JEREMIAH 10:13 - Edisana ñwed Abasi Ibom

¹³ Uyo esie ke ini enye osiorode enye anam ediwak mmɔŋ odu ke ikpa-enyɔŋ, enye anam mbubit enyɔŋ oto ke utit isɔŋ ɔdɔk, anam obuma ɔnɔ edim, onyuŋ osio ofum ke ebiet unim-ŋkpɔ esie.

JEREMIAH 10:13 Referans Kwoze

ŊWED MME PSALM 135:7

Enye anam ntuhube adaha ke mme utit ererimbot ɔdɔk; anam obuma ɔnɔ edim; osio ofum ke ŋkpɔ-uto esie ada edi.

ŊWED JOB 38:22

Nte afo ama oduk ke ebiet unim snow? Ama onyuŋ okut ebiet-unim edim-itiat,

ŊWED MME PSALM 18:13

Jehovah onyuŋ atuak enyɔŋ; Ata Edikoŋ onyuŋ osioro uyo esie; edim itiat ye ebok ikaŋ.

ŊWED MME PSALM 147:8

emi adade obubit enyɔŋ ofuk ikpa-enyɔŋ, emi ɔkɔde edim ɔnɔ isɔŋ, emi anamde obot etibe mbiet.

ŊWED MME PSALM 135:17

emenyene utɔŋ, edi ikopke; baba ibifik inyuŋ iduhe mmɔ ke inua.

ŊWED MME PSALM 68:33

Ekwɔ enɔ Enye emi odoroke ke akani enyɔŋ eset; sese, Enye ke osioro uyo, ɔkpɔsɔŋ uyo.

1 NDIDEM 18:41

Ekem Elijah ɔdɔhɔ Ahab, ete, Dɔk ka dia ŋkpɔ nyuŋ ŋwɔŋ, koro uyom ediwak edim odude.

EXODUS 9:23

Ndien Moses emenere esaŋ esie ke enyɔŋ; ndien Jehovah atuak enyɔŋ, onyuŋ anam edim-itiat ɔduɔt, ikaŋ onyuŋ asak asaŋa ke isɔŋ; Jehovah onyuŋ anam edim-itiat ɔduɔt ke isɔŋ Egypt.

ZECHARIAH 10:1

MBUFO ebeŋe Jehovah edim ke ini akpatre edim: Jehovah anam mineŋ-mineŋ, ndien enye eyeda ɔkpɔsɔŋ edim ɔnɔ mmɔ, ɔnɔ kpukpru owo mbiet iŋwaŋ.

GENESIS 2:5

Ndien eto obot ndomo kiet ikoduhe kaŋa ke isɔn, baba ikɔŋ isɔŋ ikonyuŋ itibeke kaŋa: koro Jehovah Abasi mikanamke edim edep kaŋa ke ererimbot, owo eke ofuŋde isɔŋ mika inyuŋ iduhe.

ŊWED MME PSALM 104:13

Enye osio mmɔŋ ke ubet esie ebit ikpɔ obot: mfri utom fo ɔyuhɔ isɔŋ.

JEREMIAH 51:16

Ke ini enye osiorode uyo esie uwak mmɔŋ odu ke enyɔŋ: enye onyuŋ anam uye oto ke utit ererimbot ɔdɔk: anam obuma ye edim, onyuŋ osio ofum ke ebiet unim ŋkpɔ esie.

AMOS 4:13

Koro, sese, ke edi Enye akanam ikpɔ obot, onyuŋ obot spirit, onyuŋ owut owo uduak esie eke edide: anam usiere akabare edi ekim, onyuŋ edigi ŋkokoŋo ebiet isɔŋ, Jehovah Abasi mme udim edi enyiŋ esie.

JEREMIAH 5:24

Mmɔ inyuŋ idɔhɔke ke esit mmɔ, ite, Mbɔk, eyak nnyin ibak Jehovah Abasi nnyin emi ɔnɔde edim, kpa mbemiso ye ukperedem edim ke ekem ini mmɔ: enye onim mme urua ukpeŋe eke ekedoride, ɔnɔ nnyin.

JEREMIAH 14:22

Nte ikpikpu abasi mme idut ekededi odu eke ekemede ndinam edim edep? Nte ikpa-enyɔŋ edinɔ edim mmɔŋ? Nte idige afo edi enye, O Jehovah Abasi nnyin? Nnyin iyebet fi, ndien: koro afo anamde kpukpru ŋkpɔ emi.

JEREMIAH 19:12

Jehovah ɔdɔhɔ ete, Ntem ke ndinam ye ebiet emi, ye mme andiduŋ enye, nnyuŋ nnam obio emi etie nte Topheth: