JEREMIAH 10:2 - Edisana ñwed Abasi Ibom

² ntem ke Jehovah ɔdɔhɔ, ete, Mbufo ekukpep usuŋ mme idut, ekunyuŋ eyomo nsia ebaŋa mme idiɔŋɔ ikpa-enyɔŋ: koro nsia oyomode mme idut ebaŋa mmɔ.

JEREMIAH 10:2 Referans Kwoze

LEVITICUS 20:23

Mbufo ekusaŋa ndien ke ido idut emi ami mmɔŋ mbin mmɔ mfep ke iso mbufo: koro mmɔ enamde kpukpru ŋkpɔ emi, mmɔdo nsuade mmɔ.

LEVITICUS 18:3

Mbufo ekunam nte isɔŋ Egypt, emi mbufo ekeduŋde ke esit, enamde: ekunyuŋ enam nte isɔŋ Canaan, emi ami ndade mbufo nduk do, enamde: ekunyuŋ esaŋa ke mme ewuhɔ mmɔ.

EZEKIEL 20:32

Ndien ŋkpɔ emi ɔdɔkde oduk mbufo ke esit ididuhe du, emi mbufo edɔhɔde, ete, Nnyin iyebiet mme idut, ibiet mme oruk mme obio, inyuŋ inam ŋkpɔ inɔ eto ye itiat.

GENESIS 1:14

Ndien Abasi ɔdɔhɔ ete, Yak mme uŋwana edu ke ikpa-enyɔŋ heaven man edianare uwemeyo ye okoneyo; yak enyuŋ edi nte mme idiɔŋɔ, ye nte ini, ye nte usen, ye nte isua.

JUDGES 6:10

ndien ndɔhɔ mbufo, nte, Ami ndi Jehovah Abasi mbufo; mbufo ekubak mme abasi mme Amorite, emi mbufo eduŋde ke isɔŋ mmɔ: edi mbufo ikokopke uyo mi.

JEREMIAH 10:1

O UFƆK Israel, mbufo ekop ikɔ emi Jehovah ɔdɔhɔde mbufo:

DEUTERONOMY 18:9

Ke adaŋemi afo edide ke isɔŋ emi Jehovah Abasi fo ɔnɔde fi, kukpebe ndinam mbubiam ido mme idut oro.