JEREMIAH 10:6 - Edisana ñwed Abasi Ibom

⁶ Baba ŋkpɔ kiet ibietke fi, O Jehovah; afo omokpon, enyiŋ fo omonyuŋ okpon ke odudu.

JEREMIAH 10:6 Referans Kwoze

EXODUS 15:11

Anie, ke otu mme abasi ebiet fi O Jehovah? Anie ebiet fi, emi okponde ubɔŋ ke edisana ido, emi eteŋede ke itoro, anamde mme utibe ŋkpɔ?

ŊWED MME PSALM 96:4

Koro Jehovah omokpon, onyuŋ odot nte ekpetorode enye eti-eti: enye enyene uteŋe akan kpukpru abasi.

ŊWED MME PSALM 48:1

JEHOVAH omokpon, onyuŋ ɔfɔn nte etorode enye akamba ke obio Abasi nnyin, kpa ke edisana obot esie.

DEUTERONOMY 33:26

O Jeshurun, baba kiet eke ebietde Abasi iduhe; enye odoro ke enyɔŋ anyaŋa fo, onyuŋ ada ubɔŋ esie odoro ke ikpa-enyɔŋ.

ISAIAH 12:6

Sio mkpɔ idara, nyuŋ kwɔ, O andiduŋ Zion: koro Edisana Abasi Israel omokpon ke ufɔt fo.

ŊWED MME PSALM 145:3

Jehovah omokpon, onyuŋ odot nte etorode enye eti-eti; inyuŋ idige nte etimde eduŋɔre ubɔŋ esie.

DANIEL 4:3

Mme utibe ŋkpɔ esie ewak didie! ŋkpɔ ndyɔ esie enyuŋ esɔŋɔ didie! ubɔŋ esie edi nsinsi ubɔŋ; enye onyuŋ akara ke ofuri emana.

ŊWED MME PSALM 147:5

Ɔbɔŋ nnyin omokpon, omonyuŋ ɔsɔŋ odudu: ifiɔk esie akan nte owo obukde.

2 SAMUEL 7:22

Mmɔdo afo omokpon, O Jehovah Abasi: koro baba kiet mibietke fi, Abasi inyuŋ iduhe ke mibɔhɔke afo, ke kpukpru se nnyin ikekopde ke utɔŋ nnyin.

JEREMIAH 32:18

emi anamde ima ye mme tɔsin owo, onyuŋ osiode usiene idiɔk ido mme ete esin ke ikpanesit nditɔ mmɔ eke etienede mmɔ edem; Akwa ye Ɔkpɔsɔŋ Abasi Jehovah mme udim edi enyiŋ esie:

ISAIAH 40:25

Mbufo edida anie ndien edomo mi? Ami ndinyuŋ ndi ukem ye anie? Emi edi uyo Edisana Abasi.

EXODUS 8:10

Ndien enye ete Moses, Mkpɔŋ. Ndien enye (Moses) ete, Yak edi ke uyo fo; man afo ɔfiɔk nte baba kiet mibietke Jehovah Abasi nnyin.

MALACHI 1:11

Koro enyiŋ mi eyekpon ke otu mme idut ɔtɔŋɔde ke edem usiaha-utin tutu osim ke edem usop; ndien mmɔ eyefɔp incense ye edisana uwa enɔ enyiŋ mi ke kpukpru ebiet: koro enyiŋ mi eyekpon ke otu mme idut, Jehovah mme udim ɔdɔhɔ.

DANIEL 4:34

Ekem ke utit ini oro, ami Nebuchadnezzar mmenere enyin mi nse enyɔŋ, ndien ibuot mi ɔtɔŋ ntak ɔfɔn; ndien ami ŋkɔm Ata Edikoŋ, nnyuŋ ntoro, nnyuŋ ŋkpono enye emi odude uwem ke nsinsi, emi akarade ke nsinsi, emi ubɔŋ esie onyuŋ ebigide ke ofuri emana:

ISAIAH 46:9

Mbufo eti akpa ŋkpɔ ke eset; koro ami ndide Abasi, efen minyuŋ iduhe; ndi Abasi, ndien baba kiet eke ebietde mi iduhe.

ISAIAH 46:5

Mbufo edidɔhɔ, ete ke ami mbiet, nnyuŋ ŋkem ye anie? Edida anie edomo mi, man kiet ebiet kiet?

ISAIAH 40:18

Ndien mbufo edidomo Abasi ye anie? Enyuŋ eda nso idomo edomo enye?

ŊWED MME PSALM 35:10

Kpukpru mme ɔkpɔ mi eyedɔhɔ, ete, Jehovah, anie ebiet fi, emi osiode owo ukut ke ubɔk owo eke ɔsɔŋde akan enye? (Ke osio) owo ukut ye ubuene ke ubɔk owo eke obumede enye?

NEHEMIAH 9:32

Mbɔk, ndien, O Abasi nnyin, akwa, ye ɔkpɔsɔŋ Abasi emi enyenede ndik, onyuŋ onimde ediomi ye ima, kuse ofuri ukut emi nnyin, ye ndidem nnyin, ye mbɔŋ nnyin, ye mme oku nnyin, ye mme prophet nnyin, ye mme ete nnyin, ye ofuri ikɔt fo ekekutde, toto ke eyo edidem Assyria, tutu osim mfin emi, ke ekpri ŋkpɔ.

NEHEMIAH 4:14

Ndien ŋkut, nnyun ndaha ke enyɔŋ, nnyuŋ ndɔhɔ mbɔŋ, ye mme ebiere-ikpe, ye kpukpru mmɔ efen, nte, Mbufo ekufehe mmɔ: mbufo eti Ɔbɔŋ emi okponde, onyuŋ enyenede uteŋe, ndien eŋwana ekɔŋ enɔ nditɔ-ete mbufo, ye nditɔ-iren mbufo, ye nditɔ-iban mbufo, ye iban mbufo, ye mme ufɔk mbufo.

DEUTERONOMY 32:31

Koro itiat mmɔ mibietke Akwa Itiat nnyin, edi mme asua nnyin edomo ese.

EXODUS 9:14

Koro isaŋ emi, ami nyenam kpukpru mme idiɔk-ŋkpɔ mi eduk fi ke esit, ye ikɔt fo, ye mbio-obio fo: man afo ɔfiɔk nte baba kiet mibietke mi ke ofuri ererimbot.

1 ŊWED CORINTH 8:6

Nnyin imenyene Abasi kiet kpɔt, emi edide Ete, emi kpukpru ŋkpɔ etode Enye ewɔŋɔ, emi nnyin inyuŋ idude uwem inɔ Enye: imonyuŋ inyene Ɔbɔŋ kiet, kpa Jesus Christ, emi otode Enye ke kpukpru ŋkpɔ edu, onyuŋ otode Enye ke nnyin idu.

JEREMIAH 10:16

koro enye edide andibot kpukpru ŋkpɔ; Israel onyuŋ edi eto udeme esie: Jehovah mme udim edi enyiŋ esie.

1 CHRONICLES 16:25

Koro Jehovah omokpon, onyuŋ ɔfɔn nte etorode enye eti-eti: onyuŋ ɔfɔn nte ebakde enye ekan kpukpru abasi.