JEREMIAH 10:4 - Edisana ñwed Abasi Ibom

⁴ Mmɔ ebana enye ke silver ye gold; eda okpukwak ye hammer enam enye ɔsɔŋ, ndien enye isehekede.

JEREMIAH 10:4 Referans Kwoze

ISAIAH 46:7

Eyebiom enye ke afara, eyenim enye ke itie esie, ndien enye eyeda; idisehekede ke ebiet esiemɔ: owo eyeseme ɔnɔ enye ŋko, edi enye idiyereke, idinyaŋake enye isio ke ukut esie.

ISAIAH 44:12

Odom-utim anam ŋkpɔ-usɔ: onyuŋ anam enye ke ukaŋ; onyuŋ obot enye ke hammer, onyuŋ anam enye ke ubɔk odudu esie. Biɔŋ onyuŋ ɔdɔŋ enye, ndien enye isɔŋɔke idem: iŋwɔŋke mmɔŋ, ndien akpa mba.

ŊWED MME PSALM 135:15

Mme ibɔk mme idut edi silver ye gold, kpa ŋkpɔ eke ubɔk owo enamde.

ŊWED MME PSALM 115:4

Mme abasi mmɔ edi silver ye gold, kpa ŋkpɔ eke ubɔk owo anamde.

ISAIAH 46:6

Mme ɔduɔŋɔ-ŋkpɔ eyesio gold ye silver ke ekpat, edomo ke balance, eyekpe owo-usɔ inyene: ndien enye ada enye anam abasi: mmɔ enuhɔ, enyuŋ etuak ibuot.

HOSEA 13:2

Ndien ke emi mmɔ edediɔŋ enam idiɔk; enyuŋ etara silver mmɔ enam mbiet ke idem mmɔ, adaŋa nte efiɔkde, kpa ibɔk; mbon-usɔ enam mmɔ kpukpru: mmɔ edɔhɔ ebaŋa mmɔ, ete, Yak owo eke ewade uwa etim nditɔ-enaŋ inua.

HABAKKUK 2:19

Osuk ɔdɔdiɔk ɔnɔ owo eke ɔdɔhɔde eto, ete, Demere! men Idem! ɔdɔhɔ imum itiat, ete, Enye eyeteme! Sese, mmɔ ekubi enye gold ye silver;