama utom erinam owo esana ke mme idiɔk-ŋkpɔ, Enye ɔsuhɔre etetie ke ubɔk nnasia Andinyene-ubɔŋ ke enyɔŋ;

1 ŊWED THESSALONICA 5:3

Ini mme owo edɔhɔde ete, idu ke emem ye ifure, kpa adaŋoro ke nsobo abuat mmɔ, nte emi uman abuatde ŋwan idibi; ndien mmɔ idikwe usuŋ ubɔhɔ.

AMOS 5:19

Kpa nte owo efehede ɔbɔhɔ lion, ndien bear osim enye: ye nte owo odukde ke ufɔk akadian ubɔk ke ibibene, ndien urukikɔt odom enye.

EZEKIEL 7:5

Ntem ke ɔbɔŋ Jehovah ɔdɔhɔ, ete,

JEREMIAH 36:31

Nyenyuŋ nnɔ enye ye ubon esie ye ikɔt esie ufen idiɔk ido mmɔ; nnyuŋ ntiene mme andiduŋ Jerusalem ye mbio Judah ndinam mmɔ ofuri idiɔk-ŋkpɔ emi ŋke-tiŋde nnɔ mmɔ, ndien mmɔ ikopke.

JEREMIAH 35:17

mmɔdo ntem ke Jehovah Abasi mme udim Abasi Israel ɔdɔhɔ, ete, Sese, ami mmɔŋ nda ofuri idiɔk ŋkpɔ emi ŋkɔdɔhɔde mbaŋa mmɔ, ntiene Judah ye kpukpru mme andiduŋ Jerusalem: koro mma ndɔhɔ ye mmɔ, ndien mmɔ ikopke: mma nnyuŋ ŋkot mmɔ, ndien mmɔ iyereke.

JEREMIAH 23:12

Mmɔdo usuŋ mmɔ eyetie ye mmɔ nte mfɔfiɔnɔ ebiet ke ekim; eyebin mmɔ, ndien mmɔ eyeduɔŋɔ ke esit; koro nyeda idiɔk-ŋkpɔ, kpa isua ufen mmɔ, ntiene mmɔ: uyo Jehovah edi emi.

JEREMIAH 19:15

Ntem ke Jehovah mme udim Abasi Israel ɔdɔhɔ ete, Sese, mmɔŋ nda ofuri idiɔk-ŋkpɔ oro ŋkɔdɔhɔde mbaŋa enye, ntiene obio emi, ye kpukpru obio-iŋwaŋ esie, koro mmɔ esɔŋɔde obot-itɔŋ mmɔ, ndien mikopke uyo mi.

JEREMIAH 19:3

nyuŋ dɔhɔ ete, Mbufo mbɔŋ Judah ye mme andiduŋ Jerusalem, ekop uyo Jehovah; ntem ke Jehovah mme udim Abasi Israel ɔdɔhɔ, ete, Sese, mmɔŋ nda idiɔk-ŋkpɔ ntiene ebiet emi, ndien enye eyeduat utɔŋ kpukpru owo eke ekopde enye.

JEREMIAH 15:2

Ndien ama ekem, ke mmɔ edidɔhɔde fi, ete, Nnyin idiwɔŋɔ ika mmɔŋ? Dɔhɔ mmɔ ndien, ete, Ntem ke Jehovah ɔdɔhɔ, ete, Mmɔ emi enimde mmɔ enɔ mkpa, ewɔŋɔ eka mkpa, ye mmɔ emi enimde mmɔ enɔ ofut, ewɔŋɔ eka ofut, ye mmɔ eke akaŋ eka akaŋ, ye mmɔ eke ntaŋ-mfep, yak etaŋ mmɔ efep.

JEREMIAH 11:14

Afo kunam mkpeubɔk ndien, unɔ mbio emi, kunyuŋ umenere mfiori ye eseme ubaŋa mmɔ: koro mmendikopde ke ini eke mmɔ esemede ekot mi ebaŋa idiɔk itie ukut mmɔ.

MME ŊKE 29:1

OWO eke ewakde ndidua-ri enye, ndien enye ɔsɔŋ obot itɔŋ, eyebiara usɔp-usɔp, ndien ididige nte ekɔkde enye.

ŊWED MME PSALM 66:18

Mma ŋkpokut idiɔk ido ke esit mi, Ɔbɔŋ ikpokopke:

2 CHRONICLES 34:24

Ntem ke Jehovah ɔdɔhɔ, ete, Sese, ami mmɔŋ nda idiɔk-ŋkpɔ ntiene ebiet emi, ye mme andiduŋ ke esit, kpa kpukpru isuŋi oro ekewetde ke ŋwed oro mmɔ ekekotde ke iso edidem Judah:

ŊWED JOB 35:13

Ŋkɔm Abasi idikopke nsu, Abasi Ibom idinyuŋ isehe enye.

JEREMIAH 14:2

Judah ke atua, mme inua-otop esie enyuŋ ekpa idem; mmɔ etie ikpo ke isɔŋ; eseme Jerusalem omonyuŋ ɔdɔk.

JEREMIAH 18:11

Kam dɔhɔ ndien ye mbio Judah ye mme andiduŋ Jerusalem, ete, Ntem ke Jehovah ɔdɔhɔ ete, Sese, ami mmɔŋ mbot idiɔk-ŋkpɔ mbaŋa mbufo, nnyuŋ nduak uduak mbaŋa mbufo: yak kpukpru mbufo ndien kiet kiet ekabare ekpɔŋ idiɔk usuŋ mbufo, mbufo enyuŋ eneŋere usuŋ mbufo ye ido mbufo.

JEREMIAH 25:35

Ndien mme ɔbɔk erɔŋ idikwe usuŋ nte efeŋede, mme etubom ufene idinyuŋ ikwe ubɔhɔ.

ŊWED ESEME 2:22

Afo okokot ŋkpɔ ndik mi akan okuk kpa nte usen esop, ndien ke usen iyaresit Jehovah owo eke ɔbɔhɔde onyuŋ ɔsuhɔde iduhe. Usua omosobo mmɔ emi ŋkamade nnyuŋ mbɔkde.

EZEKIEL 14:3

Eyen owo, mme mmɔ emi emeda ibɔk mmɔ ewuk ke esit mmɔ, enyuŋ eda ŋkpɔ iduɔ idiɔk ido mmɔ enim ke iso mmɔ: nte ŋkpayak ebup mi ebaŋa mmɔ?