JEREMIAH 10:22 - Edisana ñwed Abasi Ibom

²² Uyo etop! sese, ke edi. Akamba mkpo onyuŋ oto ke idut edere edi, ndinim mme obio Judah ke ŋkpɔ nditaha, ye ke iduŋ mme jackal.

JEREMIAH 10:22 Referans Kwoze

JEREMIAH 9:11

Ndien nyenim Jerusalem ke ibombom, ye ke nna mme jackal; nyenyuŋ nnim mme obio Judah; ke ndobo, enana owo eke eduŋde.

MALACHI 1:3

ndien ŋkama Jacob, nnyuŋ nsua Esau, nnyuŋ nnim ikpɔ obot esie ke ikpikpu ebiet, nnyuŋ nnim udeme esie ke iduŋ wilderness.

JEREMIAH 6:22

Ntem ke Jehovah ɔdɔhɔ, ete, Sese, idut kiet oto ke edem edere edi, akamba idut eyenyuŋ edemere ke ŋkaŋ ererimbot.

JEREMIAH 6:1

MBUFO nditɔ Benjamin ewɔŋɔ ke ufɔt Jerusalem efeŋe, enyuŋ efuri ukorowo ke Tekoa, enyuŋ emenere ŋkpɔ idiɔŋɔ ke enyɔŋ ke Beth-haccherem: koro idiɔk-ŋkpɔ ye akwa ŋwure etiede ke edem edere ese.

JEREMIAH 5:15

Jehovah ɔdɔhɔ ete, Sese, ami mmɔŋ nda idut ke anyan ebiet ndi ntiene mbufo, O ufɔk Israel: idut oro edi ɔkpɔsɔŋ, idut oro oto ke eyo oko, afo udufiɔkke usem idut oro, udunyuŋ ukopke se mmɔ edidɔhɔde.

JEREMIAH 4:6

Mbufo emenere banner ke enyɔŋ ke Zion: efeŋe itɔk: ekutuak eda: koro ami mmɔŋ nda idiɔk ye akwa ŋwure ke edem edere ndi.

JEREMIAH 1:15

Koro, sese, ami mmɔŋ ŋkot kpukpru mme ubon mme idut edem edere, Jehovah ɔdɔhɔ; ndien mmɔ eyedi, kpukpru mmɔ eyenyuŋ ediɔk ebekpo mmɔ ke inua-otop Jerusalem, ye ke enyɔŋ kpukpru ibibene esie ekan ekuk, ye ke kpukpru mme obio Judah.

ISAIAH 34:13

Ndien ŋkukim eyekɔri ke ikpɔ ufɔk esiemɔ, mbarekpe ye akpap, ke mkpɔsɔŋ ebiet esie. Enye eyenyuŋ edi iduŋ mme wolf, ye okure mme jackal.

JEREMIAH 1:14

Ndien Jehovah ɔdɔhɔ mi, ete, Idiɔk ŋkpɔ eyesiaha ke edem edere odoro kpukpru mme andiduŋ isɔŋ.

JEREMIAH 4:15

Koro uyo otode ke Dan etiŋ onyuŋ oto ke obot Ephraim obuk nnanenyin.

JEREMIAH 25:9

Sese, mmɔŋ ndɔŋ ekeda kpukpru mme oruk edem edere, nnyuŋ ndɔŋ utom ke ɔtɔ Nebuchadnezzar edidem Babylon owo mi, nnyuŋ nda mmɔ ndi ekɔŋ ye isɔŋ emi, ye mme andiduŋ enye, ye kpukpru mme idut emi ekande enye ekuk; nyenyuŋ nsobo mmɔ, fap, nnyuŋ nnim mmɔ ke ŋwure, ye ŋkpɔ nsi, ye ke nsinsi ndon.

JEREMIAH 49:33

Ndien Hazor eyekabare edi iduŋ jackal, ye ndobo ke nsinsi: owo ididuŋke do, eyen owo idinyuŋ idaŋke ke esit.

ŊWED ESEME 1:4

Ɔkpɔ-usuŋ Zion etuaŋa, koro baba owo kiet midige ke ederi: kpukpru inua otop esie emebiara, mme oku esie eseme, nditɔ-iban esie etie ke mfuhɔ, ŋkpɔ onyuŋ odoro enye.

EZEKIEL 12:19

nyuŋ dɔhɔ mbio edem emi, ete, Ntem ke Ɔbɔŋ Jehovah ɔdɔhɔ mme andiduŋ Jerusalem, ye eke isɔŋ Israel, ete, Mmɔ eyeta uyo mmɔ ke ndik, enyuŋ eŋwɔŋ mmɔŋ mmɔ ke mkpa-idem, man ebɔ enye isɔŋ uyuhɔ esie ebiat, ebaŋa afai kpukpru mmɔ emi eduŋde ke esit.

JEREMIAH 2:15

Nsinam ndien enye akabarede edi ŋkpɔ mbume? Mkparawa lion ke ekuni enye, emenere uyo mmɔ, enyuŋ enim isɔŋ esie ke ŋkpɔ nsobo: mme obio esie emenyuŋ eta ikaŋ, enana owo eke oduŋde.